ريجيم البطاطس

[eman_for_allah]

سمعتوا عن ريجيم البطاطس يا جماعة..
أنا سمعت ان اللى يأكل بطاطس مسلوقة 3 أيام متواصلين ده بيكون له أثر جامد جدا فى امتصاص الدهون
بس ال 3 ايام بطاطس مسلوقة بسسسسسسسسس وبدون اى اضافات لا ملح ولا غيره
النهارده تانى يوم ليا فيه هاكمل وأقول لكم على النتيجة
ويا ريت اللى جربته فيكم تقول لى النتيجة بلييييييييييييييز
أنا عارفة ان نظام النوع الواحد ده مش صحى بس اعمل ايه زهقت بقى وعايزة أسرع حل

[مس عسل]

ماشى يا ايمان ريجيم بطاطس مرة واحدة
طيب انا مش حجربة عندا فيكى

[eman_for_allah]

ليه بس يا عسووووووووووولة والله العظيم انا زهقت من كل الريجيمات وشكلى كده هاموّت نفسى قريب

[مس عسل]

طيب يوم ما تنوى تموتى نفسك قوليلى
عشان اجى معاكى اسليكى حرام اسيبك لوحدك كدة

[eman_for_allah]

لييييييييييه هو انتى ورايا دنيا واخرة حراااااااااااااام هو احنا هانعمل ريجيم بعد مانموت كمان؟؟؟

[ارنوبة البراري]

مرحبا بس البطاطس على اعتقادى تزيد الوزن على العموم خبرينا بالنتيجة ومشكورة

[eman_for_allah]

كتبت ــ مني عبد القادر:
البطاطس غذاء شعبي رخيص الثمن سهل الهضم له فوائد جمة.
الفنانة العالمية: جينا لولو بريجيدا عاشقة البطاطس تقول أن حكاية ريجيم البطاطس قد بدأت بإعلان طبي يقول: ان أكل البطاطس مسلوقة في الماء بغير اضافات وبدون ملح هو احدث طريقة طبية لإنقاص الوزن وهي طريقة سهلة وميسورة, ويمكن لذوي السمنة استعمالها للحفاظ علي الوزن المعقول والمطلوب لكل جسم وسن بشرط أن يواظب الإنسان علي اكل البطاطس المسلوقة لمدة لا تقل عن ثلاثة ايام,وأن يقاوم الفرد كل اغراءات الاكل الاخري مهما تكن, تلك النشرة الطبية كانت نتيجة ابحاث علمية طبية اخذت من العلماء ابحاثا طويلة.
(البطاطس المسلوقة تمتص الدهون) يقول الدكتور موسي الخطيب خبير التغذية والنظم العالمية للريجيم: البطاطس المسلوقة تحتوي مواد تستطيع امتصاص الدهون من الجسم بطريقة لا تضر الإنسان وعندما يتناولها الإنسان بدون أي نوع آخر من الاكل فإنها تعتبر وجبة غذائية كاملة تساعد علي النشاط والحيوية وخفة الحركة بعكس المضاعفات التي تحدث عن ادوية التخسيس بل علي العكس فالبطاطس بها مادة قادرة علي امتصاص كل السموم في الجسم وتعالج الغليظ ولا تضر بالقلب ولها فوائد اخري يستفيد منها الجسم شأنها شأن عسل النحل فهي تقي من يتناولها شر الاصابة بمرض السرطان لاحتوائها علي المواد الغذائية الاساسية للجسم مثل( المعادن والحديد والكالسيوم والبوتاسيوم والفوسفور والنحاس) بالإضافة إلي فتيامين ج حيث تتميز علي الاطعمة الاخري باحتفاظها بهذا الفيتامين في الطقس شديد الحرارة, وهي عنصر غذائي مهم ايضا في فصل الشتاء فهي افضل الاغذية منحا للدفء واكثرها امدادا بالسعرات الحرارية ومقاومة الهزال ذلك ان العنصر النشوي في البطاطس يتحول في جسم الإنسان الي سكريات تمنحه الطاقة وتقيه اخطار السمنة بسهولة.
صحيفة الأهرام - 4
يا جماعة الموضوع ده نقلته لكم من موقع اسمه استفادة يارب يفيدكم

[مس عسل]

ايمانووووووووو انا قررت من بكرة اعمل ريجيم البطاطس دة اوكى
ردى عليا

[eman_for_allah]

ماشى يا جميل اهو احنا بنجرب وخلّى عندك ارااااادة.. والله ريجيم لذيذ وباشبع بسرعة والله.. يلا شدى حيلك
وبعدين انتى لسه صاحية ليه يا هانم مش عنك ثانوية عامة قومى نامى

[مس عسل]

ماشى واللة حعملة بس عايزة اقولك حاجة انا النهاردة ما اكلتش غير سلطة
ينفع اكل بقى طالما انا حعملة بكرة

[eman_for_allah]

هعهعهعهعهعهعهعهعهع لا ياجمييييييييييييييييل امسك نفسك ده كلها اربع ايام وتشوفى النتيجة هاتيجى على النهاردة يعنى؟؟؟؟ وبعدين قومى نامى علشان ماتجوعيش
هى رغوودة فيييييييييييين؟؟؟

[raghoooda]

دا انتو ناسيني خاااااااااااااااااالص ماشي يا ست ايمااا طيب عسوله وبكلمها على الايميل وانتي ولا انتي هنا
ماشي ياسيتي
ما كنش دا اتفقنا
على فكره يا ايما ولو اني زعلانه منك الا ان انا هفرحك واقولك حاجه
رجيم البطاطس ده واحده صاحبتي عملته وخست جامد جدا
وانا جربته بس عملته يومين بس وماكملتش علشان انا كان عندي امتحانات وفعلا نزلت جامد
ايش حال بقى لو كملته
وكمان مع الرياضه او المشي
ابقي افتكرينا يا هانم
مستنيه ردك
سلااااام

[مس عسل]

طيب خلاص انا حقوم انام احسن

[eman_for_allah]

والله يادكتورة رغوودة انتى لسه فاكرة؟؟؟؟
أنا قلقت عليكى والله ولسه كنت باسأل عليكى اهو
المهم ليكى وحشة
ماتيجى اعملى معانا ريجيم البطاطس ده
هانخلصك يا بطاطس مصر
قولى بقى لما عملتيه خسيتى كام كيلو وفى كام يوم؟؟؟

[raghoooda]

ماشي يا حبيبتي
انا هعمله بس تقريبا مش هينفع ابدا غير يوم الاحد