$$$ القول الفصل فى شرح غرزة الاسموكس $$$ ... "تريكو وبس"

[mistry]

كيفكن يا أحلى عضوات
وحشتونى
بقى لى كام يوم ما نزلتلكمش حاجة جديدة

بس أنا مش ساكتة صدقونى
أنا عمالة أصول وأجول فى النت والمنتديات عشان أجيب لكم أحلى حاجات
حلو السجع ده....
ههههههههههههههههه

بصوا بأة يا حلوات الأسبوعين اللى فاتوا حصل بينا جدال واختلاف على غرزة عش النحل واللى قال خلايا النحل....
واللى انا وبعض الاخوات سميناها اسموكس

وأنا بأة كبرت فى دماغى
وربنا ما يوريكم دماغ الصعايدة لما تكبر فيها حاجة
هههههههههههههههه

أول معرفتى بالغرزة دى واسمها العلمى "الاسموكس" كانت فى الكتاب الشهير اللى انا دايماً بأحكيلكم عنه واللى أنا ما زلت مش لاقياه
بس ما علينا النت فيه الخير وزيادة

وساعتها ربكم والحق كنت لسة باتعلم تريكو واسترخمتها أو بعنى أصح استصعبتها
وقلت مالها الغرز البسيطة يعنى
بلاها تعقيد

وبعدين بأة مرت الأيام وراحت الأيام ولقيتها مرة تانية قدامى فين بأة
أيون حضراتكم على النت (بس فى منتدى تانى) وفى موضوع جميل لانسانة جميلة باحترمها وأقدرها
وهى مش غريبة عننا
هى الأخت القديرة العزيزة هنهن
بأوجه لها التحية

استنوا باة كفاية رغى يا رونا صدعتى الناس ايه ده...
أنا أنزلكم الصورة احسن

وكمان واحدة

ولأنى بأموت فى التقاليع
عجبنى الموضوع جداً وسيفته عندى عشان بعد كدة انفذها على رواقة

ولما حصل بأة الهرج والمرج ده فى تعريف الغرزة قلت لأ بأة لازم نريح الدور ونجيب أصل الحكاية
رحت باة امبارح كدة وانا قاعدة زى الباشا
عملت العينة وقلت أوريكم الشغل بتاعى
واللى حابة انزل لها الطريقة (واللى انا لقيتها فى منتدى تانى غير الأولانى) وعدلت فيها غلطة مطبعية كانت موجودة
أنا على اتم استعداد
أنا ليا غيركم يا حلوات

ودلوقتى أسيبكم مع تطبيقى للغرزة

ودى صورة أقرب شوية

أما هنا بأة فأنا لفيت العينة على كباية زجاج من عندى لأنى لسة ما عملتش حاجة على أد المج
أنا بس كنت بأجرب
فشكلها وهى مشدودة أوضح

طيب وآدى كمان واحدة مش خسارة فيكم يا قمرات

ما رأيكم دام فضلكم

أنا دلوقتى أسيبكم مع الموضووع
وأنزل جرى ألحق الشغل
وعلى ما أرجع أشوف ردود أفعالكم

والى حابة الطريقة أنزلها لها صور وشرح كمااااااااااااااااااااااان
يلا مش خسارة فيكم

بأحبكم كتيييييييييييييييييييييييييييييييييير

فى امان الله

[ام النونه]

زى العسل يا ميسترى
وجهدك رااائع فى الركن
خساره لا افقه شئ بالتريكو هما غرزتين بتوع المدرسه المقلوبه والمعدوله كفايه عليا
الغرزه شيك اوى
جزيتى الجنه

[mistry]

معلش يا بنوتات الخيط اللى انا منفذة بيه موهير ففيه وبرة
يمكن مش مبينة التقاصيل شوية
وكمان لأن الخيط فاااااااااااااااااااتح

بس انتم شطورات
ان شاء اله هتشوفوها كويس
وتقولوا لى رأيكم

[mistry]

زى العسل يا ميسترى
وجهدك رااائع فى الركن
خساره لا افقه شئ بالتريكو هما غرزتين بتوع المدرسه المقلوبه والمعدوله كفايه عليا
الغرزه شيك اوى
جزيتى الجنه

