$$$ ... وأخيرا وبعد طول انتظاااااااااااااااار... شرح البترون المرسوم (2)$$$ "تريكووبس

[mistry]

حبيباتى الغاليات
وحشتووووووووووووووووونى كتيييييييييييييييييييييير خااااااااااااااااااااااااالص

وطبعا رغم الاقبال الضعيف نسبياً على موضوع شرح البترون المرسوم
إلا أنه كان فيه مجموعة متميزة ما شاء الله عليهم
عملوا كل الواجبات وطبقوا عينات لمعظم التطبيقات
واعتقد انه ما بقاش صعب بالنسبة لهم انهم يقروا اى بترون
على الأقل لمجموعة الغرز اللى احنا شرحناها

ونزولاً على رغبة حبيباتى ان الشرح الجديد يكون فى موضوع منفصل
فأنا النهاردة نزلت الشرح الجديد فى الموضوع ده

واللى بتدخل لاول مرة من حضراتكم وحابة تتابع الجزءالأول
هو موجود فى الرابط ده

http://www.lakii.com/vb/showthread.php?t=653096

يلا نبتدى على بركة الله

[mistry]

انا ان شاء الله هاقسم الموضوع على اجزاء (عدة مشاركات) عشان ما يكونش طويل وممل
ويكون فيه وقفات بين كل جزئية والتانية
ان شاء الله
يعنى تابعوا للنهاية

[mistry]

النهاردة ان شاء الله هيكون كلامنا كله عن
الضفيــــــــرة
شغل الضفيرة من أهم وأشهر أنواع الغرز فى عالم التريكو

واذا كنا بنقول ان العدل والمقلوب واللفة همة اساس شغل التريكو
فالضفيرة هى الضلع الرابع فى مربع اتقان فن التريكو

ودايما بنشوف احلى واشيك موديلات فى التريكو بتكون الضفيرة جزء اساسى من تشكيل الموديل

ان شاء الله الشرح النهاردة هيكون بس عن الضفيرة
وما تفتكروش ان دى حاجة بسيطة
الضفيرة لها أشكال كتييييييييييييييرة جدا
بعضها بسيط وسهل
وبعضها معقد

وإن شاء الله هأحاول أغطى كل الأشكال اللى ممكن نقابلها فى المجلات المختلفة بلغات مختلفة

[همس الأمآني]

بالتوفيق ياا غاليه

[mistry]

أول حاجة المفروض نعرفها عن الضفيرة
اننا لازم يكون عندنا ابرة اضافية مخصوص للضفيرة
وهى شكلها بيكون كدة

بس على فكرة دى مش أساسية بالمرة
يعنى ممكن جدا اننا نشتغلها بدبوس مشبك كبير أو بنسة شعر أو إبرة كروشيه

أنا الحقيقة باستخدم إبرة الكروشيه
باستخدم ابرة تخينة شوية بحيث تكون قريبة فى تخانتها من حجم الإبر اللى أنا بأشتغل بيها
اللى هى عادة بيتعمل بيها الخيط التخين (اللى بتعمل منه الشنط أو علاقات الحمام مثلا)

وفكرة الضفيرة ببتركز على اننا بنضع عدد معين من الغرز (على حسب البترون) على ابرة اضافية (اتفقنا اننا بنستخدم المتاح عندنا) بحيث اننا بنشتغل مجموعة الغرز التالية لهذه الغرز المستبعدة أولا ثم بعد ذلك نعود لشغل هذه الغرز من على الابرة الاضافية
فيتعكس وضع الغرز بحيث يدى شكل ضفيرة الشعر

ويتوقف حجم الضفيرة على عدد الغرز وتكرار السطور

يعنى مثلاً لو عايزين ضفيرة رفيعة وطويلة ممكن اننا نعملها 4 غرز بس أو 6 بالكتير ونعملها مثلا كل 10 سطور أو كل 12 سطر
فتطلع طويلة ومسحوبة

