شرح الباترون المرسوم "تريكو وبس"

[mistry]

رونتى انا خلصت الواجب بس الترجمه بس لانى فيه حاجات فى الغرز مش بعرف اعهلها اللى هى اسلت غرزه وارجعها تانى دى
1-عدد السطور 8 يعنى الرسمه هتتكرر كل 8 سطور
2-عد العرز 10 +2 حافة
3-التكرار بنعمل غرز مضاعفات 10 +2 غرزة حافة
الترجمه
السطر الاول
غرزة حافه(2مقلوب-4عدل-2عدل معا -لفه-2مقلوب)حافة
السطر التانى
زى الغرز ماتظهر معانا العدل عدل والمقلوب مقلوب واللفه مقلوب
السطر التالت
حافه(2مقلوب-3عدل -2عدل معا-عدل - لفه -2مقلوب) حافه
السطر الخامس
حافه(2مقلوب-لفه-1اسلت غرزة -1عدل اقلب المسلوته على العدله-4عدل-2 مقلوب) حافه
السطر السابع
حافه-(2مقلوب- لفه-1عدل-1 سلت 1عدل اقلبى المسلوته على العدله-3عدل -2 مقلوب)حافه
السطور الزوجيه زى ميظهر فى الشغل واللفة مقلوب

خلللللللللللللللللصت يارب يكون صح متتخيليش المعاناه بس اكيد ده فى الاول بس مش كده ههههههههه

برافووووووووووووووووووووووو
صح الصح يا قمر
كله زى الفل
ممتاااااااااااااااااااااااااااااااازة

[mistry]

فينكم يا بنوتات

فيييييييييييييييييييييينكم يا عسولات
3 بس اللى عملوا الواجب
يلا شدوا حيلكم
ده لسة فى حاجات كتيييييييييرة مستنياكم
الهمة يا شباب

[mistry]

(1 سلت - 1 ع - اقلبى المسلوتة على العدلة) تيجى ازاى

بصى يا هوبة
انتى وكل البنات
ازاى ممكن نعمل
(1 سلت - 1 ع - اقلبى المسلوتة على العدلة)
الموضوع بسيط جدا
اول حاجة ننقل اول غرزة من على الابرة الشمال للابرة اليمن من غير شغل
وبعدين نشتغل غرزة عدل عادى جدا
وبعدين نغرز الابرة الشمال فى الغرزة المسلوتة
ونقلبها على المشغولة
يعنى نوقعها من على الابرة على بقية الشغل

"

يعنى كاننا بنقفل الشغل"

يارب يكون الشرح واضح جربوا وقولولى

[D/HEBA]

ميسترى انا حاولت اطبق الباترون بس طبعا مش عارفه صح ولا غلط ومعذره على عدم وضوح الصور




مستنيه رايك

[mistry]

[QUOTE=D/HEBA;10206675]ميسترى انا حاولت اطبق الباترون بس طبعا مش عارفه صح ولا غلط ومعذره على عدم وضوح الصور

هوبة ازيك
معلش يا حبيبتى انا مش قادرة احدد بالضبط لان فعلا الصورة مش واضحة
وكمان العينة صغيرة اوى ولسة على الابر
بصى اعملى وحدتين
يعنى 22 غرزة
وكرريها مرتين يعنى 16 سطر وقفليها وصوريها
بس ان شاء الله هتكون صح
مستنياكى

[nemnem nemo]

السلام عليكم ورحمة اللة وبركاتة

اول حاجة باشكرك على الموضوع الجميل استفدت منه كتير انا فهمت الشرح كويس قوى نقلت الباترون الاول وحليتة زبك بالضبط وبعدين نقلت الواجب وحليتة ايضا زى الاخت توتو بس فعلا هو ثمان اسطر مش سابعة والحمدلله طلع مضبوط اما بالنسبة للغرزةالمسلوتة فهى بتعمل شغل جميل جدا بتكون زى فتلة بالعرض وشكلها حلو فى البلوفرات وشكرا لانى اول مرة اقرا باترون بالرموز لان شغلى كله كان بالمترجم جعله الله فى ميزان حسناتك

