تويت
:: طريقتي بتنسيق الورد وبالصور المفصله << اول مشاركه عندكم بنات :: متميـــــــــــــز
بسم الله الرحمن الرحيم
اخواتي الغاليات
هذه اول مشاركه الي بهالقسم
يارب تعجبكم ..
حابه اعرض عليكم طريقة عمل بوكيه ثابت
وهالطريقه جدا رائعه
ليش ..؟
لانها تحافظ ع الورد ع الاقل اسبوعين اذا مواكثر ..
بس اهم شي انه تنسقي مي كل يومين تقريبا
حتى تحافظ ع رطوبتها وماتذبل الوردات ياوردات انتو
يالله نبدأ بسم الله
اولا نحتاج الى ::
سكين حاد يكون,
oasis <<< اسفنجه غالبا ماتكون خضراء اللون ( خاصه بالنباتات الطبيعيه)
وبنيه (خاصه بالنباتات الاصطناعيه )
تستخدم بتنسيق الورد
تتميز انها تمتص كميه جدا كبيره من المياه وتحتفظ بيها مده طويله
ودرجة حرارتها تكون بارده وبيئتها مناسبه للورد ..
تتوفر بكل محلات الورد ..
ناخذ قطعه مناسبه الحجم وننقعها بالمي البارد ونخليها تمتص براحتها
بدون الضغط عليها حتى تتشبع كل مساماتها ..
بعد ماينقع بالمي نقط اطرافه الحاده ونخليها انسيابيه ومدوره
نحتاج ايضا صحن بحجم مناسب وسليفون المنيوم
نغلف بيه الصحن مثل الصوره ..
ونحتاج طبعا ورد وغصون خضرا واوراق ( انواع والوان ع حسب الذوووق والمناسبه اكيد )
نبدأ نقص الاطراف مال الوردات والاغصان بصوره عرضيه
مثل الصوره ..
ليش ..؟
حتى تمتص كميه اكبر من المي الموجود بالاسفنجه ..
وبعدين الوردات الثانيات
ونستمر بالترتيب
حسب الي نشوفه مناسب
بس احب انوه لشغله
انه الورود الكبيره والطويله لازم تكون وسط البوكيه
وبالاطراف القصار والصغار حتى يطلع مرتب وحلو
والاوراق والغصون الخضره تكون خلف الورد كله يعني تكونلنا باك قراوند ممتاز ..
والنتيجه ..
وهنا بعد مامرت عليها شهرين
وبس
ان شاء الله عجبتكم الطريقه ..
كل الود
كمر
تعليق