أما إذا كنا عايزين نعملها تخينة وقصيرة ففمكن نعملها مثلا 10 غرز أو 12 غرزة ونعملها مثلا كل 8 سطور أو كل 10 سطور بالكتير

ده طبعا فى حالة اننا ما نكونش مرتبطين ببترون وبنصمم احنا موديل من عندنا

طيب كفاية كلام نظرى بأة وندخل على الجد

زى ما قلتلكم ان حجم الضفيرة بيتوقف على عدد الغرز المخصصة لها
فى كل الشرح بتاعنا احنا مفترضين اننا بنعمل ضفيرة من 6 غرز
لكن طبعا البترون هو اللى بيحدد زى ما اتفقنا

العادى فى الضفيرة انها بتتعمل على شغل جيرسيه (سطر عدل وسطر مقلوب) وبيتم تشكيل الضفيرة فى السطر العدل دائماً
زى كدة

[الحوراء الأنسية]

الله يعطيكي العافية يا مستري،،
بالتوفيق،،

[mistry]

طيب ندخل اكتر فى الموضوع
بصوا يا حلوات
برضه عادة الضفيرة بتتعمل من ورا الشغل

(احنا دايما بنقول القاعدة العامة بتاعة الحاجة وبعدين ان شاء الله ييجى دور الاستثناءات، ما حدش يقلق)

بمعنى ان انا لو الضفيرة بتاعتى 6 غرز
باحجز أول 3 غرز على الابرة الاضافية (اللى هى ابرة الكروشيه) واخليهم ورا الشغل
وبعدين اشتغل الـ 3 غرز اللى بعدهم عدل عادى جدا
ويعدين آخد الـ 3 غرز من على ابرة الكروشيه
واشتغلهم برضه عدل

طيب دى رمزها فى البترون المرسوم هيكون ازاى
زى كدة

مش عارفة انا فوق قلت ان المستطيل الأزرق ده عبارة عن 6 غرز ولا لأ عموما انا باقول تانى لو ما كنتش قلت اولانى

ههههههههههه

يعنى على البترون المرسوم هيكون على 6 مربعات كل مربع منهم يمثل غرزة زى ما احنا عارفين

[mistry]

طيب دلوقت عرفنا شكل البترون فى حالة انه يكون الشغل ورا
دى على فكرة فى الكتب او المجلات
بيسموها "ضفيرة خلفية"

وزى ما فيه ضفيرة خلفية فيه كمان
"ضفيرة أمامية"
والفرق الوحيد بين الاتنين
انه فى الضفيرة الأمامية بنضع الابرة الاضافية بما عليها من غرز أمام الشغل وليس خلفه

ودى باة يا حلوين بيكون شكلها كدة هو

[mistry]

بنوتات انا النت عندى وحش جدا وبطئ
والصور بتظهر وتختفى
اتمنى انها تكون عندكم ظاهرة وواضحة

ده بالنسبة للنت

انا كمان باقترح عليكم لان الموضوع هيبدا يكبر والرموز هتكتر
فياريت لو نعمل جدول للغرز
بحيث يكون من عمودين
العمود الاول: الرمز
العمود التانى: شرحه
عشان يبقى سهل علينا بعد كدة نرجع لهم

[mistry]

خدوا بالكم العدد مش ثابت بيتغير تبع البترون

طيب دلوقتى عرفنا الرمز بتاع الضفيرة
وعرفنا الفرق فى الشكل بين الضفيرة الامامية والضفيرة الخلفية

طبعا ممكن جدا يكون العدد أكبر أو أقل من كدة
يعنى ممكن تكون الضفيرة مكونة من 10 غرز مثلا
فهنلاقى 5 مربعات ، 5 مربعات
وهكذا
يعنى العدد اللى تحت العلامة دى

أو دى

بيحدده البترون
ماشى

[mistry]

وبالارقام كمان

زى ما احنا متعودين بنعرض كل الاشكال الممكنة للغرزة

فى بعض المجلات مثل مجلة Sandra

فى حالة لما تكون الضفيرة بالغرزة العدلة (واتفقنا ان ده الأصل فى الموضوع)
بيكتفوا بكتابة رقم يمثل عدد غرز الضفيرة فقط
زى كدة بالنسبة للضفيرة الخلفية