[wajeeha]

شكرا لك جهودك يااخت ميستري
انا احاول حاليا قراءة الباترونات وفي نفس الصفحة اللي فيها الان موضوعك يوجد باترون لفستان بناتي تريكو - للاطفال- قرات باترونه بس شايفة غرزة مربع وبه خط به حركتين ..مش عارفة اشرحه او ارسمه ازاي بس هو بالرابط ده.

http://www.lakii.com/vb/showthread.php?t=649747

ممكن شرح معنى هذه الغرزة
انا عارفة ان حضرتك قلت لسه فيه غرز ماشرحتيها..يمكن تتكون من ضمنهم اللي اسال عنها
لك الف شكر

[mistry]

اول حاجة باشكرك على الموضوع الجميل استفدت منه كتير انا فهمت الشرح كويس قوى نقلت الباترون الاول وحليتة زبك بالضبط وبعدين نقلت الواجب وحليتة ايضا زى الاخت توتو بس فعلا هو ثمان اسطر مش سابعة والحمدلله طلع مضبوط اما بالنسبة للغرزةالمسلوتة فهى بتعمل شغل جميل جدا بتكون زى فتلة بالعرض وشكلها حلو فى البلوفرات وشكرا لانى اول مرة اقرا باترون بالرموز لان شغلى كله كان بالمترجم جعله الله فى ميزان حسناتك

بارك الله فيكى يا نمنمة يا جميلة
مرسى على كل الكلام الحلو ده
واهم حاجة عندى ان الموضوع عجبك واستفدتى منه
وانا ان شاء الله هانزل لكم بترونات تانية للتطبيق وتثبيت المعلومة
ويكفينى الدعوات الحلوة

[mistry]

شكرا لك جهودك يااخت ميستري
انا احاول حاليا قراءة الباترونات وفي نفس الصفحة اللي فيها الان موضوعك يوجد باترون لفستان بناتي تريكو - للاطفال- قرات باترونه بس شايفة غرزة مربع وبه خط به حركتين ..مش عارفة اشرحه او ارسمه ازاي بس هو بالرابط ده.

http://www.lakii.com/vb/showthread.php?t=649747

ممكن شرح معنى هذه الغرزة
انا عارفة ان حضرتك قلت لسه فيه غرز ماشرحتيها..يمكن تتكون من ضمنهم اللي اسال عنها
لك الف شكر

الغالية وجيهة
اسعد الله صباحك بكل خير
النوع ده من الباترونان صينى او يابانى مش عارفة
هههههههه
كنت ناوية انزل رموزه لوحدها لانها مختلفة شوية عن بقية اللغات
وعموما عشان ما تتعطليش اذا كنتى حابة تنفذى الغرزة دى

طبعا الدايرة هى اللفة بتاعتنا اللى احنا متعودين عليها فى البترونات الاخرى

وبعدين

المربع اللى فيه زى حرف الـ T مايل ناحية اليمين هو (1 سلت - 1ع - اقلبى المسلوتة على العدلة)

اما المربع اللى فيه زى حرف الـ T مايل ناحية اليسار هو (2 ع معا)

والمربع الفارغ هو عدل

والمربع اللى فيه الشرطة الافقية هو مقلوب

وان شاء الله هنبقى نقولهم بالتفصيل مع الرسم ان شاء الله
انتى تؤمرى يا قمر

[D/HEBA]

صباح الجمال يا قمر انا عملت عينه تانى


بصى رونا طبعا ايدى فى الشغل مش حلوة اوى لانى مش واخده جامد على التريكو وكمان الخيط وحش جدا
ويارب يكون تطبيقى صح واكون تلميذة شطوره

[mistry]

