طلب من السكندريات

[mersa]

طلب من اخواتى السكندريات
ارجوكمالى تعرف مكان كويس بيعلم الخياطة والتطريز
ياريت تقولى
بس المهم انه يكون مكلن كويس ومحترم ومفهوش رجاله
يعنى الى تعلم تكون سيده
من فضلكم الى تعرف مكان تقولى
رجاء رجاء رجاء
وشكرا ليكم

[farawlla07]

اهلاا بيكي انا اسكندرنيه لو تعرفي شارع نقابه الاطباء الي ف سموحه ف هناك مركز لتعليم الخياطه والتطريز ومفهوش غير سيدات
بس انتي ساكنه فين؟

[omnourbadr]

فى ايضا فى نادى المهندسين على البحر سيده تعلم واهلا بيكى اختى

[نور الصباح83]

أهلا بيكي يا mersa في الأسر المنتجة فيها دورات كويسة.

[reham2008]

بجد انا اول مره اعرف ان في مشغل يدوي في نادي المهندسين علي البحر مع اني بقالي 4 سنين بروح هناك لاني في تجاره انجلش سابا باشا شكرا ليكي

[mersa]

انا شكركم كلكم

[شط اسكندرية]

حبيبتى فى دورة انا اخدتها فى اتيلية اسمة فريد فى الشاطبى عند مبنى الجامعة محترم وكلة بنات فى دورات خياطة وتطريز وستاير

[بيضه]

كمان فى مدارس الريفيرا فى محطه الرمل بتتعلمى فى 7شهور وبتاخدى شهادات وفيها امتحانات كمان ربنا يوفقك

[منال 2007]

أهلا بيكى وفيه مركز الاسر المنتجة فى محرم بيك (( الرصافة )) فيه كورسات لكل حاجى الاكل والكروشية والتريكو والخياطة كمان أى حاجة وكله سيدات مفهويش رجالة خالص وتحددى المعاد اللى يناسبك أنتى ..

ربنا يوفقك ..............