اللي حابة تشتغل معايا تتفضل ..

[شفافية]

لون واحد :

[IMG][/IMG]

لونين :

[IMG][/IMG]

الباترون :

[IMG][/IMG]

اشتهيت أحد يشاركني قلت أشوفكم يمكن تتحمسوا وتحمسوني معاكم ..

اللي حأعمله اني حأشرح الباترون خطوة خطوة حسب ما وصلت .. واذا لقيت وقت أنزلكم تطبيقي ..

بس ترى أنا ماني خبيرة يعني لو غلطت أي غلطة ماليا شغل .. عشان كدة ياريت أحد من الخبيرات يتابعنا بس يتأكد اننا ماشين صح ..

نبدأ بسم الله :

# اشتغلي 104 سلاسل أو حسب مقاس الرقبة المهم انه العدد يكون يقبل القسمة على 8 .. لانه كل 8 سلاسل حتكون صدفة ..

# السطر التاني حتشتغلي سلسلتين وتشبكي بغرزة حشو ثم تتركي سلسلة وتشتغلي سلسلتين وتشبكي بحشو الى آخر السطر يعني سلاسل البداية وحدة حيكون فيها حشو والتانية متروكة وفوقه سلسالين ..


ياللا مين حيشاركني ؟؟؟؟؟

[شاوي]

روعة حبيبتي راح احتفظ بالشرح حتى اخلص الي ورايا تسلمي حبيبتي

[الـ ع ـسل]

رووعة ..ما قلتي يناسب سن كمـ .. ؟

[شفافية]

شاوي : خسارتك .. ما ينفع تشتغلي كم شي مع بعض ؟؟

العسل : أنا حأعمله لبنتي ان شاء الله .. عمرها 3 سنوات ونص

[شاوي]

راح احتفض بالشرح والصور اعمل لبنتي الصيف جاي والوقت يفضى

[شروق المصرية]

[loloblo]

شفافيه تسلمي يارب عالمجهود بس كم بكره للاول وكم للثاني
انا هالايام تاركه كم شغله من الكسل
بس هذا من زمان حابه اسويه

ان شاء الله اسويه معاك ان شاء الله

طبعا الخيط صوف مو ؟

والله ذبحني الكسل .....
اللهم اني اعوذ بك من العجز والكسل ......................آآميييين
ادعولي يبنات

[للا غادة]

حلو كثير .. روعه .. الله يعطيك العافيه

[شفافية]

شروق : تسلمي

لولو : والله ما أعرف كم يحتاج خيط بس أنا عندي كيس صوف اشتريته بالجملة يعني حوالي 300 جرام راح أستعمله ..

اللي مبين من الصورة انه صوف والاتنين شكلهم نفس المقاس .. اتوكلي على الله وابدئي .. هي مغامرة بس ان شاء الله تكون ممتعة .. أشكرك على المشاركة معي ..

للا غادة الله يعافيك .. شكرا على مرورك

[جزايرية]

ماشاء الله الله يعطيك العافية

[شفافية]

راح أعيد شرح السطر التاني لأنه ما كتبت طريقة البداية والنهاية :


# راح تطلعي ب 3 سلسلة بعدين تشتغلي حشو في ثالث سلسلة من سلاسل البداية .. ركزوا معايا وشوفوا الباترون بعد التكبير .. الآن احنا طلعنا ب 3 سلسلة + 2 سلسلة من البداية صاروا 5 سلاسل .. في رقم 6 نشتغل الحشو واضح ؟؟ ثم نكمل ( سلسلتين ونترك سلسلة من سلاسل البداية ونشتغل حشو في اللي بعدها ) كرري ما بين الأقواس 2 سلسلة -حشو - 2 سلسلة - حشو الى نهاية السطر لحد ما يبقى عندنا سلسلتين نشتغل فوقهم 1 سلسلة وواحد نصف عمود في آخر غرزة


# السطر الثالث حنطلع ب 1 سلسلة ثم حشو فوق نصف العمود .. ثم 3 عواميد في أول فراغ من الفراغات اللي اتكونت من السلاسل في السطر السابق .. وتاني فراغ نعمل فيه وحدة حشو ثم سلسلتين ثم حشو في الفراغ التالي ثم سلسلتين ثم حشو في الفراغ التالي ثم 3 عواميد في الفراغ التالي ثم حشو في الفراغ التالي وهكذا نكرر .. الى أن نختم بحشو في آخر فراغ ..

أكمل ولا أستناكم تطبقوا أول ؟؟ لأنه أنا واصلة السطر الخامس .. ما شاء الله عليا متحمسة ..

[بتوته كتكوته]

[عفاف جابر]

والله جميل لكن ماعنديش السن الصغير ده ربنا يوفقكم

[الفيومية]

بسم الله فعلا جميل جدا لكن انا كمان معنديش السن دة لكن الطقم عجبنى وعايزة اعمله معاكم باذن الله

[شفافية]

بتوتة كتكوتة : الله يسلمك

عفاف والفيومية : الموديل يصلح للكبار والصغار .. انتو خدواا المقاس على الرقبة ويكون عدد السلاسل يتقسم على 8 وبس أما طريقة التوسيع حتكون وحدة .. والله يوفق الجميع ..