تويت
ميرسي جدااااااااااااااااااا
ع الافادة العامة يا دعوة ألف شكرررررر
انا براجع معاكي هههههههههه
ع الافادة العامة يا دعوة ألف شكرررررر
انا براجع معاكي هههههههههه
-
-
الدروس ابتدت
معلش ياجماعه بس فيه مشكله عندي في تحميل الصورالتعديل الأخير تم بواسطة دعوة للتفاؤل; 03-04-2007, 10:56 PM.]
تعليق
-
أزيك يا دودي وأزيكم كلكم يا أخواتي
أنا متابعة معاكي وأول مكان بأدخله أو ما بأدخل على النت هو ملف اللاسيه ربنا يكرمك ويعطيكي الصحة والعافية أنتي وكل إخوتي وأخواتي في الله وجعل الله كل اللي أنتي بتقدميه في ميزان حسناتك آمين آمين آمينتعليق
-
هو ممكن أعرف إيه الفرق بين اللاسيه الروماني والكروشيه الأيرلندي وهل هناك أنواع لاسيه أخرى . أفيدوني أفادكم اللهتعليق
-
أم مريومي
بصراحه موضوع الكروشيه الايرلندي والاسيه الروماني مش شايفه فرق بينه
يمكن حد يفيدنا اكتر]تعليق
-
فينك ياأستاذتي ومعلمتي الجميلة دعوة للتفاؤل خير إن شاء الله ،أنا دخلت كذا مرة النهارده وما شفتكيش .تعليق
-
ربنا يخليكي يا ام مريومي
موقع التحميل بتاع المنتدي مؤقف
وانا مش عايزه احمل علي صوره موقع تاني علشان الصور مش تقع بعد فتره
ادربم علي الشغل اللي نزلته علي ما اكمل باقي الغرز]تعليق
-
الدروس جت
السلام عليكم ورحمه الله وبركاته
الحمد لله مركز التحميل اشتغل
نكمل باقي الغرز يا جماعه
دلوقتي هنشرح غرزه سهله جدا
غرزه السداسيه(عش النحل)
* نبتدي من أول نقطة في شريط اللاسيه اللي في قاعدة الورقة أو الوردة اللي بنشتغلها ( بنشتغل من الداخل للخارج )
نشوف صور ننوش
وهنعمل قوس متوسط الأرتفاع بخيط فردى وعقدة في نهاية القوس دة لتثبيته في شريط اللاسيه علشان يفضل بنفس أرتفاعه
* هنشتغل السطر كله أقواس وبجانب كل قوس عقدة من الجنبين عند قاعدة كل قوس
* من أخر نقطة في السطر الأول هنمرر الأبرة خلال شريط اللاسيه ونرتفع حوالي نص سم علشان تكون بداية للسطر التاني
هنشتغل بداية السطر بعمل قوس زي اللي في السطر الأول وهتكون نقطته الأولى هي بداية السطر ونقطته التانيه منتصف القوس اللي تحته
ومن هنا لنهاية الشغل هتكون قاعدة كل قوس هي قمة القوس اللي تحته في السطر الأول ومننساش العقدة تتعمل برضه وهكذا القوس التاني لغاية النهاية وبكدة هتتشد الأقواس وتعطي شكل سداسي
* هنشتغل بنفس الطريقة لنهاية النموذج اللي بنعمله وأخر سطر هنثبت القوس الأول في شريط اللاسيه اللي فوق قبل بتمرير الأبرة فيه قبل عمل القاعدة التانية للقوس
وهيكون دة الشكل النهائي
]تعليق
-
يا أخت دعوة الموضوع خطير بس فين التكمله انا مستنيه على نار مشتاقه اعرف باقى الغرز لازم تكمليه من فضلكتعليق
-
الدروس ابتدت
غرزه قشر السمك
* نبتدي من أول نقطة في شريط اللاسيه اللي في قاعدة الورقة أو الوردة اللي بنشتغلها ( بنشتغل من الداخل للخارج ) وهنعمل قوس متوسط الأرتفاع بخيط فردى وهكذا أقواس بنفس الأرتفاع حتى نهاية السطر وكنا في الغرزة السداسية بنعمل عقدة في نهاية القوس دة لتثبيته في شريط اللاسيه علشان يفضل بنفس أرتفاعه اللي عايزة تعمل العقد مفيش مشكلة علشان الأقواس تظبط لكن هتكون في السطر ده بس لأنها بعدين هتظبط مع الفستونات
