العشاء الشهى بدون وزن ذائد

[tmother]

يابنات
عايزه افكاركم ياحلوين
أنا حامل والحمد لله ومش عايزه ازيد فى الوزن على الفاضى عايزه اكل المفيد بس انا على طول جعانه وزهقت من السلطه والزبادى
فهل عندكم أفكار جميله لأكل شهى بدون وزن ذائد جزاكم الله خيـــــــــــــــــــــــــرا

[سائله الرحمن]

اخت اعتقد فى قسم التغذيه او الحمل

لكن من خبرتى كلى المغذيات ومين قالك كلى زبادى و سللطه بس انتى بتعملى ريجيم حرام انتى محتاجه غذا و

و البيبى اللى بطنك محتاج غذا

بيض لبن عين جمل لحوم بس مستويه كويس قوى سمك كلى ارز و مكرونه بس قللى الكميه و فاكهه و خضار خصوصا الخضرا قوى و لما تحسى بجوع ناناى بطبق فاكهه و ماتنسيش العصاير

و اكيد الخبيرات هايفيدوكى

[tmother]

الاخت سائله الرحمن
شكرا لمساعدتك واتمنى ان اجد أراء أخرى

[mama2010]

عزيزتي اهم شي صحة الجنين وانتي لاحقه انشاء الله

[ام عروووب]

الرضعه الطبعيه بعد الولاده كفيله لكي تستعيدي رشاقتك ولاكن تغذي زين حتى لاتصابين بفقر الدم هذا الكلام من خبره

[هندريلا]

حبيبتى انا لما كنت حامل حافظت على وزنى نفسسسسسسسه من اول يوم في الحمل الى الشهر التاسع كانت الزياده 2 كيلو بس

والطريقه هى اكل كل اللي ابغاه بس شوكلاتات لا ممكن كل يومين او ثلاثه اكل قطعه اذا نفسي فيها

الحلا ما اكل لانى ما احبه ههههههههههه

المقالي منعتها

والباقي اكل عادى

[ثومه]

أولا ألف مبروك الحمل حبيبتى وربنا يكمل على خير ويكون قرة عين لك ان شاءالله لازم تعرفى حاجه مهمه قوى الجنين هياخد كل احتياجاته الغذائيه سواء اتغذيتى وللا لأ لكن أهمية انك تتغذى كويس ده ليكى لان نقص الغذاء ممكن يعمللك أنيميا لا قدر الله وكمان نقص الكالسيوم بيعمل هشاشة عظام عشان كده ممكن تركزى على الحاجات اللى تفيدك ومن غير ما تزيدى أكثر من الزياده الطبيعيه أثناء الحمل زى اللبن ومشتقاته زى الزبادى والأجبان وتبعدى عن الموالح والمخللات وكمان الجبنه الرومى والفلمنك لانها بتزود الوزن وبترفع الضغط وطبعا الحاجات الغنيه بالحديد زى الكبده والخضار الطازج والفاكهه والعصايرالفريش وتبعدى عن المقليات وما تكتريش من الحلويات وتمارسى رياضه خفيفه زى المشى وكمان حتى لو وزنك زاد شويه كله يهون علشان النونو ييجى بالسلامه سليم ومعافى ان شاء الله أتمنى أكون ساعدتك ويا ريت تدخلى ركن الطفل والحمل هتستفيدى أكتر

[چيهان أبو الغيط]

حبيبتى مين اللى اقترح عليكى الاقتراح الغريب ده بتاع سلاطه وزبادى
الحامل لازم تاكل لانها لازم تغذى بنى ادم لا حول له ولا قوه
والمشكله انه لو لم يتغذى جيدا عواقبها ليست لطيفه وتجعل الام تندم باقى عمرها
تخيلى معى انك تغذى خلايا اوليه منها ما يكون المخ ومنها ما يكون العظام ومنها ما يكون الجهاز العصبى اذا لم تؤسس جيدا كيف يكون حال البيبى المولود
كلى اكل زى البشر انتى لابد ان تزيدى اثناء الحمل وزن البيبى والمشيمه والسائل الامينوسى من 9 الى 11 كيلو مخطا من يقول لكى عكس هذا وارجعى لطبيبتك النسائيه وتأكدى منها برضه بس لا اظنك ح تزيدى انتى بالمنظر ده ح تقلى عن وزن قبل الحمل
واحب انبهك لشىء جميل البيبى محتاج كالسيوم اخدتيه فى اكلك كان بها لم تاخذيه استهلكه من كالسيوم عظمك واسنانك اكيد وصلت لكى كل عيل بضرس ده سوء تغذيه مش مبدأ عارفه ان التى لا تتناول كفايتها من الكالسيوم اثناء الحمل ممكن تصاب بهشاشيه عظام
والبروتين اظن لا يحتاج ان اشرح لانك باقلاك او حذفك وجبه العشا بتكونى حذفتى ثلث المواد الغذائيه التى تحتاجيها فى اليوم
وانتى تحتاجى زياده عن الطبيعى 300 سعر
طمنينا عليكى
لو عايزه اقتراحات اذكرى ما تتناوليه فى الطبيعى وباذن الله اذكر لكى الاكل الغير مفيد ونستبدله باكل مفيد

[rony_77]

يا شيخة كلى كلى ولا يهمك انتى حامل ممكن تندمي بعد كده

[tmother]

اخواتى الحبيبات
أشكركم جميعا على ارائك وخوفكم عليه وعلى جنينى
انا بتكلم كده لان حملى الاول زدت فيه 30 كيلو وكنت ماشيه بمبدأ كلى ولا يهمك انتى بتغذى روح وعلشان مايجلكيش امراض وطفلك يبقى سليم ومعافى والنتيجه هذه الزياده الرهيبه فى الوزن وطفلتى ولدت صغيره جدا وليست بالحجم المفروض وتعبت جدا جدا لغايه ماخسيت تانى وجالى اكتئاب لما كنت مش بعرف حتى اوطى اجيب حاجه من على الارض

أشكركم مره اخرى

[چيهان أبو الغيط]

اختى ان شاء الله تقومى بالسلامه بس سؤال انتى يا اما تزيدى زياده رهيبه يا اما عايزه تعيشى على السلاطه
خليكى وسط
قللى الحلويات او امنعيها (وبالذات الشرقيه والغربيه يعنى المطهيه عموما ) والعيش قلليه وكلى باقى الاكل عادى
حولى اكلك للاكل الصحى يعنى كلما قل تعقيده كان اصح
امنعى المايونيز والكاتشاب وخلافه
كل وجبه يجب انك تاكلى معاها خضار وفاكهه
واللبن 2 او 3 كوب يوميا
كلى مش لازم كميات مهوله بس مكهم جدا تاكلى الزياده اللى زيدتيها المره اللى فاتت دى كانت ممكن تتعبك جدا انتى والبيبى
وانتى مش بتكلى لاثنين كلى لنفسك بس اكل مفيد