افــــكار لمغــــاسل الضيوف !!!! الدعوة عامة للجميع

[شمالية غربية]

بنات ابي كل وحده منكم تقول لنا افكار نفذتها لمغاسل الضيوف وكانت مميزة ..
انا راح ابدأ واقولكم ايش سويت :

جبت سلة صغيرة لون فضي , وحطيت فيها اربع نبتات صغيرة من الصبار اللي يكون اعلاه ورد...لكن اشكال احلى من اللي في الصورة:

---

------
وبعدين وزعت في السلة حقته صابون على شكل نجمة البحر ..
وشريت دهن اسمه روعه من الشركة العربية للعود..علبته فضي وشكلها فخم ..

شكل تقريبي للزجاجة ..يعني من هالنوعية:

وشريت نجوم لون فضي وذهبي على لمعة (هي في الاساس توضع في البانيو وتذوب مع الموية وفيه زيت عطري يعني ) شكلها روعه روعه ..شريتها من محل نمارق في العروبة بلازا..
المهم نثرتها حول زجاجة الدهن ..
وجبت زجاجة الدهن اللي يجي شكلها فخم وتكون فاضية وانتي تعبينها دهن ..اكيد عرفتوها ..تباع عند محلات العود والخور ..المهم عبيتها لوشن معطر من عند الشركة العربية للعود ..وحطيت كأس شمع (يتكون من لونين الاسفل لون لحمي واللي فوق لون عودي ) من هوم سنتر ..ونثرت حولهم قلوب لونها لؤلؤي ...(برضوا مخصصة للبانيو وفيها زيت عطر ) ..يعني اذا الموية جتها راحت فيها
وفيه مثل قطعة قماش على شكل شنطة الاسفل لونها لحمي والاعلى شيفون ابيض علشان يبان الورد المجفف ..وحطيتها جنب المغسلة ..
عاد تخيلوا انتم الشكل النهائي ..

-------


<<<<<<<<<<<<
انتظر مشاركتكم اخواتي ..

[نورلينة]

موضوعك حلو ومغري للمشاركة
لحظة شوي بس وراجعه اقولك
سلام

[نورلينة]

هذا انا رجعت ياشمولة
انا عندي تجربتين الاولى لمغاسل الرجال والثانية لمغاسل النساء

مغاسل الرجال حطيت في الزاوية اصيص كبير لورد تباع الشمس صناعي طبعا وعلى المغاسل جبت زجاجات وحطيت فيها تربة ونبات الصبار باشكال مختلفة مزينه بالشرائط
جبت علبه صابون سايل لونين اخضر واصفر وبعد كم يوم انفصل اللونين عن بعض وصاروا طبقتين
المرايا كانت عادية بعدين ركبت لها اطار خشبي بنفس لون الخزانات
طبعا الدواسات والمناشف لازم لونها يكون مناسب

هذي مغاسل الرجال
اما مغاسل النساء ......تعالي شوفي ايش سويت فيها










اول شي مليت من لون ديكور المغاسل وحبيت اغيره بسسسسس كييييييييف .......كيييييييييييف بس لقيتها

جبت بخاخ لونه موف فااااااتح وبخيته بحذر شدييييييييد حتى مايتكتل اللون ويصير في جهه اغمق من الثانيه واطارات الخزانه لونتها بنفسج اغمق شوي
وحول المغاسل نفسها جبت نموذج ورده استنسل ولونتها حوليها مثل العقد مزجت الوان مناسبة موف مع بنفسج مع وردي طلع لون حلو عاد انا اخترت هذا اللون لاني احس انه لون حريمي خاالص

بعدين جبت علب زجاجية مجتلفة الاحجام وحطيت فيها زيت جونسون لاطفال الى منتصفه وداخلها ورد مجفف واصداف ومزينه بالشرايط والورد هذاعلى الزاويه وهذي لها قاعدة خشبية مرتبه عليها

وفي المنتصف بين الغسالتين حطيت مزهرية شفافة رفيعه شوي وفيها ورد بنفسج بس لازم المزهرية اللي على المغاسل يكون الورد قليل يعني كفاية ثلاث وردات

وفيه سله صغيرة بطنتها بقماش ساتان بنفسج و حطيت فيها الكوب الخاص بفرش الاسنان وعلبة الصابون الخاصة فيني

اما صابون الضيوف تحت في ادراج الخزانه اذا جاني ضيوف طلعته لهم

اما المرايه اول شي زينتها بعجينه الورق بس ماعجبتني بعدين حطيت بدالها اصداف لونتها ولصقتها والفراغات اللي بينها حطيت فيها لولو موف


هاه ايش رايكم

سلام

[- asma -]

هلا شمول كيف الأحوال


في بيتنا احنا عاملين جو استوائي...............كيف

اولا: جبنا أخشاب البامبو وهي طويلة وشويناها على النار وقسمناها نصفين من الطول طبعا..

