كتاب لغرز تريكو "ام قسمت وخبيرات التريكو اتفضلو اشرحو الغرز"

[NAREEMAN]

غاليتي أم قسمت
شكراً كتير على ردك علي
أنا حكتبلك اللي فهمته وأنت شوفي ان كنت فهمت صح ولا لأ
على فكرة أنا سورية بس بحاول أكتب بالمصري عشان تفهو علي
لو عندي الأمام 50 غرزة, لما أبدأ بالحردة أشتغل 25 غرزة وجه وبعدين أشتغل 2 وجه معاً وبعدين أكمل ال 23 غرزة الباقيين وجه
الدرب القفى بدون تنقيص
طبعاً بشتغل كل طرف لوحده عند الحردة أو بستعل كرة صوف تانية للطرف الآخر
درب الوجه نعمل مرة أخرى 2 ع معاً وهكذا,,,,,,,, حتى نصل لحفرة الكتف
لو أنا فهمت صح قولي لي
بس كيف نعمل البليسيه
نخيط كتف واحد مثل القبة المدورة ونضم الغرز عادي بس أنا مافهمتش ازاي ناحد 3 غرز مع بعض
ياؤريت تشوحي لي أكتر
بالنسبة للطاقية أنا عاملة للنونو بلوفر مفتوح من قدام مشغول من الأعلى بديت بالبليسيه وبعديها حطيت رسمة ورق الشجر لدرب واحد بس بعدين كملت جريسيه وبالنهاية عملت بليسيه 5 دروب
وعاوزة طاقية مناسبة معاه
بس الموديل اللي حطته منار جزاها الله كل خير مالقيتوش متناسب مع البلوفر
هاوزة طاقية أبتديها بالبليسيه واكمل جريسيه بس بدون رسمة
بس عاوزة المقاس وازاي أعمل التنقيص

[أم قسمت]

العزيزه ناريمان انتي صح بس العد مش صح يعني لو عندك 50 غرزه اشتغلي 24 ونقصي غرزتين ويبقي عندك 24 يعني مهم ان الناحيتين يكونوا متساويين (لو عدد الغرز فردي يعني 51 بتنقصيواحده
من المنتصف يبقي عندك 25 غرزه في كل جانب ولو زي ماقلتي 50 بتنقصي غرزتين من المنتصف حاارد علي بقيه الاسئله بعد شويه

[أم قسمت]

انتي حاتعلمي مكان الغرزه بتاعه السبعه يعني اللي انتي حردتيها اول واحده عند تشكيل السبعه بعد ما تلقطي الغرز علشان البليسيه وتشتغلي عادي لغايه قبل الغرزه دي بواحده تاخديها هي والغرزه اللي انتي معلماها وغرزه بعدهم هما التلاته في غرزه واحده متكملي بقيه السطر عادي وهكذا في كل سطر علي الوجه
بالنسبه للطاقيه خدي محيط راس البيبي افرضي طلع 20 سم ابدئي بليسيه مقاس 20 سم واشتغلي شويه وبعدين اشتغلي جرسيه للطول اللي انتي عايزاه واما تقفلي الغرز كلها مره واحده وتزميها وتركبي بونبونه بعد ماتقفلي الجنب او اقفلي 2 في واحده واشتغلي سطر الظهر عادي وبعدين 2في واحده واقفلي وخيطي

[أم سعاد]

حبيبتي ام قسمت النت بقي له يومين فاصل عندي ووحشتيني انا باكتب لك بس علشان وحشتيني ولكن
شرح الغرز علي اقل اقل اقل من مهلك انا مش مستعجله - وكمان منار وحشتني واخدت عليكوا
وحاسه ان انتوا حبايبي ومن اهلي

[أم قسمت]

الغاليه ام سعاد
والله كنتي لسه علي بالي وباقول هي فين وانتي كمان والله انا حاسه انك قريبه مني خالص وربنا يديم الموده
شوفي ياستي ترجمه الغرزه الاولي 98 هي مضاعفات ال5 وانا واخده 20 غرزه باشرح عليهم
اول سطر -* لفه - اسلتي واقلبي - لفي الخيط امام الابره زي ماتكوني حاتاخدي غرزه مقلوبه واسلتي الغرزه من غير شغل ( يعني حايكون امامك خيط معدي من امام الشغل بالعرض ) - 2ع معا - لفه - 5ع وكرري من العلامه *
السطر 2 -* 5م - 2ع - 1م - 2ع - وكرري من العلامه*
السطر 3 - زي السطر 1 -
السطر 4 -زي السطر 2 -
السطر 5 - زي السطر 1
السطر 6 - 5 م - 2ع - اسحبي الخيط الافقي اللي في السطر الاول والثالث و الخامس علي الابره واشتغليه مع الغرزه - 2ع وكرري
السطر 7 - عدل
السطر 8 -مقلوب
السطر 9 - 2ع -* اشتغلي 3 غرز في غرزه ولقلبي الشغل يعني خدي الابره اليمين في ايدك الشمال والابره الشمال في ايدك اليمين واشتغلي الثلاث غرز بس وبعدين رجعي الابر تاني وخدي الثلاث غرز في غرزه واحده* - 9 ع - كرري بين العلامتين* - 9ع
السطر 10 - مقلوب
السطر 11 - عدل -
السطر 12 - مقلوب
السطر 13 - 5ع - لفه - اسلتي واقلبي - لفي الخيط امام الشغل واسلتي غرزه من غير شغل - 2ع معا - لفه كرري
السطر14 - - 2ع - 1م - 2ع - 5م وكرري
السطر 15 و17 - زي السطر 13
السطر 16
- زي السطر 14
السطر 18- 2ع - اسحبي الثلاث خيوط اللي امام السطور 13 و 15 و 17 علي الابره واشتغليهم مع الغرزه ( هي دي الغرزه اللي ماكنتش عارفه اشرحها ازاى وكانت محيراني هي اللي بتعمل شكل الفيونكه اللي في الغرزه ) - 2ع - 5م وكرري
السطر 19 ع
السطر 20- م
السطر 21- 7ع - اعملي غرزه منفوخه زي السطر 9 - 9ع - غرزه منفوخه - 2م و
وكرري السطور للباترون

