********** )( ورشه الجاكيت بدأت والله المستعان)(********** (ورشة مميزة)

[حبيبه أمها]

السلام عليكم
ازيكم يا بنات ورئيستنا ام حبيبه عامله ايه
انا خلصت الجيبه يا ام حبيبه بس حظي مش كويس مقدرتش انزل الصور لانه مركز التحميل مغلق مؤقتاً
انشاء الله اول ما يظبط مركز التحميل انزلهم تشوفوهم
يسلمووووووو ايديك يا ام حبيبه ومتشكرين على الشرح الجميل
الجاكيت روعه
بارك الله فيك وجعله في ميزان حسناتك يا ام حبيبه

ازيك انت يا زوزو عامله ايه الله يخليكى على الكلام الحلو ده وان شاء الله نلتقى فى ورش تانيه
مبروك يا قمر الطقم وفى انتظار الصورة
شوفى الرابط ده لتحميل الصور

http://www.rofof.com/

انا دخلت من اجل ان اقول لكي بارك الله فيك واحسن اليك لأن الجاكيت جميلة جدا جدا ان شاء الله يأتي يوم واطبقها

جزاكى الله خيرا على الرد
وان شاء الله يبقى حلو طبعا لانه من ايدكى

واخيرا خلصت الجاكيت
ان شاء الله يعجبكم
الف شكر لك اختي حبيبة
ان شاء الله راح اعمل مع الجاكيت حذاء وانزل صورته
اتركم مع صورة الجاكيت

ماشاء الله يا لفه
تسلم ايديكى حبيبتى
تحفه بجد بس قوليلى انت الزراير عامله لها تلبيسه من الكروشيه برضه
صح والا انا غلطانه

[لفه]

الله يسلمك حبيبتي
ايوه انا عامله للزراير تلبيسه بالكروشيه

[ماماz]

[ام كتاكيتى]

السلام عليكم حبيبتى حبيبة امها
انا عندى مشكلة بسيطة
انا فكيت الكم الصغنوووون بتاع الجاكيت وعملت اكبر منهم شوية لكن الجاكيت واسع شوية وعريض على بنتوتى فلو عملت مرد زى حضرتك ما عملتى هايكبر زيادة ويبقى الموديل شكله مش حلو عاوزة اعرف اتصرف ازاى واقفله بطريقه شيك وجميله بس من غير مردات
الحاجة التانية لو عملت له زنط يبقى هاعمله كول ولا لأ ؟؟
انا حاليا وقفت على جسم الجاكيت والاكمام وخايفة ايأس واسيبه بس نفسى يطلع شكله جميل فياريت تساعدينى ويكون لكى كل الشكر
وياريت لو تقدرى تدينى فكرة عمل الزنط هاعمله بره وبعدين اشبكه ولا زى الكم هايطلع من الجاكيت طوالى
وتسلملى عيونك يا قمر

[حبيبه أمها]

السلام عليكم حبيبتى حبيبة امها
انا عندى مشكلة بسيطة
انا فكيت الكم الصغنوووون بتاع الجاكيت وعملت اكبر منهم شوية لكن الجاكيت واسع شوية وعريض على بنتوتى فلو عملت مرد زى حضرتك ما عملتى هايكبر زيادة ويبقى الموديل شكله مش حلو عاوزة اعرف اتصرف ازاى واقفله بطريقه شيك وجميله بس من غير مردات
الحاجة التانية لو عملت له زنط يبقى هاعمله كول ولا لأ ؟؟
انا حاليا وقفت على جسم الجاكيت والاكمام وخايفة ايأس واسيبه بس نفسى يطلع شكله جميل فياريت تساعدينى ويكون لكى كل الشكر
وياريت لو تقدرى تدينى فكرة عمل الزنط هاعمله بره وبعدين اشبكه ولا زى الكم هايطلع من الجاكيت طوالى
وتسلملى عيونك يا قمر

بصى حبيبتى ام الكتاكيت
انا معاكى ان شاء الله حد ما يخلص الجاكيت وبنوتك تلبسه بالهنا ان شاء الله
اولا بالنسبه ان الجاكيت واسع شويه مش مهم ينفعها لسنتين قدام ان شاء الله
ممكن مش تعملى مرد كبير اعملى صفين بغرزة الحشو عشان العراوى
وفى حل تانى انك تحطى كباسين اللى هى بتبقى من جوه ومن بره حطى زاراير ديكور يارب تكونى فهمتينى
وانت كمان لما تعملى شريط حزام للوسط حيظبط وسع الجاكيت على بنوتك
كملى الاكمام وربنا ييسر ليكى الحال
وان شاء الله لما تخلصيهم قوليلى عشان اشوف معاكى الزنط

[ام كتاكيتى]

ماشى يا حبيبتى تسلميلى يارب افكارك جميلة
هاكمل الاكمام واتابع معاكى ان شاء الله

[زينب س]