او زى كده فى الضفيرة الامامية

[mistry]

وفى نوع آخر من المجلات مثل مجلة VERNA
بنلاقى ان شكل الضفيرة الخلفية بيكون زى كدة

أما الأمامية فبيكون شكلها كدة

[mistry]

جينا بأة لاستثناءات القاعدة

طيب دلوقت احنا قلنا القاعدة فى الموضوع
عادة بيكون عدد الغرز متساوى بالنسبة للضفيرة
يعنى العدد المكون منه الغرز بنقسمه بالنص
نصف بنضعه على الابرة الاضافية
والنصف الآخر بنشتغله وبعدين نكمل

ولكن ولإن لكل قاعدة شواذ
أحياناً ما بيكونش العدد متساوى
بمعنى انه الضفيرة مش بتكون Balanced متوازنة أو متساوية

زى كدة مثلاً بالنسبة للغرزة الخلفية

أو بالنسبة للأمامية

وبرضه مش بالضرورة تكون كل الغرز عدل أو تكون كلها مقلوب
وارد جداً يكون جزء منها عدل وجزء مقلوب أو العكس
كله حسب البترون

وان شاء الله هننزل نماذج لكل الحاجات دى تباعاً

[mistry]

يبقى احنا دلوقتى عارفين اننا ممكن نقابل اى حاجة فى البترون
المهم اننا نبقى فاهمين

اول حاجة اتجاه ضفيرة: هل هى خلفية أم أمامية

ثانى حاجة عدد الغرز اللى هاشتغلها على الابرة الاحتياطية ونوعها
وكمان عدد الغرز اللى هنشتغلها على الغرز الاصلية وعددها

زى كدة مثلا

يعنى هنا دى ضفيرة من 6 غرز
بناخد 3 غرز على ابرة اضافية
ونشتغل ال3 اللى بعدهم عدل
وبعدين نرجع الـ 3 غرز اللى على الابرة الاضافية ونشتغلهم 1 مقلوب ، 2 عدل

[mistry]

استكمالاً لمسلسل الاستثناءات

طيب لغاية دلوقتى
الدنيا سهلة إلى حد ما
طيب تيجوا نصعبها على نفسنا شوية

يلا ولا يهمكم احنا جدعان أوى

احنا قلنا ان الضفيرة بيكون شكلها زى ضفيرة الشعر
بس مش بالضبط
لأن ضفيرة الشعر بنعملها من 3 جدلات صح

الضفيرة كمان فيها 3 جدلات
ودى فعلا بيكون شكلها متعشق فى بعضه زى ضفيرة الشعر بالضبط

دلوقتى احنا هنشتغل زى ما اتعودنا فى الأشكال اللى قبل كدة
هنقول كل الأشكال فى "الضفيرة الخلفية"
وبعدين نقولهم فى "الضفيرة الأمامية"
ومش بس كدة مرة هنقولهم لو الغرز عدل ولو مقلوب
ويمكن يكونوا خليط من عارف
يلا نتفرج على الصور

حاولوا انتم تترجموا قبل ما تقروا الترجمة
أنا شايفة

هنا ضفيرة من 9 غرز نشتغلها ازاى

بصوا يا قمرات

ناخد 3 غرز على ابرة اضافية ونخليهم أمام الشغل (يعنى ضفيرة أمامية) وبعدين ناخد 3 غرز كمان ونحطهم برضه على ابرة اضافية (أكيد غير الأولانية) ونحطهم خلف الشغل (يعنى ضفيرة خلفية)
وبعدين نشتغل ال3 غرز اللى باقيين عدل
وبعدين ناخد ال3 غرز اللى أمام الشغل ونعملهم عدل برضه
وبعدين ناخد آخر 3 غرز اللى خلف الشغل ونشتغلهم برضه عدل

يعنى انا باقسم حسب البترون وباشتغل العدل أو المقلوب برضه حسب البترون