[أم سعاد]

الله يفتح عليك ياغاليه وتفرحي باولادك انشاء الله نحاول في الغرزه انا وصديقاتي ويارب نعرف
نطلعها
ربنا مايحرمنيش منك وتسلم ايديكي

[منار7]

ربنا يكرمكم ايه الشغل الجامد دا والله ام قسمت تستاهل التميز الله يبارك فيها وفي صحتها ربنا يوفقك يا ام سعاد

[أم قسمت]

الله يبارك لك وينعم عليكي بالصحه والستر وراحه البال يامنار
وان كان فيه تميز تكوني انتي سببه بابداعك وفنك
الاخت الغاليه ام سعاد معلش اتاخرت عليكي اصل النت فاصل طول اليوم
الغرزه 99 - سهله وجميله وهي مضاعفات ال9 وانا حااخد هنا 18 غرزه
السطر الاول - اقلبي واحده علي تلاته (خدي 3 غرز علي ابره اضافيه واتركيهم خلف الشغل اشتغلي غرزه عدل ثم اشتغلي الثلاثه غرز عدل )يعني بعد كده لما اقول لك اقلبي 1 علي 3 تعرفي انا اقصد ايه واقلبي 1 علي 2 تعرفي انك حاتاخدي 2 وتسيبيهم خلف الشغل وتشتغلي 1 ع وبعدين تشتغلي ال2 ع
ولما اقول تقلبي 1 علي 1 تاخدي 1ع خلف الشغل وتشتغلي 1ع ثم تشتغلي الغرزه العدل من الابره الاضافيه ( فاهماني ولا انا باتكلم كتير ) - غرزه منفوخه زي الباترون 98 اقلبي 1 علي31م - 4ع -
السطر 2 - 4 م - 1ع - 8م - 1ع - 4م
السطر3 - 1ع - اقلبي 1 علي 2 - 1م - اقلبي 1 علي 2 - 5 ع-1 م - 4ع
1مسطر - 4 - زي السطر 2 -
السطر 5 -2ع - اقلبي 1 علي 1 - 1م - اقلبي 1علي 1 - 6ع - 1م - 4ع
السطر6 - زي السطر 2 -
السطر 7 - 4ع - 1م - 4ع - اقلبي 1 علي 3 - غرزه منفوخه (هو اسم مضحك لكن مش لاقيه اسم تاني) - اقلبي 1 علي 3
السطر 8 - زي السطر 2 -
السطر 9 - 4ع - 1م -5ع - ااقلبي1 علي2 - 1م - اقلبي 1 علي 2 - 1ع
السطر 10 - زي السطر2
السطر 11 - 4ع - 1م - 6ع - اقلبي 1 علي 1 - 1م - اقلبي 1 علي 1 - 2ع -
السطر 12 زي السطر2 - وكرري واي خدمه ياقمر






9
-












9

[NAREEMAN]

غاليتي أم قسمت
لما شرحتي الغرزة رقم ذ107 قلتي اسلتي واقلبي وأنا مافهمتش تقصدي ايه
ممكن تشرحي لي أكتر لو سمحتي

[أم قسمت]

الحبيبه ناريمان
اسلتي واقلبي ده اختصار للتنقيص المزدوج ومعناه خدي غرزه من غير شغل واشتغلي اللي بعدها وبعدين اقلبي الغرزه اللي من غير شغل عليها زي ماتكوني بتحردي

[أم سعاد]

شرحك في منتهي الجمال مش بتتكلمي كتير ده شرح رائع ربنا يخليكي ياعسوله
ده انا اول شييء باعمله اول ماافتح الجهاز ادور علي رسالتك ربنا يخليكي

[أم سعاد]

منار ربنا يكرمك ويديكي الصحه وتجيبي لاخواتك احلي غرز واجمل ابداعات انا سعيده جدا
باهتمامكم ربنا يمتعكم بالصحه والعافيه وهناوة البال

[أم سعاد]

ام قسمت فقط طمنيني عليكي

[أم قسمت]

الحبيبه ام سعاد انا بخير بس بابص علي الصفحه ماالاقيش حد علشان كده مش بادخل

[منار7]

احنا هنا يا ام قسمت ربنا يديكي الصحة