بونشو بوحده جديدةّ******************

[ميس فلة]

بسم الله الرحمن الرحيم



كنت عملت فيه استفسار عن طريقة بونشو جديدة وكالعادة البنات متأخروش
وكان من ضمن البونشوهات بونشو من وحده مربعة سمسمة نزلته
هو ده

وده الباترون بتاعه




وبعدين جه فى دماغى فكرة ليه ما اشوفش وحده عجبانى واعملها بونشو لان الوحدة المربعة دية مش عاجبنى اوى
وتعالو شوفوا انا عملت ايه

قبل اى حاجة ده البونشو بتاعى

نتابع مع بعض علشان نعرف الوحدة وطريقتها وتشبيكها

[ميس فلة]

المطلوب
* خيط صوف او قطن سميك حسب راحتك بس للاطفال الصغيرين او اللى بيتحسسوا من الصوف خليكى مع القطن او فى صوف ناعم خاص بالاطفال

*ابرة او صنارة تكون مناسبة للخيط
*ابرة خياطة عروتها كبيرة تمشى مع سمك الخيط
*زراربن
*خيط بلون تانى يليق مع الاول علشان نغطى بيه الزراير وده اختيارى ممكن تحطى الزراير زى ما هى

اولا دية الوحده اللى كنت عاوزة اعملها
معلش يا جماعة هى كانت مطبوعة مش على الجهاز فممكن الصورة مش واضحة شوية

ودية طريقة عملها بالصور






نتابع

[ميس فلة]

التشبيك
بنعمل الوحدة التانية وبنقف قبل السطر الاخير

*وبنعمل بداية السطر الاخير عادى وبنشتغل نص اللوب بمعنى انك بتعملى 2س ثم
ع ثم س ثمع ثم س ثم ع ثم س بدلا من 2س ونشبك بغرزة حشو فى الفراغ اللى فى اللوب
من الوحدة التانية كما هو مبين فى الصورة

* نكمل شغل اللوب واللوب التانى بنقف فى نفس المكان ونعمل زى التشبيك فى اللوب الاول لحد ما نوصل للشكل ده

وتكملى الشغل زى الوحدة العادية
*وتكملى بقى يا جميلة التشبيك علشان يديكى شكل مثلث من قدام ومن ورا

وتفضلى تشبكى الوحدات لتعملى شكل البونشو زى كده

[ميس فلة]

فى الرد اللى فات وصلنا لحد هنا

بنكمل لحد مانخلص البونشو


وللنهاية ممكن تعمل اى حافة انتى عاواها بس انا فضلت انى اعمل واحدة بسيطة متغطيش على جمال البونشو وبالمرة تكرنشو شوية من تحت
فعملت دورين من غرزة الحشو
ودية النتيجة


والرقبة برده عملت حولياها من غرزة الحشو مع مراعاة عمل عراوى فى السطر التانى من الحشو
يعنى بتعملى مثلا 6 سلاسل وتشبكى بحشو فى الغرزة بعد القادمة وعدد السلالسل بيكون مناسب شكل الزرار اللى هتحطيه

وتعملى حولين العروة وردة زى الصورة

وتثبتى الزراير عاوزة تكسيهم كروشيه ماشى عاوزة تحطيهم زى ما هما برده ماشى
زى ما تحبى


وده شكل البونشو الاخير


وبعدين انبسطو بيه


فى حفظ الله وامنه ونتقابل فى موضوع جديد ان شاء الله

[shoshw]

ايه الجمال دا سلم ايديكى

[simsima2009]

صباح الورد يا امولة
تسلم ايديكي وذوقك رائع في الالوان يا امولة
وكمان الوحدة دي جميلة اوي
ومبروك علي البنوتة يا جميل

[ميس فلة]

ايه الجمال دا سلم ايديكى

تسلميلى يا شوشو
نورتى الموضوع يا حبيبتى

[ميس فلة]

انا مبسوطة جدا اني اول واحدة ترد عليكي
تسلم ايديكي وذوقك رائع في الالوان يا امولة
وكمان الوحدة دي جميلة اوي
ومبروك علي البنوتة يا جميل

تسلميلى يا احلى سمسمة فى الدنيا كلها
وبعدين يا سمسم ده بعض ما عندكم يا باشا احنا حاجة على قدنا كده على بسيط يعنى
نورتى الموضوع يا حبيبه قلبى

[حبيبه أمها]

تسلم الايادى امل

حلووووووووووو والشرح واضح

[ميس فلة]

تسلم الايادى امل

حلووووووووووو والشرح واضح

تسلميلى حبيبة
نورتى الموضوع

[GIGI2000]

تسلم الايادى وملبوسالهنا والسعاده

[om medoa]

تسلم الايادى
جميل خالص

[يبرودية]

امولة كتير حلو
مالوحدة بسيطة وسهلة
ملبوس الهنا

[همس الأمآني]

تسلم الاياادي اموووله بجد النتيجه رووعه

يعطيك العافيه ياا قلبي على احلى شغل


وتلبسه البنوته وتتهنى بيه يارب

[ميس فلة]

تسلم الايادى وملبوسالهنا والسعاده

تسلميلى حبيبتى
مرورك الاحلى

تسلم الايادى
جميل خالص

تسلمى يا ام ميدو
نورتى الموضوع