شرح لجاكيت زوجي التريكو (اللي طلب يتفضل واللي مطلبش طبعا يتفضل كمان!!!!!!!!!!)أم مازن

[om mazin]

السلام عليكم ورحمة الله وبركاته

**************

حبيباتي اللي طلبتوا مني شرح لحردة الكم الخاصه ببلوفر زوجي اللي نزلته سابقا في موضوع في الرابط ده

http://www.lakii.com/vb/showthread.php?t=638425



أولا أحب أعرفكم اني هشرح البلوفر كله ان شاء الله وبشكل مبسط

وطبعا شرحي ده مش هيفهمه الا البنات اللي عندهم أساسيات التريكو

بس متقلقوش البلوفر غرزته بسيطه جدا وانا عن نفسي نفذته وكانت كل خبرتي بالتريكو غرزه قدام وغرزه ورا وفعلا البلوفر بالغرزتين دول فقط


علي العموم نبتدي الشرح

أولا أنا أشتغلت بأبره 5

طبعا الخيط مكتوب عليه رقم الأبر اللي تستخدم ولو كان الخيط مكتوب عليه 5 بس كان شكله سميك شويه ممكن تشتغلي بـأبره 5 أو 6 أو 7

أولا انا ابتديت من تحت من عند الكمر

البلوفر من الأمام مقسوم نصين

ابتدي النصف الأيمن بـ 50 غرزه علي الأبره وأشتغليهم 2ق و2 خ

أشتغلي مثلا 10 أو 15 دور (2ق و2 خ) حسب ما تشوفي الطول المناسب للكمر

بعد ما يكتمل الكمر هننقص من كل 2خ غرزه وطريقة التنقيص ان أحنا بنضم الغرزتين مع بعض في الشغل فبيعونا غرزه واحده

مع ملاحظة ان بعد ما ننتهي من الكمر هنبتدي نشتغل الغرز كلها علي قدام في سطر ولما يخلص بنشتغل السطر التاني علي الخلف وهكذا

[om mazin]

في ملحوظه بسيطه يارب متلغبطكوش

(ممكن تشتغلي النصف الأيمن علي أبره وتشتغلي النصف الأيسر في نفس الوقت علي نفس الأبره لكن كل نصف بيكون منفصل عن التاني يعني بتشتغلي كل واحد ببكره لوحده

بس الميزه الوحيده في الطريقه دي لو مش هتتلغبطي انك بتلاقي نفسك انجزتي شغلك مع بعضه وبسرعه)

اللي هتتلغبط بلاش تمشي ورا الطريقه دي

المهم نكمل الشرح

بعد ما نقصنا وخلينا شغلنا كله في اتجاه واحد يعني سطر علي قدام وسطر علي ورا

هنفضل ماشيين حوالي 100 سطر وبعد كده هنبدأ حردة الكم

وحردة الكم دي بالنسبه لي مميزه وانا حسيت بيها بالشياكه وبصراحه انا غشيتها من بلوفر اخو زوجي الجاهز وكانت عجباني كتيييير أوي

وهشرحهالكم بالتفصيل
.
.

[om mazin]

حردة الكم الرجلان بطريقتي ان شاء الله تكون سهله وبسيطه

لما هنشتغل الـ 100 سطر ونستعد لبدأ الحرده

بدايتا لازم ناخد بالنا ان احنا مش هنبدأ الحرده من أول غرزه علي يمين الأبره

نحط في الأعتبار ان احنا مش هنلمس أول 4 غرز خالص

يعني الشغل هيكون معانا علي الأبره (غرز أما ميه)
هنشتغل أول غرزه عادي وبالتالي هتتنقل علي الأبره التانيه وكذلك هنشتغل الغرزه التانيه والتالته والرابعه وبعد كده هنضم 5 غرز مع بعض (يعني الغرزه الخامسه والسادسه والسابعه والثامنه والتاسعه) الخمس غرز دول هنضمهم في غرزه واحده
تعالوا نشوف الصور دي هتوضحها اكتر ان شاء الله

