الى الأخت نسمات الصباح و كل محبات تعلم التطريز دروس مبسطة في غرز التطريز

[هاوية طبخ]

الاخت عيودة
انا و الله بحمل الصور على موقع البوم بس ما بعرف انزل الرابط تبعها
و مع هيك انا بشوفها موجودة كل ما بفتح الموضوع
على العموم انا رح اسأل الاخوات في المنتدى كيف احط روابط الصور عشان اذا ما فتحت الصور تفتح الروابط ان شاء الله و اهلا و سهلا فيكي بموضوعي

[mis spoon]

شكرا كتير هاوية طبخ

[هاوية طبخ]

الاخت mis spoon

الان اليك صور الخيطان :
1. المكبات



2. الشلل




لاحظي ان خيط الشلل ينقسم الى 6 فتلات تنفصل بسهولة



اذا يمكننا استخدام النوعين تماما في التطريز سواء بالغرز المختلفة او بالايتامين
مثلا في مفرش الايتامين اللي انا حاطته في موضوع لوحده و شاهدتيه استخدمت الشلل و اشتغلت الشغل كله ب 3 فتلات
و في مفرش تطريز عادي استخدت في المكبات لانها ريحتني اكتر و سماكة خيطها كان هو المطلوب

اذا اختيار الخيط في الشغل يعتمد على : 1. نعومة القماش
2. مدى بروز الرسمة المطلوب
لنفرض لديك قماش لينوه سويسري رقيق و شبه شفاف او مثلا اورغانزا شفافة فبختار الشلل و بشتغل بفتلة واحدة ليكون عملي متناسب مع رقة القماش
و لو اخترت الايتامين او الكتان القاسي او الخيش ساشتغل عليه اما بالمكبات او بالشلل ب 3 فتلات و اكثر
و على فكرة خيط الشلل اذا اشتغلتيه ب 6 فتلات كاملة بيعطيك بروز للرسمة اكتر من المكبات

اما بالنسبة للابر فابرة الايتامين بيكون راسها مدور و ما بتنخز الاصبع
اما ابرة التطريز فراسها مدبب و حاد متل ابر الخياطة العادية

استخدام الطارة لشد القماش اثناء التطريز مهم لشد الخيط بتناسق

[mis spoon]

هاوية طبخ حبيبتي
انا كل شوي رح اطلعلك
بما انك نزلتي صور الخيطان و بما انك عندك خبرة و بما اني شفتك في دورة الابيسون حابة اسالك
هل هاي الخيطان اللي حاطاها هي نفسها الخيوط القطنية اللي بتقول عليها الاخت امل رزق في دورتها ؟هي استخدمت مصطلحيين للخيوط الصوف و القطن و الاتنين ماركة يةdmc
انا عارفة شو الصوف و سالتها عن الخيوط القطن بس ما فهمت منها هل الخيطان القطنية اللي بتستخدمها في الابيسون هي نفسها هاي اللي انتي حاطة صورتها؟

يعني حسب خبرتك اذا تكرمتي

[هاوية طبخ]

mis spoon
انا جاهزة لاي سؤال و الله و مبسوطة فيكي كتيير
الخيوط القطنية نعم هي نفسها اللي السيدة امل شرحت عنها و انا ايضا مافي فرق ويوجد غير الDMC ماركات اخرى اذا لم توجد نفس الماركة بس بالتاكيد رح يكون الها نفس الشكل فلا تقلقي

[moon light 2]

الله يبارك فيكي اختي هاوية طبخ على مجهودك
الرائع مع الأخوات
الله يعطيكي العافية ويقويكي يا رب .

[هاوية طبخ]

الاخت لوز
شكرا على مرورك في الموضوع و انا بانتظار مشاركتك لنا في الافكار الحلوة

[نسمات الصباح]

ما شاء الله ولا حول ولا قوة الا بالله مبرووووووووووووووووووك هاوية على نجاح الموضوع ربنا يحميكي الموضوع شيق
اعتذر تاخرت عليكي النت كان به وعكة صحيه بس خير الحمد لله

[mis spoon]

هاوية طبخ انا فهمت من كلامك انه ممكن استخدام الايتامين للتطريز عليه؟؟و كم فتلة بتهيالي ستة كتيلر بطلع تخين التطريز مو ناعم
اسمعي انا سالتك كتير اسئلة بس لهلا مش فاهمة شوية غرز في غرز ما عرفت اعملها و في اشياء انت مكررة نفس الاسم بس الشكل مختلف و كل ما برجع اقرا الموضوع بتلخبط

[mis spoon]

هاوية طبخ حبيبتي انا هلا ماسكة الخيط و الابرة و قاعدة قدام النت اتدرب عالغرز بالنسبة لغرزة الفرع هل بنطلع الابرة من منتصف المسافة بس لاول غرزة؟؟والا في كل غرزة جديدة بنطلعها من منتصف المسافة ؟؟
انا عملت التنتين و لما طبقتها بالرسمة طلعت معي شبه الرسمة في الحالة الاولى يعني اني اطلعه من منتصف اول غرزة بس

وكمان ملاحظة يا ريت في تطبيقك يا هاوية يا عسولة تعملي تلات غرز عالاقل عشان تسهل المقارنة اوكي
يعني انا بدي اقعد اعلمك لسة؟؟

[هاوية طبخ]

الاخت نسمات الصباح
انت كان لك الفضل بتسليط الضوء على اعمال التطريز من جديد بارك الله فيك و الحمد لله على استجابة الاخوات

[هاوية طبخ]

الاخت mis spoon
انا قلت ان الايتامين بينشغل عليه الغرز التي تحتاج عدد مثل غرزة الضرب و في غرز تانية غير الموجودة في هذا الموضوع مكن احكي عنها بعدين
و بالنسبة للخيطان انا قلت فعلا رح يكون الشغل بالست فتلات تخين و نافر لبرة بس في موديلات تتطلب هذا و في رسمات رقيقة ما بتنشغل الا بفتلة او اتنين او اكثر قليلا

بالنسبة لغرزة الفرع نعم من منتصف المسافة فقط لاول غرزة ثم الباقي عند راس الاغرزة اللي قبلها
انا لاني اشتغلت رح اكون مشغولة خلال الاسبوع بس بوعدك يوم الخميس و الجمعة اتفضالك و انزلك الصور اللي انت حابة تشوفي الشرح فيها ان شاء الله

[mis spoon]

شكرا كتير هاوية طبخ بصراحة انا زعلت لما عرفت انك اشتغلتي عشان اكيد رح تنشغلي عنا و عن الموضوع يا ستي الله يوفقك

[هاوية طبخ]

على العموم يا mis spoon
انا بتابعك يوميا و شوف اذا عندك اي سؤال
و ياريت تورجينا شغلك اذا بدات تشتغلي و اذا كنت لسه بس عم تطبقي الغرز فانتظريني ليوم الخميس باذن الله رح انزلك باترون رسمة سهلة لمفرش صينية سهل التنفيذ
شو رايك ؟؟؟؟؟

[mis spoon]

فرحتيني حبيبتي يا ريت
انا زي ما بتقولي لسة بطبق الغرز على قطعة مربعة صغيرة و يستحسن ما تشوفيها
بس اللي مش مخليني ابلش هو اني مش عارفة كيفية اختار القماش؟؟و هيك يتقولي مفرش صينية يعني و الله مش عارفة اختار
انت بس حديديلي نوع قماشة حلوة و انا بشتري لانه ما عندي اقمشة فائضة و وقتها بفرجيكي شغلي