دوره تريكو - المستوي الثالث

[أم قسمت]

حبايبي خلصنا دلوقت المستوي الاول في دوره التريكو
وخلصنا المستوي الثاني
وعايزه اقول ان دي بجد افضل دوره عملتها من حيث الاستجابه من البنات وربنا يسعدكوا زي مااسعدتوني بتطبيقاتكوا الجميله واستجابتكم الرائعه
وخصوصا في قراءه الباترون رووووعه
وده رابط المستوي الاول
http://www.lakii.com/vb/showthread.php?t=538632
وده رابط المستوي الثاني

http://www.lakii.com/vb/showthread.php?t=551213

وطبعا البنات نجحوا معايا بتقدير امتياز في المستوي الثاني
هنهن -نورفا- مكاوي نانا- فوزيه الحربي كربوجه -شاوي- لبنانيه بجده - الحوراء الانسيه- لمياء - جده مازن- روز
في المستوي ده حاناخدباذن الله
الحردات بانواعها
التريكو الدائري
الجاكار
تشطيب التريكو
والله المستعان
ياللا مين اللي حايعمل لنا شعار النجاح في المستوي الثاني
فينك ياليمو والغاليه لبنانيه ياريت توصي لنا علي شعار جميل كده
باذن الله نبدا من بكره
بس عايزه كل واحده تعمل قطعه تريكو 100 غرزه وترتفع بيها قد 10 سطور تقريبا ودي اللي حانعمل عليها تطبيقاتنا
وطبعا الف اهلا وسهلا بكل اللي حاينضم لنا

[totoankhamon]

اهلا اهلا بام قسمت - وحشتينى يا غالية - باذن الله هاكون معاك . توتو فخرى .

[فوزية الحربي]

يارب يسعدك ويديك كل اللي تتمني يارب ويقوم بنتك بالسلامه ان شاء الله معاكم

[شاوي]

اللهم ما بارك لنا في هدا المستوى وسهله وبارك لنا في الاستادة وارعاها (( ابلة ماهي الغرزة الي راح نرتفع بيها 10 سطور بعد ادنك

[أم قسمت]

اهلا اهلا بام قسمت - وحشتينى يا غالية - باذن الله هاكون معاك . توتو فخرى .

اهلا بالقمر
انتي فين ياغاليه لكي زمان مش باينه
باذن الله حاتنوريني جداااااا

يارب يسعدك ويديك كل اللي تتمني يارب ويقوم بنتك بالسلامه ان شاء الله معاكم

تسلمي لي يارب وتسلم لي دعواتك الجميله
وامين يارب
وطبعا انتي باذن الله معانا داانتي من الاعضاء المؤسسين للدوره

اللهم ما بارك لنا في هدا المستوى وسهله وبارك لنا في الاستادة وارعاها (( ابلة ماهي الغرزة الي راح نرتفع بيها 10 سطور بعد ادنك

امين يارب العالمين ياشوشو يسمع منك ربنا
اعملي الغرزه جرسيه

[مليكةnn]

موفقة اختي ام قسمت
جزاك الله خيرا على جهودك

[الحوراء الأنسية]

جاري التطبيق يا أستاذة خلاص بدينا ندخل في الجد..

[mekkaouinana]

بسم الله على بركة الله ...لقد بدانا التطبيق ...و الله المستعان

[شاوي]

ابلة انا خايفة اول مرة اعمل غرز كثيرة

[أمى حياتى]

مشالله عليى ماما قسمت الله يحفظك] من كل مكروة] ويجزااكى الله جنة الخلدٌ ياربيٍ
انا معالكم باأذن الواح الااحدٍ ًِِ

[أم قسمت]

موفقة اختي ام قسمت
جزاك الله خيرا على جهودك

تسلمي لي ياايه ياقمر ودايما منوراني

جاري التطبيق يا أستاذة خلاص بدينا ندخل في الجد..

ياللا ياعسل والله المستعان
وعلي فكره احنا من زمان في الجد وبصراحه المستوي الثاني اصعب بكتير من المستوي ده ولما تجربيه حاتعرفي

بسم الله على بركة الله ...لقد بدانا التطبيق ...و الله المستعان

ربنا يبارك فيكي ويحميكي
واظن ماشاء الله عليكي بعد مانفذتي الجاكيت خلاص بقيتي خبيره تريكو الله اكبر

ابلة انا خايفة اول مرة اعمل غرز كثيرة

ماتخافيش ياشوشو توكلي علي الله وابدئي وزي مابتشتغلي 10 غرز حاتشتغلي 100غرزه بس افتكري تعليمات البدايه اللي في المستوي الاول
وخصوصا الطريقه الثانيه انك بتلفي الخيط الاول علي الابرتين بعدد الغرز اللي عايزه تعمليها علشان تقدري طول الخيط اللي حاتسيبيه في الاول
فاكره ؟؟؟؟

