الى خبيرات الكروشيه .... مع التقدير

[ام سرى]

السلام عليكم ورحمة الله وبركاته

تحياتي و تقديري لادارة واعضاء منتداي المفضل

ارجو من خبيرات الكروشيه مساعدتي في رسم باترون فستان الكروشه المرفقة صورته

بعد ان شاهدته ابنتي على النت و طلبت مني ان اعمل لها واحد مثله

وتقبلو مني فائق الشكر و التقدير

[ام سرى]

لقد شاهد موضوعي 181 من اخواتي عضوات المنتدى ........ وليس هناك اي رد ايجابي

ارجو المساعده من خبيرات الكروشيه لان عيد ميلاد ابنتي الثالث بعد بضعة ايام

و بودي ان اقدمه هديه لها

شاكره تعاونكم معي

[دورات نسائية]

http://www.lakii.com/vb/a-80/a-790400/

[دورات نسائية]

تفضلي عزيزتي

•• الصدر ••

بسم الله نبدأ
أولا حانعمل عدد من السلاسل تساوي وسع رقبة الفستان ولازم تكون قابلة للقسمة على 4
انا عملت 80 سلسلة
اقفلي بمنزلقة وقيسيها على البنوتة وتأكدي انها بتدخل من الراس لو ضيقة زودي سلاسل لحد ما تبقى مقاسها




** تقسيم السلاسل سيكون كالاتي :
22 للأمام
22 للخلف
16 للكتف اليمين
16 للكتف الشمال
غرزة لكل ركن = 4 غرز

المجموع الكلي : 80 غرزة

طبعا حضرتك مش مقيدة بالعدد ده
كل واحدة تعمل سلاسل حسب مقاس بنوتتها
وتقسمهم بنفس الطريقة اللي قسمت بيها
يعني عدد غرز الصدر مساوي لعدد غرز الضهر
وعدد غرز كل كتف حوالي ثلتين عدد غرز الامام
وال 4 غرز بتوع الاركان ثابتين

حانبدأ الشغل من منتصف الضهر
السطر الاول

نطلع ب 3 سلاسل بديل عن اول عمود .. وبعدين نشتغل في كل سلسلة عمود حتى نحصل على 11 عمود ( باعتبار اننا حسبنا اول 3 سلاسل عمود )
وبكده نكون قسمنا الجنب اليمين من الضهر



في السلسلة ال 12 نعمل مروحة مكونة من ( 2 عمود – 2 سلسلة – 2 عمود ) حايتكون عندنا ركن بالشكل ده



ثم 16 عمود ثم مروحة
وبكده نكون قسمنا الكتف اليمين



ثم 22 عمود ثم مروحة
وده الصدر



ثم 16 عمود ثم مروحة
وده الكتف الشمال



ثم 11 عمود تكملة الضهر ونقفل بمنزلقة في ثالث سلسلة عملناها في اول السطر



السطر الثاني
نطلع ب 3 سلاسل بديل عن اول عمود ثم نشتغل فوق كل عمود عمود لحد مانوصل للركن هنا



نعمل فيه مروحة ( 2 عمود – 2 سلسلة – 2 عمود )



ونكمل باقي السطر بنفس الطريقة ونقفل بمنزلقة في ثالث سلسلة



ونكمل شغل بنفس الطريقة سطرين تلاتة كمان

هنا الصدر بعد 4 سطور





السطر ده اختياري للي عايزة تركب ساتان زي الموديل ده



اللي مش عايزة تركب ساتان تمشي بنفس طريقة السطر السابق

السطر الخامس

نطلع ب 4 سلاسل



ونسيب غرزة ونعمل في اللي بعدها عمود وسلسلة



ونسيب غرزة ونعمل في اللي بعدها عمود وسلسلة لحد ما نوصل للركن نعمل مروحة



ونكمل لاخر السطر بنفس الطريقة .. نقفل بمنزلقة في ثالث سلسلة من ال4 سلاسل اللي ابتدينا بيهم السطر



ونشتغل كمان كام سطر لحد ما نبقى بمحاذاة الباط




هندأ دلوقتي نعمل حردة الباط
نيجي في الركن رقم واحد ونشبك الخيط ونعمل عدد من السلاسل حسب مقاس البنوتة
( انا اشتغلت 10 سلاسل ) ونشبك الخيط في الركن رقم 2 ونقطع الخيط





