₪.. الصراصير إحتلت بيتى ..؟!₪

[Pure Angel]

.
.

السلامـ عليكمـ يا احلى صبايا

بسبب بوتجاز قديم كان موجود عندى وكان الفرن بتاعه فيه بعض الصراصيرالصغيره الحجم

الصراصير احتلت بيتى .. ووصلت لحد التلاجهـ كمان ..!!

دلوقتى اتخلصت من البوتجاز ، لكن الصراصير لسه موجوده

جربت ريد والبودرة ولكن مفيش فايده !!

الله يخليكمـ تدلونى على طريقه فعاله لابداتها وطردها من بيتى ..

وجزاكم الله خيرا ..

.
.

[ميس فلة]

ان شاء الله تلاقى المساعدة

[Pure Angel]

يـــــــــــــارب

[حره فوق رأس حر]

اختى فى شركات للنطافه اتفقى معهم ويجو يرشولك البيت بالمبيد الحشرى
وراح ترتحى منهم بادن الله

[قصيمية دلع]

انا مثلك ماخليت مبيد ماجربتة ولا فية فايدة والان طلع لي حشرة ماادري وشي تطلع من الكنب وتقرص كانها قمل لكم الكرامة وش الحل فيها مابيها تحتل بيتي انا بعد

[حبيبه أمها]

انا النهارده مسكت المطبخ وغرقته بودره الصراصير وبعد التراويح دخلت المطبخ لاقيت الصراصير بتعلب وبتجرى كانها واخده منشط

اتخنقت خالص وخصوصا انها بدأت تخرج بره المطبخ

ربنا يستر

[رانسى]

وبعدين ياجماعة محدش عنده حل ، المشكلة انهم بيحبوا الدفا يعنى تلاقيهم فى الغسالة والبوتاجاز ، رشيت المطبخ عدة مرات ومفيش فايدة ، المشكلة فى الاحجام الصغيرة اللى تشبه النمل فى الحجم

[فل وياسمين]

السلام عليكم ورحمة الله وبركاته

كيف الحال ..؟؟

بما اني لي تجربه حبيت افيدك ..

الحل :

روحي لصيدليه بيطريه واطلبي منه عجينة الصراصير في علبه بلاستيكيه صغيره وبداخلها بودره بيضاء تحطين عليها

علبه زبادي وتخلطينهم في نفس الكيس وبعدين تعصرين دار ما دار المطبخ على شكل مربع خلال اسبوعين ماراح تشوفين ابن امه صرصور يوطوط في المطبخ .. هع

يارب اكون افدتك ..

ولا تحرمينا من دعواتك ..

ودي..

[Rana363]

اختى مالك الا تجيبى شركه ترش البيت .. او اذهبى لمحلات الى تبيع معدات الزراعه واشترى الدوا والماكينه وكل فتره رشى بنفسك بدل الشركه بس اهم شىء يومها تخرجى من البيت ...

[yakin]

خلاصه تجربتى
طبعا انا ساكنه فىتانى دور الصراصير بتيجى من ممر المواسير بيجو من تحت فى واحده صينيه مربياهم عندها والله جد بتأكلهم فالعماره كلها صراصير
خلاصه تجربتى جيبى المكنسه الكهربائيه وافصلى التلاجه واشفطى من وراء ناحيه المكنه براحه وبعديها رشى بودره وكذلك البوتجاز نظفيه كويس والفرن ورشيه عليه اى نوع من منظفات الصحون فيرى مثلابعد ما تخففيه طبعا والبلاعات حطى فيها كلوركس كل يوم بالليل
ان شاء الله اكون افدكم ..
والمعركه لا تخلو من الضرب بالشبشب وانصحكم لا تستعملوا بف باف او اى اسبرى لانه بيخنق وبيجيب امراض

[امال رفقي]

اختى مالك الا تجيبى شركه ترش البيت .. او اذهبى لمحلات الى تبيع معدات الزراعه واشترى الدوا والماكينه وكل فتره رشى بنفسك بدل الشركه بس اهم شىء يومها تخرجى من البيت ...

عزيزتي رنا
شركات الرش بمصر نصابين
بيرشو حاجه بتخلي الصرصار يكبر ويتغذي
فيه بودره اسمها كفروبيد رائعه
بترشيها وتقفلي المكان يوم علي الاقل
وهتشوفي النتيجه جنان

[noony suger]

اشترى من الصيدلية علبة اسمها حامض البوريك (Boric acid ) اسلقى بيضة و حبة بطاطا صغيرة اعجنيهم مع بودرة حامض البوريك جيدا و اعملى كور صغيرة طبعا البسى جوانتى و الصقى هذه الكور فى كل مكان فى المطبخ بيخطر على بالك فوق الواليب و تحتها و فوق الثلاجة و راء الغاز داخل الدواليب فى الاسقف حتى لا يراها الاطفال و انشاء الله خلال ثلاث ايام راح يختفوا

[الوردةالباسمة]

السلام عليكم اخواتى الكرام انا كان عندى نفس المشكلة وهى الصراصير وجربت معهاكل المبيدات والبودرة وكانت زى ما تكون بتغذيهم اكتر وما كانت تقضى عليهم لحد ما لقيت الحل وهو عجينة الصراصير فيليت اطلبيها بالاسم ولا ترضى بشى غيرها لان فية عجاين تانى لكن مالها لازمة فيليت عجينة جاهزة فى برطمان ولونها من الداخل بنى بتلبسى جوانتى او كيس وبتعملى منها كور صغيرة وبتلصقيها داخل الفرن ولغسالة وادراج المطبخ وفى كل حتةفى المطبخ وتنتظرى اسبوعراح تكنسى وتلمى محصول مالو زى من الصراصيروالله هذا الكلام عن تجربتى الشخصية ومعاناتى مع الصراصير لدرجة انى كنت عملالهامرتب شهرى واقص من مصروف البيت واشترىمبيدات جربو هذه العجينة السحرية ولا تنسونى من صالح دعاكم وادعو لزوجى ربنا يرجعهولى بالسلامة ويستر علية امين

[ميس فلة]

طبعا الواحد محتار فى كل الوصفات دية
فا ايه رأيكم نعمل حادى بادى واللى يطلع نجربه
لانى واثقة ان كل واحدة بتقول عن تجربة
ها هاتعملى نهين

[mror]

السلام عليم و رحمة الله و بركاته
كل عام و انتم بخير
اختى عن تجربة اشترى عجينة للصراصير اسمها rick rock
من عند اى محل للمنظفات ان شاء الله لن تجدى اى حشرة لمدة سنة
اسئلكم الدعاء