حلقات لتعليم فن السيراميك ..!

**فروحة الدلوعة** · 01-08-2002, 10:41 AM

تعالي ياالدبه0000 كيف تقولين غصب 0000غصب والا مو غصب راح تعلميني تبين والا ماتبين 000ههههههههههههههه
المهم مشكوررررررررررررررررررة ويعطيك الله ألف عافية 0000
ويالله تردين لنا بالسلامة0000يادبة موتنسين هديتي ههههههههههههههه

**المتسرعه** · 01-08-2002, 03:48 PM

هذا تشويق ولا مدب من مدباتك

**شمعة** · 02-08-2002, 12:10 PM

موضوع جميل اخت زوزو اكملي ترانا احنا مو مصدقين انك راح تتركين الاشراف قولي واعترفي أكيد ما تبين تكملين الحلقات صح ولا لا

**زوزو** · 02-08-2002, 10:51 PM

بسم الله الرحمن الرحيم
الله يسامحكِ يا شمعه ويا المتسرعه ..!!
هالحين من كنت عندكم عرفتوني كذابه ..!!!
الله يسامحكم ..
عن صدق الله يسامحكم ..
لكن علشان أثبت لكم إني ما أتهرب من هالموضوع راح أكمله قبل لا أنهي خدماتي ..!
لأني منيب عاجزه عن موضوع مثل هذا .....!!
ولكم تحياتي .

**زوزو** · 02-08-2002, 11:59 PM

...!

بسم الله الرحمن الرحيم
معلش أخواتي راح أعطي المعلومات بشكل سريع جداً ..و أتمنى إنكم تفهمون عليّ إن شاء الله ..
أخواتي الصور إللي مضت هي لبعض الأدوات إللي تستخدم لتقطيع وتشكيل العجين ...
المهم هالحين بعد ما عملتوا العجين ..
هنا يعتمد على الشكل إللي راح تسوونه ..
يعني لو بتسوين ورده مثلاًُ .. فيه ثلاث طرق معروفه .. الأولى ..
شوفي هالصور هي نفس الشيء تقريباً ..
فمثلاً .. أول شيء تفردين العجين و بعدين تقطعين أوراق الورده لكل ورده تقريباً مش أكثر من 10 أوراق أو حسب حجم الورده إللي تبينها لو صغيرة تكون خمس ورقات لو كبيرة تكون أكثر من كذا ...
و طريقتها مثل طريقة (( عمل الورده من أغطية علب المياه )) إرجعوا لهذا الموضوع في هذا الرابط راح تكون الطريقة تقريباً نفس الشيء ...
لكن في علب المياه كل أربع ورقات مع بعض هنا لا .. كل ورقة لحالها .. !!!

http://lakii.com/vb/showthread.php?threadid=9705

المهم وهذه صور توضح الطريقة بعد بشكل أحلى ..!!!

المهم شوفوا هنا اللزقة الخضرا ... هذه علشان تغلفين الساق ... في السيراميك طبعاً ..
فإنتي وشو تسوين .. بعد ما شكلتي الورده .. خليها تنشف و تيبس حوالي أفضل الأوقات تخلينها يومين إلى ثلاثة أيام ... وهي أفضل علشان تضمنين إنها يبست عدل ...
و نسيت أقول قبل لا تحطينها علشان تيسب من منتصف الورده إغرسي الحديده الخاصه بعمل سيقان الورود الصناعيه تلاقينه عن المكتبات ..
و إغرسيه عدل علشان يكون في المنتصف فتحه ..
علشان بعد ما تيبس الورده .. و تلونينها بالألوان الخاصه بالسيراميك .. تلاقينها في المكتبات بعد .. تدخلين هالحديده في المنتصف (( يعني المكان إللي سويتي لها فتحه ..)) و قبل لا توصلين لآخر السلك الحديد .. حطي خرزه وحده صغيرة و ثبتيها عدل في السلك علشان لما تحطين السلك ما يطلع من الصوب الثاني .. لكن راعي هنا إن السلك يكون من النوع القوي لأن الورده بتكون ثقيله لأنها سيراميك .. أما لو ما كنتِ تبغين لها سيقان .. يكفي إنكِ تسوين ديكور خاص بفنكِ إنتِ .. يعني الطريقة إللي تبينها ..
و بعدين شوفي الورقة الخضرا الصغيره هنا في الصورة ..
هذه نقطعها بإستخدام القطاعه الخاصه و ممكن تستخدمين القطاعات الخاصه بالبسكويت أو الكيك .. تصلح ..!!