رجعنا البيت لأن هذي الأغراض ماما جايبتها من ماليزيا

المهم.........

خلينا ارضية الجدار لون سماوي فاتح وعليه رسومات الغيوم بعدين ثبتنا البامبو على الجدار داير ما يدور وكنا عاملين فراغات صغيرة بحيث تظهر كأنها عبارة عن بيوت ساحلية والمغسلة كان لونها ترابي بعدين جبنا سلة من الخسف وحطينا فيها مناشف اليد وسلة مسطة للصابون اللي يجيك على أشكال بحرية والمراية كانت سادة بس محوطة بخشب من إيكيا ماليزيا وما أعرف إن كان موجود فيالسعودية وأخدنا شبك صيد صغير وخليناه مكمكم على المراية بحيث ينزل على المراية من جنب واحد فقط وعلى الشبك أصداف صغيرة مررررررة

عندنا كمان ضغاط الصابون السائل لونته باللون الترابي عشان يناسب المغسلة كمان جهاز تجفيف اليد عملت فيه نفس الشيء

اما الدعاسات فكانت من الخسف طبعا

صراحة هو بدون مبالغة يخليك تحسي بالأجواء البحرية......... وهذا حمام الحريم وانت بكرامة

[*كـراميل*]

سلام عليكم

اخباركم حبيت اشاركم بفكره

اولا نجيب قارب او سفينه مجسم طبعا ومصغر بس يكون شكله تراثى وعلى سطحه مساحه

نحطه على زاويه وحوالينه نوزع رمل ابيض

ونوزع صوابين على شكل اصداف على الرمل او حتى اصداف عاديه

وفوق المركب نحط الصابون ونجوم وحركات خفيفه

اخيرا نشترى لوحه لمنظر بحر حلوه ونحطها خلف المجسم حتى يعطينا شكل طبيعي

شو رايكم

[شمالية غربية]

افكاااااااااااااااااااااااااااااااااااار ولا أروع ماشاء الله , انا لو عندي مساحة كافية كنت ابدعت اكثر

ولطشت من افكاركم لكن , للاسف الجزء الخاص بالمغاسل صغير ...يادوب قدرت اسوي

الديكور اللي ذكرته .

[آذان الفجر]

ألحقوني يبي يغمى علي ..

وش وش وش هذاء كله
صراحة شمولة فتحتي موضوع كنت دايم اتمناه وحصل الحمدلله
بعدين يا أبنة الرجل أبوس راسك صوري دورية المياة وأعرضيها (تكفين)
وكلكم أخواتي أفكاركم روعة
أما أنا احم احم احم
حمام الرجال يمكن على ما أعتقد متر في متر فكرت















شريت ورق لاصق مثل تجليدة الكتب بس عرضة يمكن 15 سم ما اعرف اسمة علية صور أسماك وصدف ونجوم البحر وموج وكان لونة الغالب كحلي وبرتقالي
جلدت الجدار من أعلى وأوسط ثم قصصت الموج والسمك(طبعاً طامسة وجة السمك رضى ربي فوق كل شيء-بس ما أثر على الشكل الحمدلله-) ولصقت الموج على الأفياش وعلية القواقع ونجم البحر وحتى السيفون طلع خيال يوم وزعت السمك و الموج علية من أعلى لأسفل وعلى الشباك ثم خرجت للمغسلة ولصقت الموج اللي قصصتة دار مادار على المراية وعليها الأصداف والنجوم
حتى سلة النفايات أعزكم الله طقمتها معهم
ووضعت دولاب زاوية صغير في زاوية الحمام وفي أعلاة سفينة كحلية مجسم وأسفلة زبالة على شكل سمكة كحلية وفي الوسط الصابون وتوابعة
ومازلت أريد أكمال التطقيم بالعلب وناوية أنشاء الله أشتري لوحة بحرية وأعلقها في الحمام
والدواسات حقت المغاسل كحلية على شكل أقدام
صراحة صار بدل أنة ضيق صار تحفة والحمدلله
والله يرزقنا بيت ملك... اللهم آمين

[ran-2000]

موضوع رااااااااااااائع يا شمالية وأفكار أروع منك ومن البنات ما شاء الله ..
بالنسبة لي أنا بطبعي ما أحب الزحمة ........... يعجبني الديكور البسيط والراقي في نفس الوقت ..