نكرر نفس الخطوة السابقة في الركنين التانيين .. بس المرة دي مش حانقطع الخيط



نطلع ب 3 سلاسل بديل عن اول عمود



وبعدين نشتغل فوق كل سلسلة عمود وفوق كل عمود عمود



ونكمل لأخر السطر نقفل بمنزلقة



نعمل كام سطر عواميد لحد ما نوصل للطول المطلوب للصدر
والسطر قبل الاخير نعمله عواميد بينها سلاسل زي السطر الخامس عشان نركب الساتان اللي تحت

[دورات نسائية]

( شرح الوحدة )

بعد ما انتهينا من صدر الفستان نبتدي نعمل الجزء السفلى

نبدأ باسم الله

الجزء السفلي بيتكون من الوحدة دي ... وبنكررها



الوحدة بتتكون من 12 غرزة

بداية الجزء السفلي

نعمل سلسلة وفي نفس الغرزة نعمل حشو وسلسلة
ونسيب غرزة ونعمل في اللي بعدها حشو وسلسلة
ونسيب غرزة ونعمل في اللي بعدها حشو وسلسلة

وهكذا حتى نهاية السطر



ملحوظة هااااااااااااااااااامة

المجموع الكلي للغرز في السطر ده لاااااااااازم تقبل القسمة على 12
عشان زي ما قولتلكم الوحدة بتتكون من 12 غرزة
عدي الغرز كلها ( الحشو والسلاسل ) وتأكدي انها تقبل القسمة على 12
لو ناقصة وزعي التزويد ( تحت كل باط مثلا )
يعني بدل ما تعملي حشو وسلسلة وتسيبي غرزة
اعملي حشو وسلسلة وما تسيبيش غرزة
المهم في الاخر يطلع العدد النهائي يقبل القسمة على 12



السطر الاول
وده اللي حانبدأ نقسم فيه الوحدات

نطلع ب 3 سلاسل بديل عن اول عمود ثم في الغرزة التالية نعمل عمود ( كده يبقى عندنا عمودين )
نعمل سلسلة
ثم نسيب غرزة ونعمل في اللي بعدها عمود وفي اللي بعدها عمود



الجزء ده حانسميه ( بداية الوحدة )
لأنه حايتكرر في كل وحدة وكل سطر

نكمل

نعمل 3 سلاسل ونسيب 3 غرز ونعمل في الرابعة عمود
ثم 3 سلاسل



نسيب 3 غرز ونبدأ من الغرزة الرابعة نكرر كل اللي عملناه مع استبدال ال 3 سلاسل اللي في اول السطر بعمود
ثم نقفل السطر بمنزلقة في ثالث سلسلة من اللي عملناهم في اول السطر



والنهاية دي حاننهي بيها كل سطر
( الجزء اللي لونه اخضر )
عشان ما اكررهوش كل مرة

وده شكل السطر الاول



السطر الثانى

بداية الوحدة ثم 3 سلاسل



ثم فوق العمود نعمل ( عمود _ 2 سلسلة _ عمود ) ثم 3 سلاسل



نسيب ال3 سلاسل اللي في السطر السابق ونبتدي نكرر كل الي عملناه
مع بداية الوحدة الجديدة




السطر الثالث

بداية الوحدة ثم سلسلتين



ثم في اول عمود يقابلنا من السطر السابق نعمل 3 عواميد وسلسلتين



ثم في المسافة اللي بين العمودين نعمل عمود وسلسلتين



ثم في العمود التالي نعمل 3 عواميد وسلسلتين



نسيب ال 3 سلاسل اللي في السطر السابق ونكرر اللي عملناه



السطر الرابع

بداية الوحدة ثم سلسلتين



ثم 3 عواميد فوق ال 3 عواميد ثم سلسلتين



ثم فوق العمود نعمل ( عمود _ سلسلة _ عمود ) ثم سلسلتين



ونكرر اللي عملناه

السطر الخامس

بداية الوحدة ثم سلسلة



ثم في ال 3 عواميد اللي في السطر السابق نعمل تنقيص ثم سلسلة



ثم فوق العمود نعمل 3 عواميد ثم سلسلتين



ثم في المسافة اللي بين العمودين نعمل عمود وسلسلتين



ثم في العمود التالي نعمل 3 عواميد وسلسلة



ثم ال3 عواميد التاليين ناخدهم تنقيص ثم نعمل سلسلة



ونكرر اللي عملناه

[دورات نسائية]