مشالله عليى ماما قسمت الله يحفظك] من كل مكروة] ويجزااكى الله جنة الخلدٌ ياربيٍ
انا معالكم باأذن الواح الااحدٍ ًِِ

اهلا بيكي يااجمل نسمه في الدنيا
والف شكر ياحبيبتي علي الاهداء الجميل ده

[أم قسمت]

نبدا بسم الله
الحردات
والحردات نظام بيتم فيه تنقيص او زياده غرز علشان قطهع التريكو اللي بنعملها تاخد شكل الجسم
يعني بنعمل لها فتحه رقبه وفتحه باط والاكمام بنشكلها علشان يبقي شكلها مناسب في اللبس
اولا حرده الباط
ودي 3 انواع او يعني اللي حااقولهم الاول
1- حرده الباط المدوره او العاديه
2- حرده الباط الرجلان
3- حرده الباط المستقيمه

اولا الحرده المدوره
اولا للكبار

( 1 ) اقفلى 5 غرز فى اول السطر ثم اشتغلى باقى السطر حتى النهاية

( 2 ) مثل السطر الاول

( 3 ) اقفلى 4 غرز فى اول السطر واكملى باقى الغرز حتى اخر السطر

( 4 ) مثل السطر الثالث

( 5 ) اقفلى 3 غرز فى اول السطر واكملى باقى الغرز حتى اخر السطر

(6 ) مثل السطر الخامس

( 7 ) اقفلى 2 غرزة فى اول السطر واكملى باقى الشغل حتى اخر السطر

( 8 ) مثل السطر السابع

( 9 ) اقفلى غرزة فى اول السطر واكملى باقى الشغل حتى اخر السطر

( 10 ) مثل السطر التاسع

هكذا تنتهى الحردة ثم نشتغل دون تنقيص حتى الطول المطلوب لحردة الابط مع مراعاة حردة الرقبة اذا كان الامام او

الخلف ونوعها


ثانيا الحرة للاطفال من سن 10 فما فوق

نفس حردة الكبار ولكن من السطر الثالث

يعنى نبدا بقفل 4 غرز ثم نكمل باقى الحردة عادى

بالنسبة للاطفال المواليد حتى سن العشر سنوات نبدا بقفل 3 غرز ونكمل باقى الحردة عادى

يبقى للكبار عدد الحردة ( 5 - 4 - 3 - 2 - 1 ) من الجهتين

للاطفال ( 4 - 3 - 2 - 1 ) من الجهتين

وللمواليد ( 3 - 2 - 1 ) من الجهتين




الحردة الثانية

اولا للكبار
1 ) اقفلى 5 غرز فى اول السطر ثم اكملى السطر حتي اخره
2) مثل السطر الاول

( 3 ) اقفلى غرزة واحدة فى اول واخر السطر

( 4 ) كررى السطر الثالث 6 مرات اخرى

( 10 ) اشتغلى سطر عادى حسب الغرزة المستعملة دون تنقيص حتى الاخر

( 11) اقفلى غرزة فى اول واخر السطر

( 12) كررى السطرين ال10 --- ال 11 اربعة مرات اخرى

ثم اشتغلى دون تنقيص حتى مقاس الحردة المطلوبة مع مراعاة حردة الرقبة

توضيح

حنقفل 5 غرز فى اول السطرين التاليين

ثم نقفل غرزة لمدة 7 اسطر

ثم نقفل غرزة فى سطر ونترك الاخر دون تقفيل لمدة 5 مرات
ثم نشتغل دون تقفيل حتى الحردة المطلوبة

ثانيا للصغار

مثل الحردة السابقة ولكن نبدا اما ب 4 غرز او 3 غرز بدل ال5 غرز

وتنقيص الغرزة فى 5 اسطر بدل من ال7 اسطر
والتنقيص الاخر سيكون 3 مرات بدا من 5 مرات

ونكمل الباقى عادى خالص
الحرده دي بيطلع الشكل مدور زي مايكون مقصوص بمقص

جربوها كده

[شاوي]

هي قضيت تقفيل غرز لحدهنا مبدئيا مفهومة لكن من كم سطر نبدا في التحريد
يعني بعد 10 ادوار نبدا نطبق الحردة

[امي حوا]

السلام عليكم ياام قسمت كيف الحال انا والله خجلانه منك لانو ماقدررت اكمل نعكم الدوره التانيه للاسف فات علي كتير صارت ظروف عندي استقبلت عندي ضيوف لاسبوعين والان في مشروع تغيير البيت ادعولي الله ييسرلنا كل خير يارب سامحيني كنت متحمسه اني اكمل معكم لكن في الوقت الحالي صعب شوي يعني بستسهل شغلي بالكروشيه اكتر لانو اخف ولانو باقي اغراضي بالشنط ههههههههه والله المستعان
احبك في الله ام قسمت

[امي حوا]

ام قسمت كان نفسي اعمل هالشنطه يارب بس تستقر اموري اعملها واعرضهاتشوفيها