سلام عليكم
اسفه على التأخير بس كانت مشكله في النت
مرسي اوي يا ام حبيبه على الرابط
شوفي كده
الجاكيت

الجيبه

الجيبه والجاكيت

[حبيبه أمها]

بسم الله ماشاء الله يا زوزو
مبروك على بنوتك احلى طقم
تعيشى وتعملى لها يارب

[زينب س]

الله يسلمك يا ام حبيبه
انشاء الله ربنا يديمك لينا وتعمليلنا ورشات كمان وكمان
انا بجد كنت سعيده اوي بمشاركتي في ورشتك
مع اني فرضت نفسي واسمي مكنش من الاسماء الي اتسجلت للدوره
لكن بجد كانت ورشه مميزة وجميله جدا
شرحك ووجودك معانا جميل جدا
هو الطقم مش لبنتي هو لبنت اختي يا ام حبيبه
بس الصراحه هي بمقام بنتي وبحبها كانها بنتي واكثر شويه
بصي يا ام حبيبه اي ورشه هتعمليها تسجليني انا اول واحده فيها
ماشي يا ست الكل
انشاء الله النجاح في حياتك كلها عامه وفي ورشاتك في منتدانا خاصه يا ام حبيبه

[ام كتاكيتى]

السلام عليكم يا حبيبة
انا عملت الاكمام وطلعت تماااااااااام خالص
هابتدى اعمل الزنط بطريقة المستطيل اللى انتى شرحتيها قبل كده
بس هو ليه فى الصورة اللى اتعمل فيها مستطيل ومشبوك فى الجاكيت شفت الزنط موصول فى الوسط
هو بيبقى مستطيل واحد ولا اتنين
يا ريت تشرحيلى اكتر وبارك الله فيكى

[حبيبه أمها]

لا يا ام الكتاكيت انى حتعملى المستطيل بحث لما يثنى على اتنين يبقى طوله مناسب لدخول الراس وحيبقى مفتوح من ورا ناحيه الرقبه من الظهر ممكن تخيطيها باره وخيط او بالكروشيه

[ام مسرة]

السلام عليكم ورحمة الله وبركاتة
الحمد لله كملت الجاكيت واخيرا تاخرت في لاني كنت مريضة الفترة الماضية
ان شاء الله اصورة وتشوفوا بس اكمل عمل الورود
والف شكر للغالية ام حبيبة

[ام كتاكيتى]

السلام عليكم
انا كمان خلصت الجاكيت وطلع بجد رووووووعة
انا سعيدة ان الجاكيت ده يكون اول اعمالى رغم انه ارهقنى جداجداجدا وفكيته مليون مرة لكن هو يستحق التعب
واللى كمان تستحق الشكر والدعاء لها الغالية حبيبة على ورشتها الجميلة السريعة واللى كانت فيها نعم الاستاذ مع العلم انى كنت تلميذة بلييييييدة خالص لكن انا باشكرها من كل قلبى وباشكر كل اخواتى الفاضلات اللى اشتركوا فى الورشة دى مع دعائي لهم بصالح الاعمال والتوفيق بإذن الله
بكرة او بعده بالكتير هانزل صورة الجاكيت والله المستعان
الى لقاااااااااااااااء

[حبيبه أمها]

السلام عليكم ورحمة الله وبركاتة
الحمد لله كملت الجاكيت واخيرا تاخرت في لاني كنت مريضة الفترة الماضية
ان شاء الله اصورة وتشوفوا بس اكمل عمل الورود
والف شكر للغالية ام حبيبة

السلام عليكم
انا كمان خلصت الجاكيت وطلع بجد رووووووعة
انا سعيدة ان الجاكيت ده يكون اول اعمالى رغم انه ارهقنى جداجداجدا وفكيته مليون مرة لكن هو يستحق التعب
واللى كمان تستحق الشكر والدعاء لها الغالية حبيبة على ورشتها الجميلة السريعة واللى كانت فيها نعم الاستاذ مع العلم انى كنت تلميذة بلييييييدة خالص لكن انا باشكرها من كل قلبى وباشكر كل اخواتى الفاضلات اللى اشتركوا فى الورشة دى مع دعائي لهم بصالح الاعمال والتوفيق بإذن الله
بكرة او بعده بالكتير هانزل صورة الجاكيت والله المستعان
الى لقاااااااااااااااء

انا اللى سعيده جدااااااااااااااا بالورشه دى خصوصا اناها اول ورشه ليا بس انتوا اللى حمستونى والله
ويارب دايما الود يفضل بينا
بحبكم فى الله يا اغلى الناس
وفى انتظار الصور

[ام كتاكيتى]

السلام عليكم
اخيرا الجاكيت خلص والحمد لله

ودى صور قريبة وتفصيلية شوية



ولسه هاعمل حذاء علشان يكمل الطقم
كل ورشة وانتم طيبين واشوفك على خير با حبيبة امها