أعراسنا الفلسطينية من التراث

[ماما نبيلة]

وهي شوية اغاني في الزفة

ومن الأغاني التي كانت تردد على إيقاع رقصة السحجة:

ع اللام لاموني أصحابي في حبه حكوا عليه

ع الميم ميلي يا نفسي وفراقه يصعب عليه

ع النون نهوني أهلي في حبه وغضبوا عليه

ع الهاء هالت دموعي وفي حبه زادت عليه

ع الواو ودعت أحبابي وتصعب الفرقة عليه

ع الياء يا ربي صلي ع محمد زين البرية

( 2 )

هذي ضيفتك يا عريس هذي ضيفتك حييها

لا تسمع من كلام أمك هذي جاهلة ربيها

هذي ضيفتك يا عريس هذي ضيفتك كرّمها

لا تسمع من كلام أمها هذي جاهلة علّمها

( 3 )

يا ابن العم يا شعري على ظهري

إن جاك الموت لارده على عمري

يا ابن العم يا ثوبي علي

إن جاك الموت لارده بيدي

يا ابن العم يا ثوب الحرير

لحطك بين جناحي وأطير

( 4 )

هذي الأصيلة وبنت الأصايل

وهذي التي لا نقال عنها ولا جرى

ولا تعيّرت شبابها في المحاضر

ولا حد عيّرها ولا حد عابها

حيد ولا توخذ بنات النزايل

لا تؤخذ إلا البنت لو كانت الشمس أمها

والبدر أخوها والهلال ابن عمها

عماتها يا زين ما حدا مثلهن

وخالاتها يا زين مثل نجوم الزواهر

( 5 )

عريسنا عنتر عبس عنتر عبس عريسنا

يا بنت يللي في السما طلي وشوفي في فعالنا

( 6 )

عدينا المال في فيّ التفاحة

نسبنا رجال وأخذنا الفلاحة

عدينا المال في فيّ الليمونة

نسبنا رجال وأخذنا المزيونة

خرزة زرقة

( 7 )

أويها اسم الله عليك واحدة والثانية تنتين

والثالثة خرزة زرقا ترد عنك العين

يا عبدة يا حبشية يا غصين البان

عريسنا بدو يطوف طقوا يا عدا

واحنا زرعنا القرفة آه يا القرفة

عريسنا بالزفة طقوا يا عدا

( 8 )

الحمد لله قد زال الهم الحمد لله

زرعنا قرنفل بالحر الحمد لله

قالوا عدانا ما بخضر الحمد لله

الحمد لله بنينا دار الحمد لله

الحمد لله انتلت عرسان الحمد لله

الفرح له والوداع لها !!

( 9 )

صاحت رويدي رويدتها رويدتها

رفقات العروس تعالوا تانودعها

واحنا نودع وهي تسكب مدامعها

خيتا يا عروس لا تبكي وتبكيني

نزلت دموعك على خدك حرقتني

( 10 )

لا تطلعي من بويتي يا معدلتي

يا مركنة أذيال بيتي مع مصطبتي

لا تطلعي من بويتي غيرت حالي

لا تطلعي من بويتي والهوا غربي

يا طلعتك من بويتي غير حالي

[ماما نبيلة]

وهي مجموعة ثياب ليوم الحنا

[Um Alayham]

تسلمي ماما ياذوق الله يعطيك العافية

كنت بدي اسألك كيف بتكون تحضيرات أم العريس
وكيف بكون شعورها يمو فرح ابنها؟؟

بنتظرك لتجاوبي يا غالية...

[ماما نبيلة]

ام ايهم حبيبتي
ام العريس بتكون مشغولة بتحضيرات العرس والمشاورات للحفلة بطاقات الدعوة وعمل قائمة باسماء المدعوين حتى لا تنسى احد بيعتبوا عليها
والتركيز على صاحباتها لانهم بيعتبوا عليها تحضير للاكل ولوازمه مساعدة العروس في تجهيزاتها في عرايس بعملوا التجهيزات مع امهاتهم بدون الحماة لكن الحماة بتساعد في البدلة والحجزللصالون والتصوير وممكن بس تقول رأيها وغيرها يكمل في هاي الامورتحضير الدار اذا العرس في الدار او اختيار القاعة
شراء الحناء وممكن وحدة من صاحباتها تشتريه محبة في ام العريس وعنا بتعمل ام العريس حفلة صغيرة لتعباية الحناء وبتعزم صاحباتهايشاركوها الفرحة وبعبوا الحناء بالاكياس الملونة وتوضع شرائط ملونة مع شراشيب لاغلاق الاكياس
وتعبي الحلو كمان وتحضير السلال ليوضع بها الحناء والحلو عند التوزيع
السلال تزين بالورود والشرائط الملونة عنا كتير حلوة ليلة تعباية الحناء وبتكون قبل الحناء بيوم وبيكونوا يشتغلوا ويغنوا وبعد ما يخلصوا برقصوا وبغنوا وبكنوا كلهم مبسوطين الحفلة بتكون للاناث فقط الرجال لا وبتوزع حلويات وعصير
وبتحضر الام الملابس للبنات والاولاد عندها ولها وممكن تساعد العريس في اختيار
ملابسه ولكن في معظم الاوقات يساعده اصحابه يعني بتكون مشغولة لراسها


