تويت
فستان بنوتة (( فن وإبداع مع غزل البنات )) الاسبوع الأخير
كل سنة وانتم طيبين هذه مشاركتى فى الاسبوع الاخير
فستان مازى بنت اخى كنت عاملاه قبل بوقت
دى مازى حبيبة عمتها وهى لابسة الفستان
وده الفستان
وده كنار الفستان من قريب
الخيط المستخدم
خيط قطن حلوان جنجاه
والخيط الساده خيط قطن اسمه حماده ( متستغربوش الاسم ) فعلا نزل السنة اللى فاتت وجربته وجميل جدا
البداية من الرقبة
نعمل سلسلة بدوران رقبة الطفلة ونقسمها على اربعة
نشتغل اعمده على السلسلة مع الزياده عند الاركان الاربعة باننا نشتغل عمودين سلسلتين عمودين فى نفس المكان
نستمر حتى الحصول على الطول المناسب للصدر انا هنا عملته 12 سطر بيتخللها فى الوسط سطر عمود سلسلة عمود وده عشان ندكك فيه شريط الستان اللى بوسط الصدر
ثم نختم الصدر بسطر عمود سلسلة عمود عشان برضه الشريط الستان بنهاية الصدر
نبدأ بجيبة الفستان وهى بغرزة المروحة ( عمودين -سلسلة - عمودين )ثم خمس سلاسل
السطر الثانى برضه عمودين سلسلة عمودين ثم 3سلسلة ونعمل حشو فى الخمس سلاسل من السطر السابق ثم 3سلسلة
وهكذا باقى الفستان مكون من السطرين دول
وبعد الطول المطلوب نعمل كنار بغرزة الاناناسة كما هو مبين بالصورة المقربة للكنار
نجمله بشريط ستان مناسب وبس خلاص
اتمنى انه ينال اعجابكم
لكم منى كل الحب
تعليق