يا ست نونة يا عسل
نهارك فل ان شاء الله
دايماً بأسعد بمساهماتك يا قمر

وهو التريكو ايه يا توتة غير عدل ومقلوب
أهى الغرزة الهيلمان دى عبارة عن 2 عدل و2 مقلوب
هى بس التركة فى حكاية لفة الخيط العرضية دى

يلا اتشجعى كدة وانوى ومع بعض ان شاء الله نعمل احلى شغل
ربنا يوفقك ويكرمك ان شاء الله

[السيدة فاطمة]

دائما متالقة ياحبيبتي يامستري
الله لايحرمنة منك

[mistry]

دائما متالقة ياحبيبتي يامستري
الله لايحرمنة منك

ولا منك يا أحلى فاطمة فى الدنيا
يا رب تكون تطبيقى عجبتك

مبروك الصورة الجديدة
تبعث على التفاؤل

[&صوفيا&]

رووووعه الغرزه

مع ان الصوره مو واضحه

بس واضح انك مطبقتها صح

تسلم يدك

[ser.maha]

تسلم ايديك ياستى دائما معاك كل جميل
فى انتظار الشرح تاعبينك بس لينا مين غيرك ياقمر 14
لك كل الود فى انتظارك وانتى بخير وربنا يوفقك ويرضيك يارب

[shoshw]

طبعا حلو يا ميسترى بس راى المتواضع انه يتعمل بيخيط صوف سادة علشان تبان الغرزة ولا ايه رايك وعموما انتى ما تعمليش حاجة وحشة سلم ايديكى

[ميس فلة]

ايه الجمال ده كله
فنانة
ها ابعتلك المج بتاعى علشان تدلعيه كده وطبعا مش هترفضى والا
مش هيحصل طيب ابدا هههههههههههههههههه
صعايدة بقى

[simsima2009]

الغرزة دي جميلة اوي
تعبة نفسك دايما عشانا ربنا يجعله في ميزان حسناتك يارب
انا شكلي هارجع احب التريكو تاني
وانتي الي جبتيه لنفسك
هافضل وراكي لحد ما تعمليلنا ورشة لبلوزة او جاكيت
بس خلي بالك طويل معايا اوي
اصل انا طلعت تلميذة خيبانة اوي في الورش

[mistry]

رووووعه الغرزه

مع ان الصوره مو واضحه

بس واضح انك مطبقتها صح

تسلم يدك

أهلا بيكى يا صوفيا
أول مرة تشرفينى بالمرور على أحد موضوعاتى
وأتمنى ما تكونش الأخيرة

وفعلاً الصورة مش واضحة كفاية
من ناحية نوعية الخيط ومن ناحية الاضاءة فى الصورة
بس الحمد لله التطبيق سليم

وتسلمى وتعيشى حبيبتى
نورتينى

[mistry]

تسلم ايديك ياستى دائما معاك كل جميل
فى انتظار الشرح تاعبينك بس لينا مين غيرك ياقمر 14
لك كل الود فى انتظارك وانتى بخير وربنا يوفقك ويرضيك يارب

ما فيش اجمل من كلامك الرقيق
وان شاء الله الشرح هيوصل دلوقتى حالاً
10 دقايق بس

وانا برضه هأستنى التطبيق
اتفقنا

[mistry]

طبعا حلو يا ميسترى بس راى المتواضع انه يتعمل بيخيط صوف سادة علشان تبان الغرزة ولا ايه رايك وعموما انتى ما تعمليش حاجة وحشة سلم ايديكى

طبعاُ كلامك مضبوط
بس الفكرة ان انا باستخدم بواقى الخيوط اللى عندى
منه أخلص منها عشان عاملة لى زحمة فى المكان
ومنه استخدمها برضه فى حاجة مفيدة

تسلم ايديكى يا قمراية

[mistry]

ايه الجمال ده كله
فنانة
ها ابعتلك المج بتاعى علشان تدلعيه كده وطبعا مش هترفضى والا
مش هيحصل طيب ابدا هههههههههههههههههه
صعايدة بقى

ده أنا عيونى للمج وصاحبة المج
أنتى بس قوليلى العنوان وآجى جرى

وواضح كدة اننا قريبين من بعض يعنى مش هأجرى كتيييييييييير
هههههههههه