مغسلة مجلس الرجال ..
اشتريت قارورات زجاجية مقسمة لقسمين وحطيت في كل جزء منها سائل ملون وحطيتها في احدى زوايا المغسلة ..
الزاوية الثانية من المغسلة حطيت فيها سلة قش تراثية من الا يسووها عندنا النساء في الخليج وحطيت فيها زهور مجففة عطرية ..
على رف مرآة المغسلة اشترين ثلاثة أنواع من أصيص الزهور الصغيرة جداااااا وفيها زهور ( من ايكيا ) وصفيتهم بشكل مرتب ..
طبعاً إضافة لعلبة الصابون وعلاقات المناشف ولكلينكس ..

مغسلة مجلس النساء ..

اشتريت فازة من سيتي بلازا ومجموعة زهور منفردة ومختلفة ورحت لمحل الزهور ينسقهم لي طلع شكل الزهرية روووووووووعة وحطيتها في زاوية من زواية المغسلة ..

الزاوية الثانية اشتريت سلة مستطيلة من القش وحطيت فيها صابون الأيدى وكأس به فرش الشعر ومعطر للجو وزجاجة طويلة بها سائل وردي ولوشن وكريم الأيدي ..

وسلالالالالالالالالالالالالامتكم ..

[الـرايقة]

ماشاء الله تبارك الله

فيه بعض الأفكار مفكرة فيها ، بشبكة الصيد ، والقواقع ، والرمل ....

لكن مابعد جاء وقت التنفيذ ...

أبرجع لكم مرة ثانية ، جيت أحجز مكان .....

لا أحد يجي في مكاان ====>> أذكركم بأيام الإبتدائي

[ام يوسف]

وينك من زمان يالرايقه؟؟
يعنى ما طلعوك الا مغاسل شمووووله

[شمالية غربية]

ماشاء الله وش هالزين كله ..

افكاركم الرائعة حفظتها في المفضلة ..قصدي الموضوع

مادام هالابداع عندكم الله يحفظكم اجل ابي اشوف الركن هذا مدهر بمشاركاتكم القيمة

ام يوسف

الرايقة .....لييييييييييييه ماشاركتم

هيييييييييين انتظركم ..لازم الكل يشارك علشان نستفيد لو بفكرة بسيطة

[الـرايقة]

أم يوسف هلا ومرحبا فيك

صادقة والله ماطلعني إلا مغاسل شمولة

*******

شمالية غربية

ومن قال إنا ماراح نشارك ، لكن أم يوسف الله يرزقها بالذرية الصالحة

مطيعة وتسمع الكلام ، كانت ماسكة مكاني عشان ما أحد يأخذه

مغاسل الحمامات ( أعزكم الله ) مثلي مغاسل شمولة...

أسمحيلي شموله أتسلف الصورة منك ،وأردها بعدين
لكن المغسلة في الوسط تماماً
حمام الرجال: لونه خريفي (( على برتقالي شوي ))
رحت لمحلات (( كل شيء بـ 2 ريال )) الله يديم الرخص يابنات
وجمعت من عنده ، لوحات ضغيرة فيها مناظر طبيعية ، ورد مجفف ، شموع
وقتها الحمد الله ، وفقت بتشكيلة رائعة ماتتخيلونها أبد
وأخترت لونها (( أخضر)) ساطع شووي إن شاء الله فهمتو علي
ونسقتها بشكل حلو ،واللوحات بعد ،ولا تنسون المفارش نفس الشيء
صحيح هو بسيط عادي ـ لكن الحكمة بإختيار لون معاكس للحمام

أما حمام النساء : أزرق و أخضر ..... الغالب الأخضر
دخلت الأزرق في كل شيء ، هنا المساحة تساعد في إضافة قوارير عطور

وزيوت عطرية ، وسلال للفوط ، وشموع بأحجام مختلفة ، ونباتات خضراء

وأهم شيء بالموضوع كله .......

الأباجورة ... كانت عادية (( لونها أبيض )) أخذت الورد المجفف وثبته عليها

بصراحة طلع شكلها حلو مرة ، وإلا إضائتها أحلى وأحلى

على فكرة عندي أفكار بعد ، لكن خلوني أطبقها وأقولكم

[ديـــم]

واااااااااااااااااااااااااااااااااااااااااااااااو


كل فكرة تقول للثانيه قومي وانا اجلس مكانك من حلاتهم ماشاء الله عليكم .........

ماراح اخليكم بجمع افكاري واجيكم ركض

[ام يوسف]

شموله:
انا عندى حمام ضيوف
بس ما عندى ضيووووووف
علشان كذه الحمام مسكر حتى النور خربا ولا ناويه اصلحه
خلينى احط ابداعى بالبيت الجديد..
ادعولى اخلص لانى باديه بالارضيات

[السلفية]

ما شاء الله تبارك الرحمن .. أفكار روووووووووعه ..
الله يحفظكم يا مبدعات لكِ