اللى عندها فكرة لديكور الحمام-حفظكم الله- ياريت تدخل

[فنانة مصرية]

اخواتى الحبيبات انا محتاجة منكم خدمة وهى نفسى اعمل ديكور للحمام ولو حتى افكار بسيطة
وياريت اللى عندها اى فكرة ياريت تفيدنى
وانا عارفة انكوا مش حتكسفونى

[الوردة الفريدة]

السلام عليكم ورحمة الله

أهلا فنانة مصرية

ممكن تضيفي لمسات للحمام بسيطة جدا بس بتكون ظاهرة وملفتة وبتدي نوع من التغيير جميل جدا ومن أبسط الأشياء اللي ممكن تعمليها هو إنك تغيري ستارة البانيو

تختاري لون مناسب مشرق وهيعمل فرق كبير جدا وممكن انتي تنفذي الستارة دي بنفسك وبالشكل اللي تحبيه وبخامات بسيطة وأشكال جميلة جدا

لما بتعمليها بتراعي ان الجزء الداخلي بيكون مشمع او بلاستيك والجزء الخارجي الظاهر بيكون دانيل او أي نوع قماش تحبيه وممكن تعملي قصاتوفيونكات وبيكون شكلها شيك اوي في الحمام


ممكن من نفس قماش ستارة البانيو تعملي ستارة للشباك بنفس الأشكال والقصات والأقمشة
هيعمل برضو شكل جميل أوي

تالت حاجة ممكن برضو تغيري بيها ديكور حمامك هو المراية اللي على الحوض

كمان لازم تهتمي بتركيب إضاءة على مراية الحمام وتكون قوية عشان الاستخدامات المختلفة

ممكن تحطي باسكت فيه الفوط والمناديل في ركن فاضي في الحمام زي الصورة دي



وممكن تستعملي قطع ديكور خاصة بالفوط والمجلات

كمان فيه أطقم اكسسوارات للصابون السائل والعادي وفرش الأسنان





وكده فاضل حاجة واحدة كمان وهيا الأرضية
فيه أطقم لأرضيات الحمامات ممكن تشوفي لون مناسب للسيراميك والستائر




وبكده يكون عندك أجمل حمام

على فكرة ممكن تستخدمي فكرتين او تلاتة من الافكار وهتلاقي ان شكل الحمام اتغير أوي

وأي سؤال إتفضلي

[فنانة مصرية]

تسلمى اختى العزيزة انا فعلا استفدت كتير من الافكار
وشكرا على مساعدتك
وانا كنت عارفة انكوا مش حتكسفونى
بس لى استفسار انت من مصر مش كده؟ عايزة اعرف منين اجيب حوامل الفوط اللى فى ردك الكريم وياريت تحديد منطقة او محل ؟
ولك جزيل الشكر واسفة على تعبك

[چيهان أبو الغيط]

اختى ادخلى الروابط الاتيه ان شاء الله تجدى فيها طلبك

http://www.seedecor.com/modules.php?name=Gallery&file=categories&cat_id=5&sessionid=45e661f4d6f1c2b997a36a62c1539356&sessionid=45e661f4d6f1c2b997a36a62c1539356

http://www.albeet.com/modules.php?name=Sections&op=listarticles&secid=8

وبالنسبه لاماكن الشراء فيه فى شارع الهرم بعد المحافظه بجوار مستشفى الجيزه الدولى (التطبيقيين ) محل روعه اسمه دارى عباره عن 5 ادوار فيه اغلب ما تفكرين بشراءه وللعلم هم مبنى واخذ خط بنفسجى ان شاء الله اذهبى اليه سوف تجدى اشياء تعجبك

وممكن كمان ابن النيل فى شارع طلعت حرب ناحيه 26 يوليو

[الوردة الفريدة]

تسلمى اختى العزيزة انا فعلا استفدت كتير من الافكار
وشكرا على مساعدتك
وانا كنت عارفة انكوا مش حتكسفونى
بس لى استفسار انت من مصر مش كده؟ عايزة اعرف منين اجيب حوامل الفوط اللى فى ردك الكريم وياريت تحديد منطقة او محل ؟
ولك جزيل الشكر واسفة على تعبك

أهلا اختي فنانة والحمد له انك استفدتي من الأفكار

انا من الاسكندرية والحقيقة معنديش فكرة ممكن نجيب حامل الفوط منين من القاهرة بس هما متوفرين باشوفهم في بيوت كتير والأخت أم لولو ردت على استفسارك وما قصرت


أختي أم لولو وزيزو شكرا على موقع ديكور بجد موقع رائع

[چيهان أبو الغيط]

العفو انا زيكم بأحب الموضيع دى ولكن بأذن الله لما انقل بيتى الجديد ح ابدع

دلوقتى ابنى حتى الحيطان بيفكر يكسرها اخخخخخخخخخخخخخخخخ

[فنانة مصرية]

شكرا لك كتير اختى ام لولووزيزو