انا زعلانه من كل وحده من بنات المنتدى

[ندى مصطفى..]

انا كمان زهقت

بس مش انه من دون فايده

لا لاني بجد مش واخده على كده


بس عارفه جوايا اراده اخس جدا تحت الوزن اللي مفروض اوصله

وبعدين ابتدي اظبط جسمي تاني

يالله الفراغ يعمل اكتر من كده


ندى

[طيـــف]

شو مزعللللللللللللللل دندوشه؟

[فيوليتا]

دندوشة لا تزعلي أنا زيك وحالتي زي حالتك
والله اني زهقانة كتير من الريجيم وملله !!!!!!!!!!!
انا وزني كان يوم 20/11 67.8 وطولي 165 سم وعمري 30 بالبس قياس 44
ملابس بالسوق بلاقي بصعوبة واذا لقيت مش ستايل وعاللبس مش حلو ، اخواتي كلهم نحاف وسلفتي وبنات حماي كمان
واختي خطبتها بالعيد المهم يئست وصرت اكره حالي بآخر الأيام ودائماً زعلانة
المهم شديت الهمة ورحت على أخصائية تغذية وبدات ب 20/11/2006 كان وزني بالضبط 67.8 اليوم وزني 63 وإنشاءالله وبالمزيد من الإصرار يا رب بعد اسبوعين بالعيد يكون وزني 60 عشان اشتري ملابس قياس 42
البرنامج سهل ومن أكل البيت وقد وضعته في مكان ما في المنتدى سابحث لك عنه إن اردت ...... المهم لا تيأسي ومك وجهة نظري الميزان ليس معيار المعيار هو المتر وقياس الخصر والبطن والأرداف ودمت شدي حيلك ولا تزعلي

[طيـــف]

فيوولتا حبيبتي ازا وزنم 67 الحمدلله زياده بسيطه برافو انك لحقتي حالك

بس احكي لنا شو نظامك

[لولة]

اظن ما في زعل الاخوات ردو عليكي بما يكفي
ولا تزعلين يا قمر

[فيوليتا]

أختي العزيزة طيف ، البرامج يختلف متن اسبوع لآخر وهذا يعود لمقدار الكيلوات التي نزلتيها الأسبوع الفائت ، بالنسبة لي أول اسبوع كان مفروض أكون 65 بس أنا أول يومين ما مشيت منيح لأني لسه مش متعودة ، اول اسبوع كان كالتالي :
الفطور لكل أيام الاسبوع : رغيف صغير خبز اسمر مع 3 ملاعق حمص او 3 ملاعق لبنة او 3 قطع جبنة بيضاء أو 3 شرائح تيركي+ خيار وبندورة
الغدء لديك خيارات :

• كوب مقلوبة مع قطعة لحمة بحجم البيضة وسلطة
• 6 ملاعق ارز مع كوب ملوخية وقطعة دجاج مشوية بدون جلدة
• 3 كوسا محشي مع 12 ورقة عنب محشية وسلطة
• نصف رغيف مع 2 قطعة جبنة بيضاء أو 2 ملعقة لبنة وسلطة
• علبة تونا كبيرة مع نصف رغيف وسلطة
• قطعة دجاج مشوية مع 12 شريحة بطاطا مقلية وسلطة

العشاء : كوب شاي مع نصف ملعقة سكر وقطعة كيك بدون كريمة

بين الفطور والغداء حبة فاكهة وكذلك بين الغدا والعشا

يسمح عند الجوع بتناول خيار وبندورة وخس وفليفلة وشرب شاي وقهوة بدون سكر أو بمحليات صناعية وشرب مشروبات دايت ويمكنك عتد الملل اكل علكة خالية من السكر

ولماذا انا وجدته سهل لأني طبخت أربع طبخات لاسرتي واكلت منها كلها بدون حرمان ولم آكل لا الخيار لرابع ولا الخامس على الغداء.......
يغعني عملت مقلوبة وملوخية ومحشي وصينية دجاج وبطاطا
المهم نزل وزني اول أسبوع 1.900 تقريباً 2 كيلو الحمدلله
وبعد ذلك اخذت برنامج آخر اخبركم عنه لاحقاً

[طيـــف]

شكرا حبيبتي فيولتيا على الافاده نظامك حلوووووووووووووووو وفيه توازن رائع
بس بصراحه صعب انا امشي عليه

انتي بناسبك لانك ربت بيت ومن نفس طبخك

انا لانه موظفه صعب امشي عليه بعدين انا مابمشي معي هيك حال لازم اقفل بالضبه والمفتاح
ورجيم يقوللي مافي اكل بالمره ياطيف ماباجي الا بالعين الحمرا

بس للامانه نظامك كتير حلوو ورح انصح فيه الاخوات بعد اذنك طبعا

[فيوليتا]

الشغل مش حجة !!!!!!!!

