ورشة عمل الشنطة الروووووووووووعة بالكروشيه

**D/HEBA** · 05-04-2010, 11:50 PM

يلا سمسم مستنين

yasmin* · 05-04-2010, 11:55 PM

هدفـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
بصى يا جميل بعد ما بنعمل 16 سلسلة و نطلع 3 سلسلة بمثاية اول عامود
نمشى 4 عماويد بلفةوالخامس نعمل معاه عامود زيادة بنفس الغرزة

يعنى كده عملنا الخمس والسادس بس فى غرزة واحدة تمام
ثم نعمل 5 عواميد دول ثابتين طول الشغل وبعدهم نعمل عامودين فى نفس الغرزة ونكمل باقى السطر عواميد عادى
السطور اللى بعد كده كلها نرتفع 3 سلاسل وبعدين نمشى لحد العامودين اللى مع بعض بغرزة واحدة ودول بنسميهم الزيادة اليمين تمام
اول عامود فيهم نعمل فوقه عامود تمام والعامود التنى نعمل فوقيه عامودين وبعدين نمشى ال5 عواميد هتلاقى نفسك فوق العامودين اللى مع بعض ودول الزيادة الشمال نعمل العكس فوق اول عامود نعمل عامودين مع بعض ونكمل اقى السطر عواميد عادى وهكذا

فى الصورة موضحة مكان الزيادة اليمين وبينهم الخمس عواميد ومكان الزيادة الشمال ومبينالك اهو اول عاموديمين تعملى فوقيه عامود واحد والتانى عامودين وبعدين تمشى 5 سطور وتعملى فى العامود الاولانى عامودين وفى التانى عامود واحد فهمتينى

والصورة دى موضحة ازاى اتجاه الزيادة والمنتصف اللى قلتلك عيه واضح اهو فيه 5 عواميد يا قمر

والصورة دى فيها اماكن الزيادة اليمين والشمال

ارجوا انك تكونى فهمتينى ولو فى اى سؤال اسألى وانا تحت امرك

yasmin* · 06-04-2010, 12:08 AM

التنقيص بقى يا حلوين
طبعا بننقص نفس العدد السطور اللى اشتغلناها فى الزيادة
اولا هنعد اخر سطر اشتغلناه زيادة كانت الزيادة فى العامود الكام ماشى وفى نفس المكان هنبدأ ننقص من الناحية التانية ماشى
اللى زودت 3 عواميد تنقص 3 واللى زودت 2 تنقص اتنين واللى زودت 2 وبعدين 3 تنقص 3 وبعدين 2 بنفس عدد السطور

كيفية التنقيص
فى نفس مكان الزيادة بقى عرفنا خلاص هنشتغل عامود بلفة بس مش احنا بناخد لفة وبعدين ندخلها فى العامود وبعدين وبعدين ناخد لفة كمان ونسحب 2 من على الابرة وبعدين سحبة وناخد االاتنين التانين
احنا بقة هنخلى اخر اتنين على الابرة مش هنسحبهم وبعدين ناخد لفة وندخل فى العامود اللى بعده ونشتغله عادى ونسيب اخر لفتة على الابرة بكده هتبقى الابرة عليها 3 لفان ناخد سحبة وناخدهم فيها كلهم يعنى ناخدهم فى سحبة واحدة
بكده يبقى اشتغلنا بدل عامودين عامود واحد وهتلاقى مع السطور التنقيص وضح

**D/HEBA** · 06-04-2010, 12:09 AM

ياسمين معلش انا بعتذر منك هاسيبك دلوقتى عشان هصحى بدرى البنات عندهم مدرسة الصبح وان شاء الله هاشوف الشرح بكرة الصبح واطبق علية سامحينى يا قمر

**D/HEBA** · 06-04-2010, 12:10 AM

yasmin* · 06-04-2010, 12:12 AM

المشاركة الأصلية بواسطة D/HEBA

ياسمين معلش انا بعتذر منك هاسيبك دلوقتى عشان هصحى بدرى البنات عندهم مدرسة الصبح وان شاء الله هاشوف الشرح بكرة الصبح واطبق علية سامحينى يا قمر

لا حبيبتى روحى ياقمر ربنا يخليهملك معلش انا عارفة انى اتأخرت عليكم بس كنت بكتب وبحمل صور وكذا حاجة فى نفس الوقت انتو كمان سامحونى

yasmin* · 06-04-2010, 12:14 AM

المشاركة الأصلية بواسطة besmella

ورشة جميلة جدا