ملاحظة ممكن اتذكر كمان اشياء برجع بكتبها

[ماما نبيلة]

تذكرت
ام العريس بتساعد العروسين في تحضير بيت الزوجية من عفش
وادوات مطبخ ...............الخ
وكمان بتشتري لجدات العريس وعماته وخالاته واخواته هدايا من العريس لهم
كل عريس حسب مقدرته ممكن خواتم ذهب او قطع قماش للثياب للي بلبس ثوب او للفساتين للصبايا او عبايات اوثياب للعرس حسب المقدرة وما بتنسى ام العروس وخواتها بتوزعهم عليهم قبل العرس اخوات العريس ممكن ياخدوا فلوس يشتروا حسب ذوقهم اشياء هم بحاجة لها ملابس او ذهب
كمان بتشتري الذهب للعروس مع امها ومين بيجو معهم طبعا العروس بتكون موجودة
وبعد ان تشتري تعزمهم ام العريس على الاكل اما في بيتها وبتكون محضرة اكل
او على احد المطاعم لانهم بيتاخروا
كمان ام العريس بتحاول تجد فكرة حلوة لوضع الذهب عليها لعرضها على المدعوين
يوم العرس مرات بتكون مخدة مربعة او لعبةاو صندوق او صنية مرتبة يرتب الذهب عليها وتعمل خياطة عليه لتسطيع حمله وعرضه خلال الحفلة وترقص به هي والمقربات لها والعروس ايضا وبعد ذلك تقوم واحدة من الموجودات بفك الخياطة وتناول ام العريس الذهب قطعة قطعة والام تعطيها للعريس ليلبسها لعروسه امام
المدعوات وسط اغاني ومهاهات وزغاريد الجميع وعنا يركزو على هذا الموضوع
ليروا ماذا اشترت العروس من ذهب وهل هو قليل ام كثير
يوم الحناء تعجن الحناء تضعها في صنية مرتبة وتضع حولها الورود الجميلة والشموع وتزينها وترقص بها هي وصاحباتها وقريباتها بعد ان تشعل الشمع
يوم الفرح تحضر العجينة للعروس لتلصقها على مدخل الباب وتضع فيها مجموعة من الوردات وتخلط ماء وسكر في ابريق ليشرب منه العروسين قبل دخولهم للبيتهم
لتبقى حياتهم حلوة وسعيدة على طول

[Rana363]

وهذه زغروده من السعوديه الي فلسطين
ألف الصلاة والسلام على حبيب الله محمد

[كيرلي]

رائعة يا ماما نبيلة ابدعتِ
بانتظار المزيد لانه احنا طماعين بمعرفة كل شئ عن بلدنا الغالي

[ندى البحار]

كيقكو حبيباتي وخصوصا ما ما نبيلة ذكرتيني بيوم عرسي أختي عملت صينية حلوة للذهب وحطت عليها صور لإلنا من يوم الخطبة طلعت بالتصوير كتير حلوة
شكرا على الموضوع الرائع وعقبال يار ب ما نفرح بندووووش

[Um Alayham]

الله يسعدك ام صائب ويهنيك على المجهود والموضوع الحلو هي زغرودة

أويها اسم الله عليك واحدة والثانية تنتين

والثالثة خرزة زرقا ترد عنك العين


وهاي للعريس

دير الميه ع السريس مبارك عرسك يا عريس

دير الميه ع الليمون مبارك عرسك يا مزيون




دير الميه ع التفاح مبارك عرسك يا فلاّح

عريسنا عنتر عبس عنتر عبس عريسنا

يا بنت يللي في السما طلي وشوفي في فعالنا


صورة عروس ببتحنا

[Um Alayham]