صباح الجمال يا قمر انا عملت عينه تانى


بصى رونا طبعا ايدى فى الشغل مش حلوة اوى لانى مش واخده جامد على التريكو وكمان الخيط وحش جدا
ويارب يكون تطبيقى صح واكون تلميذة شطوره

شطورة ونص يا قمر
شغل زى العسل
معلش مسالة الصعوبة دى ممارسة
يعنى مع الوقت ان شاء الله ايدك هتاخذ وهيبقى الموضوع سهل
بس بجد برااااااااااااااااااااااااااااااااااافو

[الورد الجورى]

طيب والسطور الزوجية
زى ما اتفقنا
نشتغله حسب ما يظهر
يعنى العدل عدل والمقلوب مقلوب
واللفة نشتغلها مقلوب

اخت مستري انا مش فاهمة الجزء ده

[mistry]

طيب والسطور الزوجية
زى ما اتفقنا
نشتغله حسب ما يظهر
يعنى العدل عدل والمقلوب مقلوب
واللفة نشتغلها مقلوب

اخت مستري انا مش فاهمة الجزء ده

صباح الخير يا احلى ورد
بصى يا حبيبتى عادة باترونات التريكو بتجيب الاسطر الفردية بس اللى هى بتمثل وجه الشغل
اما الاسطر الزوجية اللى هى خلف الشغل مش بتكون مشروحة الا اذا كان البترون بيقتضى ده

فاحنا بنشتغله زى ما بيظهر بمعنى ايه
احنا بنشتغل غرزة عدلة
لما بتلفى الشغل (يعنى ظهرها) بتظهر على انها مقلوب
فبالتالى احنا كل اللى بنعمله تانى سطر (السطر الزوجى) اننا بنعكس اتجاه الشغل
يعنى اللى عملناها عدل فى السطر المفرد بنعملها مقلوب فى السطر الزوجى
والعكس بالعكس
بعنى لو عندى غرزة مقلوب فى السطر الفردى باشتغلها عدل فى السطر الزوجى
ودائما اللفة بنشتغلها مقلوب

وخدى بالك كمان ان ال2 عدل معا مثلا او حتى ال3 عدل بيكونوا فى النهاية غرزة واحدة عدل فى الخلفية بنشتغلها مقلوب برضه
مثال عملى
لما اقول فى البليسيه (الكوت) مثلا انى هاشتغل 2عدل - 2 مقلوب واكرر للنهاية
ده كدة اول سطر (الفردى)

يبقى لما نيجى نقلب الشغل عشان نشتغل السطر الزوجى هيكون ازاى
قولى انتى

شطورة
هيبقى 2مقلوب - 2 عدل
اتمنى انى اكون قدرت افسر لك
ومرسى لمتابعتك
وفى انتظار التطبيق

[wajeeha]

شكرا لك حبيبتي ..انا مو رايحة اعمل شي حاليا بس انا حابة اتعلم كل شي...لك تحياتي وان شاء الله اتابع معاكي الغرز الباقية

[ام مسرة]

السلام عليكم ورحمة الله وبركاتة
هذا الواجب ان شاء الله يكون صحيح
1-عدد سطور الباترون 7
2- الغرز المطلوبة12
3- عدد الغرز المطلوب تكرارها 10
4- الترجمة
1- غرزة عدل-2غرزة مقلوب-4غرز عدل- 2عدل معا- لفة خيط -2مقلوب -غرزة عدل
3-اعدل- 2مقلوب - 3 عدل - 2عدل معا - اعدل- لفة خيط -2 مقلوب - اعدل
5- 1عدل - 2مقلوب - لفة خيط - 2عدل معا - 4 عدل- 2مقلوب - 1عدل
7- 1عدل - 2مقلوب - لفة خيط - 1عدل - 2عدل معا - 3 عدل معا - 2مقلوب -1عدل

وهذا التطبيق



انتظر التصحيح بفارغ الصبر

والف شكر لكم مستري والسيدة فاطمة على تعبكم