ادخلي و قولي بتعملي ايه بمصروف البيت(تبادل خبرات)

**حنونه هانم** · 15-03-2009, 02:15 PM

السلام عليكم ورحمة الله وبركاته

موضوع رائع وهايكون مفيد للكل ان شاء الله

بالنسبه لى مصروف البيت بيكون اسبوعى

بقسم كل ممبلغ فى ظرف

مثلا طلبات سوبر ماركت فى ظرف

لحمه فى ظرف وفراخ فى ظرف

لانى بشتريهم بالشهر فبحوش كل اسبوع جزء منهم

ومبلغ للتحويش فى ظرف

واخر كل شهر لو اتبقى حاجه بضيفه لمبلغ التحويش

بس كدا لو فيه اضافه هابقى ازودها

**toty73** · 15-03-2009, 02:54 PM

السلام عليكم بالنسبة لى اشترى اللحوم كلها فى الشهر اما باقى الطلبات من سوبر ماركت والخ اشتريها حسب احتياج البيت

**bero333** · 15-03-2009, 03:25 PM

المشاركة الأصلية بواسطة حنونه هانم

السلام عليكم ورحمة الله وبركاته

موضوع رائع وهايكون مفيد للكل ان شاء الله

بالنسبه لى مصروف البيت بيكون اسبوعى

بقسم كل ممبلغ فى ظرف

مثلا طلبات سوبر ماركت فى ظرف

لحمه فى ظرف وفراخ فى ظرف

لانى بشتريهم بالشهر فبحوش كل اسبوع جزء منهم

ومبلغ للتحويش فى ظرف

واخر كل شهر لو اتبقى حاجه بضيفه لمبلغ التحويش

بس كدا لو فيه اضافه هابقى ازودها

حنونة هانم
شكرا لردك و اهتمامك اولا
ثانيا طيب فين بقية الحاجات يعني المنظفات و الخضار و الفاكهة
و ايه أساليبك في التوفير و أسرارك الخاصة

المشاركة الأصلية بواسطة toty73

السلام عليكم بالنسبة لى اشترى اللحوم كلها فى الشهر اما باقى الطلبات من سوبر ماركت والخ اشتريها حسب احتياج البيت

توتي73
نورتيني ؤو لي الشرف ان يكون موضوعي اول مشاركة ليكي
بس انا عايزة من تفاصيل عشان نقدر نستفيد
ازاي بتعرفي احتياجات البيت في الشهر؟
و كده برده و مش بس اللحوم و فين باقي الحاجات
في انتظار ردك وفي انتظار ردود باقي البنات

**louloua** · 15-03-2009, 04:14 PM

أنا شخصيا بقسم المصروف على 4
كل أسبوع أشتري كل ما يلزمني فقط
و الباقي أحوشو

**ام مريم84** · 15-03-2009, 04:44 PM

احنا بنأخذ المرتب وزوجي بيطلع مصروفه لاخر الشهر والباقي بننزل السوبر ماركت كبير بنجيب اللحوم والفراخ والخضار والمسحوق والمكرونات والصابون كل حاجه تكفي لشهر
وباقي المصروف بنحوش جزء منه والباقي الحاجات اليوميه مثل الخبز يعني حاجات لازم
تشتريها طازجه وربنا بيبارك الحمد لله

**حنونه هانم** · 15-03-2009, 04:49 PM

المشاركة الأصلية بواسطة bero333

حنونة هانم
شكرا لردك و اهتمامك اولا
ثانيا طيب فين بقية الحاجات يعني المنظفات و الخضار و الفاكهة
و ايه أساليبك في التوفير و أسرارك الخاصة

فى جزء من المصروف بكون محدداه بيفضل فى المحفظه للاحتياجاتاليوميه زى الخضار او اى طلب سريع او اللبن

الفاكهه مش اختصاصى لان جوزى اللى بيشتريها

بحاول من باب التوفير اشترى الزيت بالكرتونه والمكرونه كميه بالجمله والارز شكاره

ودا هايوفر كتير
ولو افتكرت حاجه هاضيفها

**حنونه هانم** · 15-03-2009, 04:51 PM

نسيت اقولكم ان لازم جزء ولو بسيط من المصرف يكون للصدقه علشان ربنا يبارك

**bero333** · 15-03-2009, 05:04 PM

المشاركة الأصلية بواسطة حنونه هانم

نسيت اقولكم ان لازم جزء ولو بسيط من المصرف يكون للصدقه علشان ربنا يبارك

حنونة هانم جزاكي الله كل خير علي هذه الفكرة انا كنت سايبة الموضوع ده للصدفة و طبعا كتير بانسي
بس من أول الشهر الجديد هأعمل كده ان شاء الله

