مساعدة فى شراء اجهزة كهربائية

[m_hala]

بسم الله الرحمن الرحيم

انا نازلة ان شاء الله اجيب الاجهزة الكهربائية بتاعت جوازى
غسالة اتوماتيك وغسالة اطباق وتلاجة وبوتجاز وفريزر فكنت عايزة احسن حاجة اية فى السوق المصرى واسعارهم حلوة يعنى مش هجيب التلاجة ام بابين فياريت تفيدونى من خبراتكم افضل انواع اية وكمان عايزة اسال على افضل سخان شاى كهربائى

[نور القلوب1]

الف الف مبروك
بصى يا ستى الاجهزة بتاعتى
غسالة اكواتك ايديال زانوسى بس سمعت من ناس كتير ان الفوق اتوماتك من
توشيبا هايلة والتلاجة كريازى نو فروست ممتازة بجد والبوتاجاز كمان كريازى تحفة
والفود بروسيسور براون بالنسبة للسخان انا مش فاكرة نوعه بس المهم تجيبى الاستانلس
والف مبروووووك وربنا يتملك على خير

[farah111]

الف مبروك .. ربنا يتمم بخير

غسلة الملابس و الاطباق وييربول

والثلاجة وايت وستنجهاوس

واحس غلاية شاى طبعا براون بلا منازع

[m_hala]

الله يبارك فيكم نور وفرح وربنا يخليكم وشكرا على ردكم وانا بفكر فعلا فى حاجات من اللى قولتم عليهم وشكرا تانى على ردكم

[noana]

اولا الف مبروك مقدما00 ثانيا 000 انا سامعه ان ثلاجات توشيبا افضل الثلاجات المنتجه فى مصر الان بس نصيحه حاولى تدورى على نوع لا تكون اللارفف بتاعته بلاستيك الى طالعه جديد لان بأذن الله عندما يرزقكك الله بالاطفال هاتكون مش عمليه
اما البوتجاز فاعتقد انه فى المصرى كريازى الافضل حاليا اما المستورد فهو جليم جاز لا يعلى عليه
اما الغساله الملابس زانوسى العبد افضل من اييديال و الاطباق بالنسبه لى عندى بوش و يقال ان ايديال ممتازة و تقريبا بنفس السعر و الاقل بتكون فريش و صحباتى مجربينها من زمان و شكروا فيها
و ربنا يتمملك على خير

[دور1]

بصي يا ستي

أنا عندي ثلاجة وايت ويل دي بقى ممتازة و الله ماشاء الله تبريد ممتاز و الخضار ممكن تقعد عندي في الثلاجة

بالشهر و ما يجراش لها حاجة ابدا

و غسالتي الاوتوماتيك بردو وايت ويل و بردو و الله مريحة حتى سهلة جدا في استخدامها و الهاف بردو

وايت ويل الظاهر ان الغسالى دي لازقة معايا

و بالنسبة لغسالة الاطباق فانا حاليا ما عنديش بس شفت ناس كتير من أصحابنا بيشكروا قوي

في الفريش و نصيحة هاتي الحجم الصغير عشان تعرفي تشغليها كل يوم حتى لو كان عندك عزومة

و كان عندك أطباق كتير ممكن تغسليهم على دفعات لكن الكبيرة بتخليكي تركني الاطباق

و فية ميزة كمان للفريش ان فيها برنامج لغسل و تعقيم الخضار و دة بردو كويس اوي

بالنسبة لسخاني ابوللو لو عاوزة الكهرباء ممتاز اما الغاز فماما عندها اولمبيك اليكتريك بردو حلو

بالنسبة للبوتجازات بقى يا جميل لو ها تجيبي مصري انصحك بواحد من 3 كريازي بس هاتي الموديل

القديم قولي للبياع كدة عشان دة صاجة أمتن و أحسن كتير من الجديد او تكنو جاز لانهم فعلا طوروا

منتجاتهم جدا و ها تلاقية ممتاز و يونيفيرسال و دة الوحيد فيهم اللي الشواية بتشتغل مع الفرن

في تفس الوقت و الباب مقفول حلو بردو و الناس بتشكر فية

اما لو ها تجيبي مستورد فأن ارشح لك بوتجاز جراند شيف من وايت ويل و دة صتاعة أيطالي

و ها تلاقي فية نظام الامان التام اللي هي لو الغاز اتسرب في اي وقت البوتجاز بيمنع التسرب

و عند نوع حلو بردو منزلاة توشيبا العربي و طبعا كلنا عارفين حجات توشيبا أسمة

لاجرمانيا بس تحفة و طبعا الجليم جاز محدش يختلف علية دة برة المنافسة اصلا

و يا رب اكون أفادتك

[دور1]

اة معليش انا نسيت اقول لك الف الف الف مبروك

و مستنية العزومة على الفرح ههههههههه

[FOFFA]

أولا ألف مبروك
ثانيا ماتغلطيش غلطتي..أول لما اتجوزنا جبنا كل حاجة صغيرة
بعد 5 سنين غيرنا كل ده لمقاسات وأحجام أكبر
أهم حاجة في البوتجاز إن الفرن يكون كبير علشان ياخد أكتر من صينية
والغسالة تكون 10 كيلو أو أكتر
والتلاجة 20 قدم أو أكبر
علشان دي حاجات حتعيش معاكي العمر كله

[m_hala]

noana دور1 foffa
الله يبارك فيكم و انا متشكرة اوى على اهتمامكم وردكم على انا هنزل ان شاء الله اشترى النهاردة وباذن الله استفيد من ارائكم وان كنت لسة محتارة اجيب غسالة اطباق صغيرة ولا كبيرة بس باذن الله خير شكرا لكم