تذكرت
ام العريس بتساعد العروسين في تحضير بيت الزوجية من عفش
وادوات مطبخ ...............الخ
وكمان بتشتري لجدات العريس وعماته وخالاته واخواته هدايا من العريس لهم
كل عريس حسب مقدرته ممكن خواتم ذهب او قطع قماش للثياب للي بلبس ثوب او للفساتين للصبايا او عبايات اوثياب للعرس حسب المقدرة وما بتنسى ام العروس وخواتها بتوزعهم عليهم قبل العرس اخوات العريس ممكن ياخدوا فلوس يشتروا حسب ذوقهم اشياء هم بحاجة لها ملابس او ذهب
كمان بتشتري الذهب للعروس مع امها ومين بيجو معهم طبعا العروس بتكون موجودة
وبعد ان تشتري تعزمهم ام العريس على الاكل اما في بيتها وبتكون محضرة اكل
او على احد المطاعم لانهم بيتاخروا
كمان ام العريس بتحاول تجد فكرة حلوة لوضع الذهب عليها لعرضها على المدعوين
يوم العرس مرات بتكون مخدة مربعة او لعبةاو صندوق او صنية مرتبة يرتب الذهب عليها وتعمل خياطة عليه لتسطيع حمله وعرضه خلال الحفلة وترقص به هي والمقربات لها والعروس ايضا وبعد ذلك تقوم واحدة من الموجودات بفك الخياطة وتناول ام العريس الذهب قطعة قطعة والام تعطيها للعريس ليلبسها لعروسه امام
المدعوات وسط اغاني ومهاهات وزغاريد الجميع وعنا يركزو على هذا الموضوع
ليروا ماذا اشترت العروس من ذهب وهل هو قليل ام كثير
يوم الحناء تعجن الحناء تضعها في صنية مرتبة وتضع حولها الورود الجميلة والشموع وتزينها وترقص بها هي وصاحباتها وقريباتها بعد ان تشعل الشمع
يوم الفرح تحضر العجينة للعروس لتلصقها على مدخل الباب وتضع فيها مجموعة من الوردات وتخلط ماء وسكر في ابريق ليشرب منه العروسين قبل دخولهم للبيتهم
لتبقى حياتهم حلوة وسعيدة على طول

ما شاء الله عليك ماما
نورتي
والله يا عمي خبيرة
الله يفرحك بيهم كلهم عقبال سارة يارب
عارفة احنا نفس الشي تقريبا الا الحناء ما بنحبها
يعني قبل بليلة بنعمل حفلة للستات لحالهم..
والرجال كمان حفلة لحالهم..
لكن ما بنستعمل الحناء
وفي كتير ناس عنا بيحبوها..

[Um Alayham]

وهذه زغروده من السعوديه الي فلسطين
ألف الصلاة والسلام على حبيب الله محمد

نورتي حبيبتي الله يكتر من أفراحكم يا رب
بدنا الهدية وهي تعالي شوي قربي كمان عشان ما حد يسمع(شعار التميز)

[Um Alayham]

رائعة يا ماما نبيلة ابدعتِ
بانتظار المزيد لانه احنا طماعين بمعرفة كل شئ عن بلدنا الغالي

خليك متواصلة معنا حبيبتي كيرلي

[Um Alayham]

كيقكو حبيباتي وخصوصا ما ما نبيلة ذكرتيني بيوم عرسي أختي عملت صينية حلوة للذهب وحطت عليها صور لإلنا من يوم الخطبة طلعت بالتصوير كتير حلوة
شكرا على الموضوع الرائع وعقبال يار ب ما نفرح بندووووش

يا هلا بيك

[ندى ألم الصباح]

واااااااااااااااااااااااااااااااااااااو


قراته كلوووووووووووووووووووووووووو


ماشاء الله رائع موضوع كامل وحلو وعادات كتير حلووووووووة

على فكرة انا ما بفدر ازغرد سامحوني ههههههه

والله عجبني كل شي بهالعرس
ناقصه العريس والعروس بس وجمهور اللي هو انتو ههههههه
الاغاني حلوين ما بعرفهم اول مرة بسمعهم قعدت اغني فيهم


يعطيكم العافيه حبيباتي
كان ضليت بس وراي شغل
بس هرجع
سلامييييييييييييييييييييييييييييييييي

[Um Alayham]

اكيد كلكم سمعتوا النساء الفلسطينيات لما يهاهن في الافراح
خذوا هاي
اي ها وافتحوا باب الدار
اي ها وخلوا المهني يهني
اي ها انا اليوم فرحانة
اي ها والحمد لله يا ربي
وين الزغاريد



دلعونة

على دلعونا وليش دلّعتيني

لبن الفِدائي يومْ رضّعتيني

خلّيتي فراقِكْ صَعْبُ وحزينِ

سامحيني يا اُم الحُضنِ الحنونا

يا أهلي بالله ابقوا اعذورني

لحظة تفجيري غِبْتوا عَنِ ظنوني

من أرضِ الوطن ملّيتْ عيوني

وعلى سماها غِمْضِتْ الجفونا

دلعونة حزينة مش هيك!!

حفل جماعي في غزة