وشوفوا هنا الطريقة النهائيه للورده ..

شوفوا السله إللي فيها الورده هذه ممكن تسوونها لو ما بغيتي للورده سيقان .. و غالباً تنفع ورود السيراميك إنكِ تعملي فيها زي كذا .. يعني تصلح للسلال .. أكثر أو لعمل ديكور من الصحن المزين ..أو برواز ..

المهم هذه طريقة لكن بإستخدام اليد ..
و فيه طريقه بإستخدام القوالب ..
وهذه القوالب تلاقينها في المكتبات بعد فيه كثير منها ..
كل ما عليكِ إنكِ تفردين العجين بالسمكِ إللي تبينه .. وراعي هنا إن السمك يكون متين علشان لما تضغطي على غطاء القالب ما يقطع العجين ..
و تفردي العجين على قاعدة القالب .. و بالغطاء تبع القالب تضغطي بخفة .. سمعي بخفه .. بس علشان العجين ياخذ التعرجات تبع الورده .. أو الورقه ... و قصي الأطراف الزائده .. و بعدين تركيه علشان ييبس لأنكِ لو شليتيه من القالب ..و تركتيه ينشف لحاله ماراح ياخذ الشكل عدل .. عكس لو خليتيه .. في القالب نفسه و ييبس في القالب ..
و بنفس الطريقة.. بعد ما ييبس لونيه ..و سوي الشكل أو الديكور إللي تبينه ..!!!
هذا لو تبين تسوين ورده في طريقة ثانيه بس هي للمحترفين و شرحها يحتاج شوي وقت وبصراحه عاد تدرون وقتي مهوب لي ..!!
وفيه طريقه هي الطريقه العشوائيه وهي أسهل الطرق .. بس الشرط إنه لكل ورده لها خمس ورقات .. تقطعين العجين على شكل ورقة الورده إللي إبتكرتيها و تقطعين خمسه منها ..و تتركينها تنشف ..و بعدين تلونينها ...و بعدين تنشف مره ثانيه ..
ثم عليكِ إنكِ توصلين هالخمس ورقات مع بعض ... بصمغ قوي ... و تخلينها كأني ورده حقيقية ..
و تسوين لها شويه أوراق خضرا .. وعاد بكيفكِ .. لو تبين لها ساق أو تخلينها على سله أو صحن أو عاد بكيفك ِ...!؟
أما لو بتسوين شكل غير الورده فهذا يعتمد على الشكل نفسه ..
وإذا كان عندكِ قالب للشكل إللي تبين تسوينه أو لا ..!؟؟؟
أو إذا كنتِ تبين تسوين بعض التحف بعد لازم يكون عندكِ الشكل إللي قررتي تسوينه .. يعني شوفوا الأهم في السيراميك إنه عندكِ تصور للشيء إللي تبين تسوينه ..أو الأفضل صورة للشكل أو الشكل نفسه لكن تعملي منه عدة أشكال ..
و ممكن بعد تسوين زي الديكور على شكل جاهز عندكِ .. يعني تجيبين مثلاً أي شكل تبينه نقول كاس أو صحن أو علبه أياً كان...
و تفردين العجين بشكل ضعيف لكن مهوب مره .. لا ! شوية تخلين العجينه ضعيفه ..
و يكون عندكِ قبل كل شيء تصور للي تبين تسوينه على هالشيء إللي عندكِ .. فمثلاً لو عندكِ إبريق ما يصلح يقدم فيه أو شكله ساده أو الطقم حقه إنكسر لا ترمينه .. جيبيه .. و حطي عليه العجين من الأسفل لين منتصف الإبريق .. و بعدين جلسي سوي الشكل إلي تبينه فوقه يعني قصي العجين بحسب الديكور إللي تبينه .. أو لو ما عرفتي كذا .. جيبي رسمه تبينها تكون على الإبريق أو أياً كان و تبين هالرسمه تكون شوي ظاهره بارزه شوي .. خوذي هالرسمه و حددي الأطراف على العجين ثم قطعي حدود الرسمه هذه و بعدين لصقيها على الإبريق مثلاً .. بالصمغ القوي قبل لا تنشف ... و بعدين عاد بيسهل عليكِ ..تمسكين الإبريق و قعدي سوي التعرجات حقت الرسمه .. و ما إليها .. و تركيها تنشف ثم لونيها و خليها تنشف ثاني وبعدين حطي عليها ورنيش (( اللماع الأبيض )) و شوفي كيف شكلها راح يكون .. (( هذه هي أكثر إستخداماتي للسيراميك .. )) لانها لا تاخذ وقت ولا تحتاج فن و تفكير كثيير ..!
أو ممكن تسوين في السيراميك بعض الورود الصغيره و تلصقينها على بطاقة ..
كل هاذول راح أوريكم أشكالها بس صبروا ..
أو تسوين بعض الديكورات الصغيرة لغرفتكِ أو غرفة الأطفال ..
وترا كلها بنفس الطريقة .. تفردين العجين و تقطعينها على نفس الشكل إللي تبينه .. و تتركينه ينشف ..و تلونينه .. و ينشف ثاني ..و لو كانت القطعه أكثر من وحده تلصقين القطع مع بعض بالصمغ القوي ..و بس ..
لكن راعوا إنه لو سويتي شيء لازم تكون فيه فتحه علشان تحطين فيه سلسال أو حبل أو شريطه أو حلقة .. لازم تسوين فتحه لهم قبل لا ينشف العجين .. وإلا ماراح تقدرين تسوين لهم فتحات بعد ما تنشف ..!!!
و بعد لاحظي إنه عملكِ لو كان يحتوي على سيراميك يكون مره ضعيف مره سميك .. مره كذا مره كذا .. يعني راح يبان حلو ..و جميل ..!!
و ممكن تسوين بعض ألعاب الأطفال ...و تعملين بالقلم الرصاص ..بعض النقاط الكثيرة في كل اللعبه علشان تعطي إيحاء بأنها لابسه بعد التلوين ..!!