أختي العزيزة طيف ....
الله يهديك انا مش ربة بيت
أنا موظفة ودوامي من الـ7.30 ولغاية 3 العصر كل الأيام عدا الجمعة فشو رايك ؟
باخد الفطور معي عالشغل وبافطر هناك الساعة 11 وباكل تفاحة الساعة 1.30 إذا كان عندي طبيخ من قبل بيوم باتغدا منه أما إذا كنت لسه بدي أطبخ يا باصبر حالي ليجهز الغدا وباتغدى يا إما باعمل سندويشة من نصف رغيف خبز مع جبنة أو لبنة يعني الشغل مش حجة بالمرة ؟
وفي عنا مثل بيقول اللي بدو الدح ما يقول اح
صح ؟ انت كم وزنك وطولك وكم كيلو بدك تنقصي ؟

[طيـــف]

لا انا مابقدر بالدوام امشي بهيك نظام! واكل هيك اكل بصراحه

انا طولي 174ووزني 75
لازم انزل 5 كيلو

انا بحب الرجيمات المحددده اكتر متل نظام لولا
زمااااااان كنت اوكي اسوي نظام متنوع بس هلاء ماعندي وقت احضر اكل واشيل واحط بالدوام
بفضل التفاح والروب والجزر او لبن او تمر هيك شي


وبالعكس انا مابقول اح بتاااااااااتا لانه بمشي وبلتزم بشي بده نفسسسس قويه والحمدلله بتغلب عليه

[فيوليتا]

بسيطة يا طيف بدال اللبنة والجبنة خدي علبة لبن (روب ) خالي الدسم مع تفاحة
بس انا حبيت هذا البرنامج ليش لأنه ما فيه حرمان من الكل يعني مرة عملت برنامج عند أخصائية تانية كتبت لي ستيك مشوي ودجاج مشوي واشياء مش أكلنا العادي فلما خلصت الريجيم ونزلت يومها من 69 ل 59 رجعت العشرة كيلو اللي نزلتهم بشهرين بس
لأني كنت حاسة حالي مشتاقة كتير للاكل العادي اللي انحرمت منه فترة الريجيم بس مثلاً الآن طبخت كل الطبخات تقريباً واكلت منها باستثناء المسخن والمنسف والأكل حتى اني طلعت عالمطعم مع اولادي واكلنا دجاج تكا وسلطة وبطاطا وما تاثر الريجيم ..... ادعي لي اني انزل ال3 كيلو الباقيين عالعيد عشان خطبة اختي ( يا رب)

[طيـــف]

يارب ياحبيبتي يارب تنزلي وانتي بصحتك وعافيتك يارب


بتعرفي انا شو ماخده معي اليوم

كيس الاكل بفطس ضحك
2 روب
1 حليب خالي الدسم
1 تفاحه خضرا
وا عصير برتقال للطواىء
مع العلم بخليه بسيارتي دايما مشان وانا راجعه من النادي او السوق وجعت مااضطر اخبص اطلع منهم واكل

وخصوصا انا بعشق الروب والالبان


لما يكون رجيم فيه سلطات
بجيب معي سلطه سيرز او جرجير او تبوله او شي هيك بس بكون بعلب جاهزه وطبعا مابنسي الروب

بس انا قصه التغميس والساندويشات مابحبها لانه مش صحبه مع الخبز ولا مابفرق معي كتير
بتعرفي انا تعودت انه طبيخ البيت والاكل العادي ماااكل منه الا مرتين بالاسبوع مشان هيك مابتشاق له كتير ولو اشتقت له مابكل منه بشراهه

بتعرفي هي قصه تعود وانا تعودت التشقف:

[عبير العزة]

لاتزعلي دندوشة كلنا معك بس أنت عايزة عزيمة وتشجيع يمكن ده اللي ناقصك ولو تلتزمي مع واحدة من المسابقات وتكتبي اللي بتأكليه بالضبط يمكن تحسني من سلوكك الغذائي أنا مشتركة والحمدلله نزلت في الأسبوعين كيلو وربع إيه رأيك مش أحسن من مفيش بس بنشجع بعض
الله يناولك اللي في بالك

[فيوليتا]

فكرتك كتير منيحة يا طيف
بس انا حالياً لانه عندي هدف ماسكة حالي يعني عم اروح عالمولات بس بامسك حالي ما باشتري شوكولا ولا بسكويت حتى عملت كيكات خلال هالشهر وما أكلت منهم ، يسلموا على الدعوات باخبرك آخر الأسبوع عن وزني شو صار فيه !!!!!!!!
ولو ان زوجي مش عاجبه الريجيم ويوم أمس رجاني رجاء خاص ان اوقفه لأن وجهي بيقول أنه اصفر