السطر السادس

بداية الوحدة ثم سلسلتين



نسيب التنقيص اللي عملناه في السطر السابق ما نجيش جنبه
ونيجي على ال3 عواميد اللي بعده ونعمل عمود فوق كل عمود
ثم سلسلتين



ثم فوق العمود التالي نعمل ( عمود _ سلسلة _ عمود ) ثم سلسلتين



ثم فوق ال3 عواميد نعمل 3 عواميد ثم سلسلتين



ونسيب التنقيص بردو ونتنقل على الوحدة التانية على طول ... نكرر كل اللي عملناه





من السطر السابع الى السطر العاشر

نكرر السطر الخامس والسادس


السطر الحادي عشر

بداية الوحدة ثم سلسلتين



ثم في ال 3 عواميد التاليين نعمل تنقيص
ثم سلسلة



ثم في العمود التالي نعمل 3 عواميد ثم سلسلتين



وفي السلسلة اللي بين العمودين اللي في السطر السابق نعمل عمود و سلسلتين
ثم في العمود التالي نعمل 3 عواميد وسلسلة



ثم في ال3 عواميد التاليين نعمل تنقيص ثم سلسلتين



ونكرر اللي عملناه الي نهاية السطر

السطر الثاني عشر

بداية الوحدة ثم 3 سلاسل



نسيب التنقيص ونعمل 3 عواميد فوق ال 3 عواميد ثم سلسلتين



ثم فوق العمود نعمل ( عمود _ سلسلة _ عمود ) ثم سلسلتين



ثم نعمل 3 عواميد فوق ال 3 عواميد ثم 3 سلاسل



ونكرر اللي عملناه الى اخر السطر

من السطر الثالث عشر الى السطر العشرين

نكرر السطر الحادي عشر والثاني عشر

ده شكل الفستان بعد 20 سطر

[دورات نسائية]

•• الحافة السفلى ••

السطر الاول

نطلع ب 3 سلاسل بديل عن اول عمود ثم عمود فوق اول عمود يقابلنا ثم سلسلتين



ثم عمودين فوق العمودين التاليين ثم سلسلتين



ال 3 عواميد التاليين نعملهم تنقيص ثم سلسلتين



وفوق العمود التالي نعمل 3 عواميد ثم سلسلتين



وفي السلسلة اللي بين العمودين نعمل عمود وسلسلتين
ثم في العمود التالي نعمل 3 عواميد وسلسلتين



ثم تنقيص في ال 3 عواميد التاليين ثم سلسلتين



ونكرر اللي عملناه





السطر الثاني

نطلع ب 3سلاسل بديل عن اول عمود ثم عمود فوق اول عمود يقابلنا ثم سلسلتين
ثم في المسافة اللي بين ال 4 عواميد نعمل عمود وسلسلتين



ثم عمودين فوق العمودين التاليين ثم 3 سلاسل



نسيب التنقيص ونعمل 3 عواميد فوق ال 3 عواميد ثم سلسلتين



وفوق العمود نعمل 3 عواميد وسلسلتين



و 3 عواميد فوق ال 3 عواميد ثم 3 سلاسل



ونكرر اللي عملناه



السطر الثالث

نطلع ب3 سلاسل بديل عن اول عمود ثم عمود فوق اول عمود و 3 سلاسل



وفوق العمود التالي نعمل عمودين و 3 سلاسل



وفوق العمودين التاليين نعمل عمودين ثم 3 سلاسل



ثم تنقيص في ال3 عواميد التاليين ثم سلسلتين



فوق ال 3 عواميد نعمل 3 عواميد ثم 3 سلاسل



ثم تنقيص في ال3 عواميد التاليين ثم سلسلتين
ونكرر اللي عملناه





السطر الرابع

نطلع ب 3 سلاسل بديل عن اول عمود ثم عمود فوق اول عمود ثم 3 سلاسل



نعمل في العمود التالي ( عمودين _ سلسلتين _ عمود )



ثم في العمود التالي ( عمود _ سلسلتين _ عمودين ) ثم 3 سلاسل



ثم عمودين فوق العمودين التاليين ثم 3 سلاسل



نسيب التنقيص ونعمل غرزة حشو في اول مسافة بعد التنقيص ثم 4 سلاسل



ثم نعمل تنقيص في ال3 عواميد التاليين ثم 4 سلاسل



وفي اول مسافة تقابلنا نعمل حشو و 3 سلاسل



ونكرر اللي عملناه لاخر السطر

[دورات نسائية]