* من نهاية سطر الأقواس هنرجع على القوس الأخير ونشتغله كله فستونات واللي قبله واللي قبله لغاية مانوصل لأول قوس
* من أخر نقطة في السطر الأول هنمرر الأبرة خلال شريط اللاسيه ونرتفع حوالي نص سم علشان تكون بداية للسطر التاني
* هنشتغل بداية السطر بعمل أقواس زي اللي في السطر الأول وهتكون قاعدة كل قوس هي قمة القوس اللي تحته في السطر الأول وهكذا لغاية نهاية السطر
* من نهاية سطر الأقواس هنرجع على القوس الأخير ونشتغله كله فستونات واللي قبله واللي قبله لغاية مانوصل لأول قوس
ونستمر هكذا حتى نهاية الشغل
]تعليق
-
بارك الله فيك انا متابعة زيدينى عشقاًتعليق
-
الدروس ابتدت
غرزه رجل الغراب
الغرزه دي في الشغل من المستحب نشتغلها بين قطعتين من غرزة النسيج ودايما" في النموذج اللي بنشتغله بيكون محدد مكان غرزة النسيج ومكان غرزة رجل الغراب
زي الشكل ده
* نبتدي بعمل غرزه النسيج أولا" فى كل المساحات المحددة فى النموذج زي ما أتعلمناها مع بعض
وياريت
تكون ضيقة علشان تكون أحلى
زي الشكل دة
* حنبتدى نعمل غرزه رجل الغراب فى المساحة المخصصة لها
************ ملحوظة هامة جدا"**************
============
======ودى من الخبرة مش مكتوبة فى كتب ======
============
دايما" تحاولي يكون شغلك في غرزة رجل الغراب من الجهه الشمال وتروحي بالشغل لليمين علشان الشغل في الغرزة يكون أسهل
(((((( ربنا مايجعلنا من أهل الشمال لكن للضرورة أحكام ))))))
هههههههههههههههههههههههههههههه هههه
-وهنبدأ الشغل من الشمال من نص المسافة اللي بين النسيجين ( متحددة في النموذج ) ودة طبعا" عن طريق تمرير الأبرة بالخيط من خلال اللاسيه لغاية نص المسافة
وهيكون الخيط اللي بالأبرة لفوق ونمرر من فوق الفستونه اللي عندها علامات الة من فوق في غرزة البداية المحدد في النموذج في السطر اللي تحت زي مابنعمل الفستونة
_ الخيط اللي في الأبرة لفوق برضه وبنمرر الأبرة من تحت الفستونه اللي عندها العلامة في السطر الأول في القطعة اللي فوق
** وهنلاحظ أن الخطوط اللي بنشتغلها خطوط مايلة ونستمر بالشغل حتى نهاية المساحة للي بالنموذج
- وفي نهاية الشغل ننتهي في نفس النقطة اللي محددها في النموذج
كده يا جماعه الغرز خلصت
والملف بتاعنا خلص
انا في انتظار ردودكم وتطبيقاتكم علي الموضوع
اتمني اني اكون افادتكم فيه
سلام عليكم ورحمه الله وبركاته
]تعليق
-
شكراااا لكيتعليق
-
والله تعبت يا دعوة للتفاؤل تسلم إيديك وعنيكي على تعبك وبارك الله فيكي وأكرمك دنيا وآخرة . عجز اللسان عن الكلام ومش لاقيه غير كلمة ربنا يكرمك ، تعبتي بجد معي ومع كل الأخوات المتابعات للموضوع .
جعله الله في ميزان حسناتك إن شاء الله.
أول لما أخلص مفرشي حأوريه لكي وتقولي رأيك فيه إيهتعليق
تعليق