$$$ تعالوا نتعلم غرزة جديدة (2) $$$ "تريكو وبس"

[mistry]

حبيباتى الغاليات
عضوات المنتدى الكريمات
كيفكن يا حلوات
ان شاء الله تكونوا بخير
النهاردة ان شاء الله هنضيف غرزة جديدة فى سلسلتنا

"تعالوا نتعلم غرزة جديدة"

المرة اللى فاتت قدمنا أول غرزة
والحمد لله لاقت قبول من حضراتكم
وان كنت لسة ما شفتش تطبيق عملى للغرزة
اتفضلوا الرابط

http://www.lakii.com/vb/showthread.php?t=730714

والحقيقة ان ردودكم الحلوة شجعتنى على المواصلة
يلا نبتدى

[mistry]

غرزتنا النهاردة اسمها "Waterfall" أو "الشلال"
وهى من الغرز الجميلة السهلة
اللى اتمنى انها تعبجبكم
دى صورة للغرزة

ايه رأيكم؟
لطيفة مش كدة؟

طيب نروح بأة للطريقة

الغرزة عبارة عن 6 سطور
وهى برضه بتتكون من تكرار 6 + 3

السطر الأول (وجه الشغل):
3 مقلوب (3 عدل – لفة – 3 مقلوب) يكرر ما بين القوسين لنهاية السطر.

السطر الثانى:
3 عدل (4 مقلوب – 3 عدل) يكرر ما بين القوسين لنهاية السطر.

السطر الثالث:
3 مقلوب (1 عدل – 2 عدل معا – لفة – 1 عدل – 3 مقلوب) يكرر ما بين القوسين لنهاية السطر.

السطر الرابع:
3 عدل (2 مقلوب – 2 مقلوب معا – 3 عدل)يكرر ما بين القوسين لنهاية السطر.

السطر الخامس:
3 مقلوب (1 عدل – لفة – 2 عدل معا – 3 مقلوب) يكرر ما بين القوسين لنهاية السطر.

السطر السادس:
3 عدل (3 مقلوب – 3 عدل) يكرر ما بين القوسين لنهاية السطر.

وبكدة تكون انتهت الغرزة
ونكرر الست أسطر حسب الحاجة

ودلوقت بأة مع تطبيقى للغرزة




ودى الغرزة من الخلف



يلا يا حلوات مستنية ردودكم وتعليقاتكم الحلوة
ولو هتورونى تطبيقاتكم الحلوة
يبقى زى الفل.....
فى أمان الله

[omayacine]

السلام عليكم
بارك الله فيك اختي على التفسير الواضح والمبسط
انشاء الله ساعمل منه تركو لابنتي واتمنى ان ينجح
لانني نقلت التفسير بالكامل

[بــــــــدويهـــ ممــــــيزهـّ]

جزاك الله الف خيرر حبوبه

[mistry]

السلام عليكم
بارك الله فيك اختي على التفسير الواضح والمبسط
انشاء الله ساعمل منه تركو لابنتي واتمنى ان ينجح
لانني نقلت التفسير بالكامل

أهلاً بيكى أختى ام ياسين
أول مرة تنورى مواضيعى
وان شاء الله ما تكون الأخيرة
وباذن الله تعملى لبنوتك أحلى تريكو
ويا ريت تورينا تطبيقك

[mistry]

جزاك الله الف خيرر حبوبه

وجزاكى كل الخير يا أحلى بدوية
نورتى الموضوع بطلتك الحلوة

[عذارئ]

جزاک الله خیرا لمجهودک
غرزه رائعه و شرح اروع یعطیک الف عافیه

[mistry]

جزاک الله خیرا لمجهودک
غرزه رائعه و شرح اروع یعطیک الف عافیه

مبسوطة ان الغرزة عجبتك يا حبيبتى
وان شاء الله تستفيدى منها
ما انحرمش من طلتك الحلوة

[حبيبه أمها]

حلوة اووووووووووووووووى مسترى الغرزه

تسلمى يارب

[rose d'or]

سلام يا عسل..
الغرزه رووعه وسهله ..
بس الاول اطبق الغرزه الاولى خخخخ..
لانها كثير حلوه وصعبه وانا امووت في الاشياء الصعبه.
يعطيك العافيه حبيبتي الله لا يحرمنا من غرزك الرائعه ..

[mistry]

حلوة اووووووووووووووووى مسترى الغرزه

تسلمى يارب

مرورك الأحلى
يلا بأة فرحينى أكتر
وورينى تطبيقك الجميل

[mistry]

سلام يا عسل..
الغرزه رووعه وسهله ..
بس الاول اطبق الغرزه الاولى خخخخ..
لانها كثير حلوه وصعبه وانا امووت في الاشياء الصعبه.
يعطيك العافيه حبيبتي الله لا يحرمنا من غرزك الرائعه ..

ازيك يا روز يا جميلة
ماشى يا قمر
بس خدى بالك
كدة بقى عليك غرزتين
ماشى
هههههههههه
فى انتظار أحلى تطبيقات

[~~زهرة المدائن~~]

حلوة كثير
وحفظت الموضوع لما يجي ببالي التريكووو
بس سؤال يا مس؟
ماذا تقصدي ب -- لفة -
العدل فاهمها والمقلوب هل اللفة تقصدي نلف الخيط ؟؟

ومشكووووووووووورة يا عسل
يجعلة ربي بميزان حسناتك

[بيبي مورو]

تسلم الأيادي يا قمر الغرزه تجنن

[tata]

مشكوره على مجهودك الجميل اول مره اشوف الموضوع الغرزه جميله بالتوفيق ان شاء الله