المشاركة الأصلية بواسطة louloua

أنا شخصيا بقسم المصروف على 4
كل أسبوع أشتري كل ما يلزمني فقط
و الباقي أحوشو

فكرة حلوة
انا جربتها مرة بس بأصرف مصروف الأسبوع و ادخل علي اللي بعده
هههههههههههههههههه
و غالبا الاقي اخر اسبوع من غير و لا مليم

**نور تقية** · 15-03-2009, 08:34 PM

انا عاملة لكل بند من المصروفات ظرف

يعنى عندك ظرف مصروف البيت

و ظرف الصدقات

و ظرف المياه و الكهربا و الغاز و البواب

و ظرف الايجار و الجمعية لمدرسة بنتى عقبال اولادكم باذن الله

دى الاظرف اللى معايا انا
=============================
ظرف التليفونات و كروت الموبايل....

و ظرف بنزين السيارة و اى طارئ فيها

دووول بقى مع زوجى لانهم مش تيعى

و كمان زوجى بياخد مصروف ليه فى محفظته

و المفروض فى ظرف للتوفير لكن الحمد لله على طول فاااااضى ههههه

===========================================

**نور تقية** · 15-03-2009, 08:43 PM

بصوا انا جربت كل انواع التوزيع لمصروف البيت اسبوعيا لاقيت نفسى بحتاس و اخد من اللى

بعده ...و حاليا و لله الحمد ماشية بالشهر

بكتب الطلبات بتاعتى اللى عاوزاها كلها وكنت بنزل اجيبها مرة واحدة لحمة و فراخ و سمك و

بقالة ....طبعا برجع البيت الاقى الظرف تقريبا فاضى المفروض ان الخزين اللى جبتيه هيكفيكى

الشهر كله يعنى الفلوس اللى هتتبقى معاكى للرفايع لبن خضار زبادى جبن ....

بس كان بيجيلى اكتئاب شديد طول ما انا حاسة ان فيه فلوس قليلة فى البيت ببقة مش

مطمنة.....فغيرت النظام بقيت بجيب الفراخ و اللحمة و السمك بالاسبوع و البقالة بالشهر

لان الفلوس بتاعتهم لما تتصرف مرة واحدة بتبقى كبيرة انما لما بجيب فرخة او كيلو لحمة و

الاقى لسة فلوس فى الظرف ببقى مرتاحة الحمد لله

**نور تقية** · 15-03-2009, 08:54 PM

دة بقى لستة الطلبات اللى تقريبا بحتاجها فى الشهر ممكن حاجة تزيد او تقل حسب الاستهلاك

زيت ...تونة....دقيق...صلصة....فانيليا و خميرة و بيكنج باودر....طحينة...شاى... نسكافيه

مكرونة ...سكر ....ارز...

================================================

شامبو ...بلسم ...معجون اسنان....مسحوق غسيل

مناديل ورق...صابون سايل و صابون للوجه....بامبرز لما بنتى كانت صغيرة

==================================================

اسبوعيا الخضار و الفاكهة و مش بكميات كبيرة لانها بتبوظ و بتترمى و كمان احنا مش بنحبها اوى فى البيت....

و كمان لبن و زبادى و الجبن برضه مش كذا صنف علشان لما تخلص و اجيب الاسبوع اللى بعده نوع جديد مزهقش منها .........

و فراخ و لحمة كل اسبوع حسب الحاجة...و طبعا مش كل يوم فراخ يا لحمة فى يومين كدة بيبقى تفاريح يعنى سندوتشات او حاجات خفيفة يعنى

================================================== ==============================

**bero333** · 15-03-2009, 09:11 PM

أختي الحبيبة نور تقية
والله استفدت كتير من تقسيمك للمصروف
خاصة موضوع تو الجبن اللي مش بكميات كبيرة عشان مت نزهقش منها
وانا برده لما بالاقي فلوس قليلة بابقي عندي اكتئاب طول الشهر
بس المشكلة لما الفلوس بتفضل بيطلع لها ميت حاجة
هههههههههههههه
شكرا ليكي اختي و لو لفتكرتي حاجة تانية من اسرار التوفير قولي عليها

**bero333** · 16-03-2009, 12:33 PM

ايه يا بنات انتم فين
ليه مفيش ردود او حتي تعليقات
ياللا قولوا تجاربكم و اختسبي الأجر ممن تستفيد

**هللو** · 17-03-2009, 03:48 AM

انا اشتري جميع الاغراض في بداية الشهرالا الخضار والفواكه احبها تكون فريش تقريبا اشتريها4\3مرات بالشهر
وانا مااعرف اوفر ولا افكر اوفر لان مهمة التوفير لزوجي وحتى لا اقصر على البيت