افتتاح ورشة عمل بلوزة الفراشة بناء على رغبتكم

[yasmin*]

خلاص يا بنات جزاكم الله خيرا انا خلاص بحمد الله تعالى عرفت التنقيص مشكورين

[شاوي]

ثلث مرات وانا اعيد عند الوردة فيه خطا لكن شو هو
لازم اخلصها قبل اخر شهر 7

ابلة عديلي التشبيك وحدة وحدة عافة اني مزعجة وغبية اتحمليني

[جدة مازن]

يارب تكون صح

[ساره الاعظمي]

جوجو ياقلبي هذه البلوزة
حاسه فيها غلط
موعدله من فوق

[جدة مازن]

سارة بصى والله اعلم المفروض اننا نشتغل عند راس البتله غرزتين من كل جانب مش 4غرز من جنب واحد لانه برضه طلع عندى زيك كده جنب اكبر من جنب ونستنه نشوف باقى الاخوات مش حفك الالما الميس تقول

[yasmin*]

ههههه انا بردوا طلع عندى الشغل زيكم وفيتكه مرتين وقررت انى اريح نفسى واعمل الوش سادة مثل الظهر وبعدين اشبك الوردة فوقيه
بس يا جدة مازن حضرتك عندك غلطة من تحت فى التويد يعنى عند حضرتك الجوانب مش متزود فيها صح والله انا بزعل كل ما حضرتك تفكى شغلك لانى مجربة بس لولا حلاوة البلوزة يا لا ربنا يعينا جميعا

[جدة مازن]

والله مزوده ياياسمين ومستغربه مش عارفه ايه الحل مش برضه التزويد انه اول السطر بنعمل8سلسلة وننزل فى وسط القنطره ونكمل السطر ولما نرجع ننزل نعمل قنطره فى ال8سلسة يعنى فى 3سلسة مش كده برضه افيدنى افادك الله

[yasmin*]

خلصت الوش بتاع البلوزة لغاية الشرح ودى الصورة


ومستنية الحردة ان شاء الله

حبيبتى ممكن لو سمحتى تشرحيلى انتى شبكتى الوردة ازاى يا قمر بس واحدة واحدة الله يكرمك
وسؤال كمان معلش انتى طلعتى كام سطر من اول تشبيك الوردة لحد التنقيص

[yasmin*]

حبيبتى جدة مازن انا كنت شرحت قبل كده التزويد لايمان ونتقلتهولك اهو يا رب تستفيدى منه

شوفى حبيبتى بعد السطر الاول اللى هو 5 سلاسل وحشو فى الرابعة لغاية اخر واحدة
تقلبى الشغل وتطلعى 8 سلاسل وتعملى حشو فى اول قبة خااالص تمام وبعدين تمشى 5 سلاسلا حشو لغاية الاخر يعنى كده انتى فى السطر التانى بعد ما تعملى اخر واحدة خالص بقى كده خلصتى اخر قبة وعملتى حشو فى اخر قبة خلاص تمام (((((((( تعملى بقى 5 سلاسل وعامود فى نفس القبة الاخيرة من السطر التانى اللى هى عملتى فيها الحشو
بس تعملى العامود فى السلسلة التالتة كده السطر انتهى وزودتى قبة تمام
تلفى الشغل 8 سلاسل وحشو تكملى عادى 5 وحشو لغاية الاخر
وبعد اخر حشو فى اخر قبة تطلعى 5 سلاسل وعامود فى السلسة التالتة من تحت عشان تسيبى 5 سلاسل للقبة هتلاقى السطور زادت وطلعة صح وطبعا العمود ده فى نفس القبة الاخيرة
وتمشى بقى كده
هتلاقى الشغل فى كل جهة سطر نهايته 8 سلاسل وسطر نهايته 5 وعامود
ارجو انك تكونى فهمتى منى حاجة يا جميل

المشكلة عند حضرتك انك مش بتدخلى فى اخر قنطرة مرتين يعنى اخر قنطرة بعمل فيها 5 سلاسل وحشو وبعدين فى نفس القنطرة الاخيرة دى تطلعى 5 سلاسل وتعملى فيها عامود
وبعدين تلفى الشغل وتعملى 8 سلاسل لو جربتى هتلاقى الفرق فى التزويد وانا تحت امرك فى اى حاجة

[جدة مازن]

ربى يكرمك حبيبتى ماشى حبيبتى حفك الشغل تانى واعيده بس خليكى معايا على الخط انا زى مامتك الف شكر ياجميلة

[yasmin*]

من عينية حضرتك تأمرى وممكن حضرتك تجربى حتى قبل ما تفكى الشغل حتى لو مثلا 15 سلسال وتجربى تعملى عليهم كام سطر يعنى تجربى فيهم الاول علشان لو فى اى غلط او كده ميبقاش فى الشغل الاساسى وانا كمان شوية هدخل تانى لو عايزة اى حاجة هرد عليكى وحضرتك على راسى من فوق يا ماما

[Eman1977]

أنا مش عارفه أشبك الوردة مع الشغل خالص يظهر مش حأكمل البلوزة لأني محتاسة
أنا واقفة عند أول التشبيك
الحقيني يا مس

[smtaalab]

معلش بعد اذنك يا لبنانية انا هاشرح للبنات انا عملت اية يمكن تكون اسهل بالنسبالهم

الاول انا عملت سطر التشبيك فى اربع فستونات زى ما لبنانية شرحت وبعدين كملت على الناحية الشمال بسوعديت عدد الفستونات كام واشتغلت بالزيادة زى ما شرحت سارة ولبنانية شرحوا وجيت عند الوردة وشبكت بسلسلتين ومشيت لغاية الفستونة اللى بعدها فى الوردة بمنزلقة وعملت سلسلتين وشبكت فى الشغل اللى كل فستونات لغاية الاخر هتلاقى ان عدد الفستونات معاكى ثابت وهما هيبقوا لغاية سطر التنقيص 16 سطر ماعدا سطر التشبيك باربعة
وفى سطر التقيص زى ما شرحت سارة بنعمل 6 سلاسل ونشبك فى الفستونة اللى بعد الاولى ولكن عند التشبيك بالوردة بنعمل 5 سلاسل وبرضة منزلقة لغاية الفستونة اللى بعدها فى الوردةوبعمل منها برضة بدل من 2 بعمل 5 سلاسلونكمل السطر لغاية اخر فستونة بعملها 3 سلاسل وعمود فى تالت سلسلة ونرجع بالفستونات ونكمل عادى وبرضة بنحافظ على نفس عدد الفستونات اللى بدانا بيها لغايى قبل الوردة بفستونتين وقطع الخيط ونكمل الناحية التانية زى كدة ولكن فى اخر سطر بنشبك الوردة من الفستونتين الخيرتين اللى قبل الوردة واللى بعدها ونكمل بعد كدة عادى

يارب اكون عرفت اشرحها واللى عاوزنى اشرحها بالتفصيل عن كدة يقول وانا امشى معاة سطر سطر

[لبنانية بجدة]

بارك الله بك سمتالاب
والشرح صحيح
جزاك الله كل خير

[جدة مازن]