ودي طريقة ازاي بنضم غرزتين مع بعض (طبعا احنا هنضم 5)




وكمان الصوره الجايه هتوريكم ازاي هنسيب غرزه قبل تنقيص الرجلان
لكن طبعا احنا هنسيب 4 غرز مش غرزه واحده

[om mazin]

انا عارفه ان الشرح النظري صعب لكن والله مش بأيدي يابنات وبصراحه معنديش استعداد أعمل بلوفر تاني لأبو العيال (هو احنا موراناش شغلانه غيره وللا ايه)

علي العموم احنا ابتدينا حردة الكم واشتغلنا أول سطر في الحرده وطبعا السطر ده الغرز فيه علي قدام

السطر الليبعده مش هنعمل فيه حاجه هنشتغله علي ورا وخلاص

السطر اللي جاي هنشتغل أول أربع غرز عادي وبعدين هنضم الـ3 غرز اللي عليهم الدور (يعني الغرزه 5 و6 و7 )

وبعد كده نكمل السطر

والسطر اللي عليه الدور من ورا هنشتغله عادي من دون تنقيص ولا أي تغييير

والدور اللي بعد كده هنشتغل 4 غرز وبعد كده نضم الغرزه رقم 5 و6 مع بعض ونكمل السطر

والسطر اللي عليه الدور من ورا من غير تنقيص

والسطر اللي بعده هنضم الـغرزه 5 و6 مع بعض ومن هنا هنبتدي الشغل بشكل منتظم يعني هننقص في سطر (عن طريق ضم الغرزه 5 و6 ) وهنشتغل السطر اللي بعده من غير تنقيص

وهنستمر علي كده

كام سطر يا أم مازن
.

.
طيب هقولكم بكره ان شاء الله عشان البلوفر في الغسيل والله ومش قدامي عدد الصفوف وكمان عشان أقولكم أزاي هنعمل الخطين اللي بالعرض اللي في الصدر (لمن تحب تنفيذ البلوفر بالظبط)

لكن لو تفضلي عمل البلوفر ساده هيكون شيك ايضا
أي بلوفر تريكو جميل ان شاء الله

الي لقاء قريب بأذن الله

[همس الأمآني]

تسلمي ام مااازن

مشكووره على التعب

بميزاان حسنااتك يااارب

[أم عبد العزيز11]

يسلمووووووووووووو

[قطعت السكر]

ما شاء الله شغلج حلو
نفسي اتعلمه بس
اشوفه صعب مو مثل الكروشية
لو اضل ترليون سنة مارا اتعلمة

[الحوراء الأنسية]

شرحك واضح يا ام مازن،،
الله يعطيكي العافية وتسلم ايديكي على هذا الجاكيت،،

[أم حلا الحلوة]

الف الف شكر لك يا قمر
ربنا يباركلك في صحتك وبابو العيال
ومتبعاكي على طول باذن الله

[محبتكم هجير]

ماشاءالله تبارك الله شغلك جميييل

[عبيرالشريف]

بارك الله فيكى
وجزاك كل خير

[yasmin*]

ماشاءالله شغلك ررررررروعة بصراحة كأنه جاهز
وجزاكى الله خيرا على الورشة الرائعة

[جبال الثلج]

شرح رااااااااائع
سلمت يداكِ

[سارة قلبى]

واللهيا ام مازنانت سكر واحلى من العسل كمان
ربنا يكرمك على شرحك واستجابتك لمطالب الجماهير
وان شاء الله فى الميزان حبيبتى
فى حاجةبس هوالمقاس بتاع البلوفرينفع لاى جسم ولا فى جدول مقاسات
اصل انا زوجىماشاءالله مليان حبتين
ازاى اقيس مقاساته زى البلوفردة ولا ايه وكانعاوزة اعرف هحتاج كام شلة صوف او كام جرام يعنى
وانا اسفة على الاطالة
بس واللهاصلو جميل اوى ماشاء الله
وانا نفسى اعمل لزوجى زيه

[babynona]

تسلم ايدك يا ام مازن البلوفر جميل مبروك على زوجك