حد بيعرف يشتغل مفارش فيليه ؟

[دكتوره فوفو]

السلام عليكم
حد فيكم ليه في مفارش الفيليه
انا الحقيقه بتعجبني جدا لكن ماعرفش بتتعمل ازاي وحملتلها باترونات كتير لكن برضه مش عارفه بتتعمل ازاي
افيدوني افادكم الله

[rose d'or]

حبيبتي الفيليه سهل خالص يحتوي على العواميد والسلسله

حطي باترون اشرح لك

[caty]

وانا كمان نفسى اتعلم مفارش فيلية
فينكم يابنات
مفيش حد يساعدنا

[دعوة للتفاؤل]

الاخت روز تطوعت بس ليه مش حطين الموضوع في قسم التريكو والكروشيه

ان شاء الله الموضوع يتنقل

[rose d'or]

الي عايزة تتعلم يا 100مرحبا

واذا تحبوا احط لكم مفارش فيليه انا جاهزه

[أم قسمت]

ياللا يابنات الاستاذه الاموره روز حاتشرح الفيليه احلي شرح
انا كنت لسه حااشرح واستفبض لكن بقي حاانضم للتلاميذ صباح الفل يااجمل روز

[rose d'or]

صباح الفل والياسمين والورد لاحلى ام قسمت

انت فين يا عسل؟ وحشتيني دا انت الاستاذه واحنا التلاميذ

[far dream]

هو ايه مفارش الفيليه

انا اول مره اسمع الاسم ده

[rose d'or]

far dream........بصي هو ده الفيليه

[قلعة الجمال]

هاى روز
ياريت تفرجينا اشكال اكثر
و تبدأى فى الشرح

[رودينا2008]

لفياسه سهل جدا المهم فيه البدايه تكون صح لانه مفيهوش غير غرزتين بس السلسه و البريد( الفرع او العامود)زي متحبي تسميها و انت بتكون الرسمه ادامك عدي المريعات الي في الول الرسمه نقول سثلا 5 مريعات و كل مريع عرضه 2 سلسله يبقي 2في 5 هيدينا عشر سلاسل + 3سلسله لاول عامود تسيبي 2 سلسله من العشره تعملي عامود في رقم 3 و هكذا تعملي 2 سلسله و تسيب 2 من السطر السبق و عامود في رقم 3 لحد ميبق عندك 10 مربعات الي قلنا عليهم و بعد كده المرع الظلل في الرسمه لما توصليله تعملي في كل سلسله انتي سايباه عامود يعني 2 عامود في المربع الي فيه شغل و المربع الفارغ 2 سلسله و عامود فوق العامود التالي و لما توصلي لاخر السطر دوري الشغل و ارجعي لحد متخلص الرسمه الي ادامك و ارجو اني اكون عرفت افهمك حاجه لاني بليده جدا في حكاية الشرح انا اعرف بس اشتفل الحاجه الي اشوفها

[smtaalab]

يا ريت يا روز تعمليلنا دوره تعلمينا فيها شغل الفليه لانه عاجبنى جدا بس انا خيبانه جداااااااااااااااااا فى حكايه الزياده فى اخر السطر دى وكمان معرفه عدد السلاسل الاولى

[امال رفقي]

شغل الفليليه بيعلم الصبر

[ام امير واميرة]

الفليه هو عبارة عن اعمدة وسلاسل وبعتمد على العد والحساب وهو مربعات حت تشكل شكل كما موضحته الاخت روز

[نانا19279]

طيب يا ريت يا بنات حدا ينزل اشكل ممكن نعملها للبيت أو للبيبيهات من الفليه