مسابقة من نوع جديد

[hala_eg]

بسم الله الرحمن الرحيم

مسابقة من نوع جديد

اول حاجة هقولهكم ان اول 8 متسابقين متحددين ماعدا واحدة بس لسة مستقرناش عليها

تانى حاجة اللى تحب تدخل معانا ياريت متردش ولاتكتب اى حاجة هنا فى موضوع تانى هيبقا للى عايزين يشتركوا معانا


تالت حاجة انا بلاحظ ان فى اكتر من اخت بتشترك فى كذا مسابقة او كذا موضوع فقبل ماتسجلى معانا انتى عندك فعلا وقت انك تشتركى معانا انا كل اللى هحتاجه منك عشر دقائق يوميا لو مش فاضية فكرى تانى قبل ما تسجلى معايا

المسابقة بتعتمد على فريقان كل فريق من 4 اشخاص وكل اسبوع بتخرج اقل واحدة خسيت او ملتزمتش معانا فى الفريق ويدخل بدلها واحدة تانية من اللى عايزين يشتركوا معانا
شروط الاشتراك في المسابقة

1- الالتزام بالدخول يوميا لكتابة يومياتك( اى متسابقة تتوقف عن كتابة يومياتها لمدة يومين ستعتبر هي الخاسرة للأسبوع حتى لو خسرت اكتر وزن)

2- استهلاك من 4- 8 كوبيات مياه على الأقل يوميا

3- الالتزام بالنشاط الرياضي 5 أيام اسبوعيا وسيتم تحديد مدة النشاط الرياضي كل أسبوع على ان نبدأ بعشر دقائق ( اى نوع نشاط رياضى جرى – نط الحبل – تمارين ) المهم يبقا فى نشاط رياضى وسيتم تطويل النشاط الرياضى كل اسبوع )

4- الالتزام بتناول 2 فاكهة او 2 خضار يوميا

5- الالتزام بكتابة البيانات يوم الجمعة ( اى متسابقة مش هتكتب يوم الجمعة هتعتبر هى اللى خسرت للساعة 4 بتوقيت مصر )

6- هيتم تحديد نمط سلوكى صحى اسبوعيا يجب الالتزام بتنفيذه والنمط الاسبوعى بتاع الاسبوع دا اننا لما ناكل ننزل المعلقة من ايدينا لحد لما ناكل اللى فى بقنا وبعدين نمسكها تانى

بالنسبة للى هتكسب أسبوعيا أو في الأخر لازم تكون التزمت على الأقل بكل الحاجات دي 5 أيام في الأسبوع

سيتم أسبوعيا استبدال متسابقتان من الفريقان بس لازم يكون اللى هيدخلوا بدلهم خسروا وزن اكتر منهم في نفس الأسبوع
يعنى لو اقل واحدة في الفريق خسرت 1/2 كيلو واللي هتدخل بدلها خسرت ربع كيلو يبقا مش هيكون في استبدال

هيكون في موضوع لمتابعة ال8 متسابقات

وهيكون في موضوع لمتابعة اللي عايزين يدخلوا بدلهم

وموضوع للي هي سجلوا معانا


مبدئيا هتكون المسابقة لعيد الأضحى بس هتستمرلبعد كدة فالبيانات المطلوبة هى

وزنك الحالى
الهدف لعيد الأضحى

طريقة كتابة يومياتك يوميا

عدد كوبيات المياه المستهلكة :

كم دقيقة نشاط رياضى ونوع النشاط

هل تناولتى خضار او فاكهة

التزمتى بالنمط السلوكى

والاكل المستهلك يوميا (فطار وغدا وعشا والوجبات اللى بينهم )

وان شاء الله بداية المسابقة من الجمعة اللى جاية

[hala_eg]

لو عايزة تشاركى معانا سجلى هنا

]لو عايزة تشاركى معانا سجلى هنا

http://www.lakii.com/vb/showthread.php?t=244205

[nancy kareem]

انا اول واحدة


الاسم الاول :-nancy
السن:-25
الوزن الحالى:-106

الهدف المراد الوصول الية :هدف موقت 95

[nancy kareem]

اسفة غلطت

[gasy]

انا كمان اسمي جاسي الوزن 68 الطول 160 السن 22 الهدف 58

[*غادة*]

انا غاده
عايزه اسجل معاكم لكن انا ماشيه على نظام النوع الواحد ويتغير كل 3 ايام ممكن ولا ده مخالف للمسابقه ؟؟
عموما انا وزنى 113 وطولى 159 وعمرى 30 الهدف فى العيد90 مؤقتا لكن الهدف الاساسى 80
و شكرا

[miragogo]

ميرا

انا ميرا نفسي اشترك معاكم في المسابقة بس انا ماشية على نظام كيميائي بيتغير بالعشرة ايام
عموما انا وزني 106 كيلو - الطول 170 سم - والهدف 75 كيلو - السن 28 سنة - مرضع
الايميل mira_gogo@hotmail.com
thank you

[hala_eg]

اهلا بكم بس من فضلكم محدش يسجل هنا اللى عايزة تسجل تسجل هناhttp://www.lakii.com/vb/showthread.php?t=244205

[ندى مصطفى..]

تمام يافندم


انا معاكوا


وهاخد تاكسي علشان اسجل هنا؟؟





ندى