أو تعملين العجين وتفردينه بالسمك إللي تبينه و بعدين تجيبي علبه لها طريقة معينه يعني شكلها غريب .. تقومي تغلفين هالعلبه بالعجين ثم تقطعي الأطراف و تقلبي العلبه بعد ما تلفينها بقماش خفيف .. وتتركيها تنشف علشان مع عملية النشف للعجين تبتعد العجينه عن العلبه فلما تلفينها بقماش راح تمسك بالعلبه .. نسيت ..قبل لا تغلفين العلبه رشي عليها شوية بودره علشان تقدرين تشيلين العجين بعد ما ينشف ..
وراعي إختيار علبه لها فتحه واسعه من الأعلى علشان لما تشيلين العجين ما تلاقين صعوبه ..!

هذا تقريباً طريقة العمل .. العمل بسيط جداً مع السيراميك إلا عاد إذا كنتِ تبين تسوين سيراميك للبيت ..

هذا يا عمري .. روحي عند محلات السيراميك أبرك لكِ ..!!

راح أرفق الصور لكن بعد شوي إن شاء الله .. لكن كبدايه .. هذه صورة لورده بالسيراميك .. لهاساق ..!!!
معلش والله سامحوني كنت أبغي أعطيكم الدرس وحده وحده و بشكل مفصل أكثر لكن والله إني مشغوله ..
سامحوني .. وتقبلوا مني هالقليل ..!!
ولكم تحياتي .

الملفات المرفقة

**زوزو** · 03-08-2002, 02:07 AM

..!

بسم الله الرحمن الرحيم
شوفوا هذا الشكل جميل جداً ... بس لو إنه من دون هالمجسّم ..
و لاحظوا إنه السلك إللي مثبت عليه الأوراق سلك متين ..!!
لكن هنا إستخدموا الصبغ البخاخ في تلوين السلك .. بدل اللزقات الخاصه بالأوراق الخضراء ..
ولكم تحياتي .

الملفات المرفقة