السطر الخامس

نطلع ب 3 سلاسل بديل عن اول عمود ثم عمود فوق اول عمود ثم 3 سلاسل



ثم تنقيص في العمودين التاليين ثم سلسلتين



وفي العمود التالي نعمل 3 عواميد



وفي العمود التالي نعمل 3 عواميد و 3 سلاسل



وفي العمودين التاليين نعمل تنقيص و 3 سلاسل



ثم عمودين فوق العمودين التاليين ثم 4 سلاسل



وفي التنقيص اللي في السطر السابق نعمل حشو و4 سلاسل



ونكرر اللي عملناه لأخر السطر





السطر السادس

نطلع ب 3 سلاسل بديل عن اول عمود ثم عمود فوق اول عمود ثم 3 سلاسل



ثم عمود فوق التنقيص و 3 سلاسل



ثم نعمل عمودين في كل عمود من السطر السابق ( يبقى عندنا 12 عمود )
ثم 3 سلاسل



وعمود فوق التنقيص ثم 3 سلاسل



وعمودين فوق العمودين ثم 3 سلاسل



ثم حشو فوق الحشو و 3 سلاسل



ونكرر اللي عملناه



السطر السابع

نطلع ب 3 سلاسل بديل عن اول عمود ثم عمود فوق اول عمود ثم 3 سلاسل



وفي اول مسافة تقابلنا نعمل عمود و 3 سلاسل
وفي المسافة التالية نعمل عمود و3 سلاسل



ثم ناخد اول 3 عواميد تنقيص و 3 سلاسل
ثم ال 3 عواميد التاليين تنقيص و 3 سلاسل
وهكذا لحد ما يبقى عندنا 4 مرات تنقيص



ثم في المسافة التالية نعمل عمود و 3 سلاسل
وفي المسافة التالية عمود و 3 سلاسل



ثم عمودين فوق العمودين و سلسلتين



وحشو فوق الحشو ثم سلسلتين



ونكرر اللي عملناه لاخر السطر



السطر الثامن

نطلع بسلسلتين ثم عمود فوق اول عمود ( كده نبقى عملنا تنقيص في اول السطر )
ثم 3 سلاسل
وفي اول مسافة تقابلنا نعمل عمود و 3 سلاسل



وفي المسافة التالية نعمل عمود و 3 سلاسل
وفي المسافة التالية نعمل عمود و 3 سلاسل
وهكذا



ولما نوصل للعمودين نعمل فيهم وفي العمودين اللي بعدهم تنقيص بنهاية واحدة
ثم 3 سلاسل





ونكرر اللي عملناه لاخر السطر نقفل بمنزلقة في راس اول تنقيص عملناه

[دورات نسائية]

السطر التاسع والاخير

نطلع ب سلسلتين وفي اول عمود يقابلنا نعمل ( عمودين _ سلسلتين _ عمودين )
وفي العمود التالي ( عمودين _ سلسلتين _ عمودين )
وفي العمود التالي ( عمودين _ سلسلتين _ عمودين )
وهكذا



ولما نوصل للتنقيص اللي في السطر السابق نعمل ( سلسلتين قبل التنقيص _ منزلقة في التنقيص _ سلسلتين بعد التنقيص )

ثم في اول عمود ( عمودين _ سلسلتين _ عمودين )
وهكذا



وده شكل الفستان بعد ما خلص



ممكن نشتغل بغرزة الحشو بلون تاني على الحواف حايدي شكل جميييل



تمت الورشة بحمد الله

[دورات نسائية]

[~~زهرة المدائن~~]

فستان رائع,,
الاخت

courses123 ما قصرت الله يجزيها الخير
موفقة

[ام سرى]

لا ادري كيف تكون ارقى كلمات الشكر و الامتنان

الى الاخت courses123 شكرا ... شكرا .... شكرا

للمجهود الرائع

جعلها الله في ميزان حسناتك اخي العزيزه

[مشمشتى]

ورشه رائعه كروعتك

يسلمو ايديكي حبيبتي

[أم هنيدة]

ورشة جميلة مشكوووورة أختي