مين تعمل ورشه للبلوزه دى من موضوع شاوى ولها منا كل الدعاء

[بتوته كتكوته]

البلوزه دى عاجبانى اوى يا بنات وحاسه انها ممكن تتعمل بسهوله ان شاء الله ومتاخدش وقت

لو حد يعملها ورشه او يساعدنا فيها واحنا ندعيلها ان شاء الله

[نونا 11نونا]

معاكي

[بتوته كتكوته]

معاكي

مشكوره يا نونا
ويا رب حد يعملها ورشه

للاطفال والكبار كمان
لانها حلوه حتى لينا احنا كمان ولا ايه ههههههه

[ola yousef]

وانا كمان معاكم بس ياريت قبل ما احبط

[farawlla07]

حتدعيلوه بايه الي يساعدك
جهزي الخيط والابره واستنيني يوم السبت ان شاء الله بعملهولك لو عاوزه الشرح علي طول اشرحهولك دلوقتي هو سهل خالص

[بتوته كتكوته]

مشكوره يا اختى علا على مرورك

[farawlla07]

بصي الشرح للاطفال
شايفه الشريط التان الي ف الوسط ده بتبتدي عنده
يعني بتقيسي محيط الصدر وبتعملي سلسله بدوران الصدر كله عشان حنعمله حته واحده افضل بالضبط متوسعيش وتطلعي سطر حشو او عماويد زي ما تحبي وثم بتعملي سطر الفتحات الي بتحطي فيها الشريط وعهو كالاتلي 2 عمود 2 سلسله 2 عمود 2 سلسله حتي نهايه السطر طبعا لازم ينتهي السطر بعمودين يكون افضل
المهم بتطلعي سطر حشو كمان او عماويد وبعدين تبتدي تعملي الاسطر الي فيها مراوح

[بتوته كتكوته]

حتدعيلوه بايه الي يساعدك
جهزي الخيط والابره واستنيني يوم السبت ان شاء الله بعملهولك لو عاوزه الشرح علي طول اشرحهولك دلوقتي هو سهل خالص

وااااااااو يمكن ده اسرع اجابه على طلبى فى المنتدى كله

وبالنسبه للدعاء يا فراوله يا سكره

هدعيلك ربنا يتقبل منكى اى دعاء تدعيه ان شاء الله بسرعه زى مانتى متاخرتيش علينا بالرد

وكمان ممكن تختارى الدعاء اللى انت عايزاه واحنا ندعيلك ان شاء الله

[بتوته كتكوته]

بصي الشرح للاطفال
شايفه الشريط التان الي ف الوسط ده بتبتدي عنده
يعني بتقيسي محيط الصدر وبتعملي سلسله بدوران الصدر كله عشان حنعمله حته واحده افضل بالضبط متوسعيش وتطلعي سطر حشو او عماويد زي ما تحبي وثم بتعملي سطر الفتحات الي بتحطي فيها الشريط وعهو كالاتلي 2 عمود 2 سلسله 2 عمود 2 سلسله حتي نهايه السطر طبعا لازم ينتهي السطر بعمودين يكون افضل
المهم بتطلعي سطر حشو كمان او عماويد وبعدين تبتدي تعملي الاسطر الي فيها مراوح

لالالا يا فراوله بالراحه عليا شويه

ده انا لسه (تاتا)

وبعدين الاول قوليلى احتاج خيط اد ايه

لطفله عمرها سنتين

[farawlla07]

ماشي من عنيه طالما الدعوه جماعه يعني حتتفتح لها ابواب السماء وتكون مستعجله هههههههههههه
بالنسبه لبنتوك انتي ممكن 100 جرام كويس وهاتي 50 جرام للوردات لو حتعملي القبعه كمان هاتي 250 ابيض و100 سيمون احتياطي

[بتوته كتكوته]

تسلم عيونك يا سكر
بس 100 جرام من اى نوع خيط وتخين ولا رفيع لانه بيفرق طبعا

[بتوته كتكوته]

وكلامك فيه بشره خير لانها مش بنتى هى بنت اختى

ويا رب يكون ليا بنت واعملها حاجات كتيرررررررر ان شاء الله

[farawlla07]

بصي هو الموديل معمول بخيط الي حد ما سميك زي مصر حلوان وعزل البيضا او الخيط التركي كاميلا
اهم شئ وانتي بتشتري الخيط تقري علي التكت بتاعته عدد امتاره لان هو ده الي بيفرق يعني في بكره 540 متر وفي بكره 300 ونفس الفتله بس ده يديكو شغل اكتر والتاني لا

[farawlla07]

وكلامك فيه بشره خير لانها مش بنتى هى بنت اختى

ويا رب يكون ليا بنت واعملها حاجات كتيرررررررر ان شاء الله

ان شاء الله ربنا يرزقك بالذريه الصالحه وانا كمان يرزقني بالزوج الصالح والذريه الصالحه بس يكون مستعجل هههههههه

[بتوته كتكوته]

ان شاء الله دعوتك تستجاب بس بحد يكون زى الفراوله ههههه زيك يا سكر