بنات مصر الحلوين

[w-2005]

السلام عليكم

بنات مصر عاوزه اسالكم عن افضل مدربة ايروبيكس فى مدينة نصر او مصر الجديده

وياريت تكونو جربتوها وجابت نتيجه معاكم

منتظره ردكم بفارغ الصبر

سلام

[nona_nono]

شوفى يا ستى
فيه جيم فى مكرم عبيد من ناحية السلاب اسمه هيرو جيم (Hero Gym)
هو ميزته فى الايروبكس انها مش مدربة تديكى ساعة او ساعتين وخلاص لا بيقسموها ساعة كاملة لتمارين تفيد منطقة معينة من الجسم واوقات تانية لتمارين ايروبكس فى نفس وقت استخدام جهاز العجلة وده للأرداف وممكن تروحى تجربيه مرة قبل ما تشتركى وبجد الايروبكس عندهم مفيد ومنظم قوى
بنا معاكى وتحققى هدفك
نسيت اقولك انه مواعيده من 8 الصبح ل 12 بالليل بس الايروبكس تقريبا يبدأ من 11 الصبح ل 8 او 9
ابقى اتصلى إسألى
!!!!!!!!!!!!!!!!!!!!!!!!! يمنع اضافه ارقام الهاتف

[w-2005]

شوفى يا ستى
فيه جيم فى مكرم عبيد من ناحية السلاب اسمه هيرو جيم (Hero Gym)
هو ميزته فى الايروبكس انها مش مدربة تديكى ساعة او ساعتين وخلاص لا بيقسموها ساعة كاملة لتمارين تفيد منطقة معينة من الجسم واوقات تانية لتمارين ايروبكس فى نفس وقت استخدام جهاز العجلة وده للأرداف وممكن تروحى تجربيه مرة قبل ما تشتركى وبجد الايروبكس عندهم مفيد ومنظم قوى
بنا معاكى وتحققى هدفك
نسيت اقولك انه مواعيده من 8 الصبح ل 12 بالليل بس الايروبكس تقريبا يبدأ من 11 الصبح ل 8 او 9
ابقى اتصلى إسألى
!!!!!!!!!!!!!!!!!!!!!!!!! يمنع اضافه ارقام الهاتف

جزاك الله خيرا يانونا على سرعة الرد والاهتمام والمكان ده فعلا قريب جدا منى لانى ساكنه عند السراج مول
بس عندى بعض الاستفسارات لانى بصراحه مش عايشه فى مصر بس نازله كمان اسبوعين
وعاوزه اظبط جسمى فمعلش هتقل عليكى
1- هوه انت جربتيه بنفسك؟ ونتيجته كانت ايه معاكى؟
2- هوه كله سيدات فقط؟
3- واشتراكه الشهرى كام وبتروحى كام مره فى الاسبوع؟

معلش تقلت عليكى
وياريت لو البنات عندهم اماكن تانيه ياريت يقولولى عليها
وشكرا

[چيهان أبو الغيط]

اخواتى شاكره لكم عدم اضافه ارقام هواتف اوايميلات لانها مخالفه لقوانين المنتدى
والمخالفه فى البنود الاتيه

8. . يمنع الإعلان التجاري في المنتدى من خلال المواضيع أو الردود أو الإيميلات التي تؤخذ عن طريق المنتدى بأيطريقة ، سواء عن المنتجات أو الشركات والمؤسسات أو الإعلان عن منتديات أخرى أومواقع تتضمن ساحات للحوار إلا بعد أخذ الإذن من الإدارة. ويستثنى من ذلك الحديث عن منتجات مجربة او الحديث عن محلات تجارية بالنقد أو التوصية بغرض إفادة الأعضاء أوالتسويق عن طريق الاشخاص في ركن التسوق والتجارة .

9. يمنع وضع العناوين البريدية الشخصية أو أرقام الهواتف الشخصية سواء في التواقيع أو المشاركات إلا بموافقة ادارة الموقع على ذلك.

والقوانين تجدوها فى الرابط

مهم قراءته قبل كتابه موضوع ارجو من الجميع الدخول

[w-2005]

للرفع

[nona_nono]

مبدئيا اسفة على وضع ارقام الهواتف
وثانيا انا جربته بنفسى انا وامى بس انا تركته واتجهت للعب الاسكواش بس امى مازالت مستمرة
اما اشتراكه الشهرى 280 جنيه لو اشتراك دائم بمعنى تروحى 7 ايام فى الاسبوع من 7 الصبح ل 12 بالليل ويشمل ساونا وحمام بخار وايروبكس وجمانيزيوم
او اشتراك 200 جنيه وتروحى 3 مرات فى الاسبوع طبعا الاولانى اوفر
وهو كله سيدات بس بس فيه جنبه فرع تانى مستقل للرجال بس فرعين مستقلين عن بعض كل واحد فى بناية لوحده
اما بالنسبة لنتيجته معايا دى حاجة متروكة ليكى على حسب مجهودك بيجيب نتيجة معاكى
اتمنى اكون افدتك

[w-2005]

جزاك الله كل خير