الف لا بأس على ابنك غاليتى انابيلا
أسأل الله ان يفك عقدة لسانه
بالنسبة لابنك غاليتى انتى قلتى ان عنده 20 شهر فلا داعى للقلق الان فتأخر النطق عند الاطفال له اسباب كثيرة منها العوامل البيئية وانه اتربى فى مجتمع مغلق او لا قدر الله نتيجة لاصابته بالصفراء وهو صغير او لانه الطفل الاول فى العائلة وبعض الاطفال يعانون من تأخر الكلام لاسباب غير معروفة لكن مع مرور الوقت يبدأون فى التقاط الكلمات ممن حولهم
ولكن تبدأى تقلقى فعلا عندما يدخل طفلك فى عمر السنتين ولا ينطق اى كلمة فى هذه الحالة زى ما قالت اختنا انفاس لازم تعرضيه على دكتور متخصص ولا تتأخرى فى علاجه
انا ابن اخوى كان متأخر فى الكلام ومن عمرسنة ونص بدانا نقلق ونعرضه على الدكاترة والمتخصين ولكنهم نصحنوا ان نتظر لحد ما يبلغ سنتين ولما وصل عامين عرضنه على دكتور اطفال كبير نصحنا بعمل اشعة على المخ فاكشتفنا انه يعانى من كهربا زيادة والحمد لله ودى اللى كانت عاملة تشويش ومسببة انه يتاخر فى الكلام والحمد لله مع العلاج بدا يلقط بعض الكلمات
ومن واقع تجربتى مع ابن اخوى عايزة انصحك انك تبادرى فى عرضه على دكتور متخصص وتانى حاجة تجبنى انه يقعد مدة طويلة قدام التليفزيون وكل اسبوع ركزى معاه على كلمة واحدة بس وكرريها قدامه يعنى بابا وشاوريله على والده ولما تنطقى معاه كلميه بلغة الكبار وليس بكلام الاطفال عشان يلقط منك الكلمة صح وممكن تجبيله كتب للطفال فيها صور حيوانات مثلا وتعلميه اسمائهم وتحكليه قصص وتكلمى معاه طول ما انتى قعدة لان الدكتور نصح زوجة اخى بكده هتلاقيه مع مرور الوقت بدا يلقط منك كلمة او كلمتين
ومع ابن اخوى لانه يعشق الكمبيوتر نزلتله صور على الجهاز وعملتله فيديوهات ومعاها اغانى اطفال فكان يرى الصور ويتمتع بسماع الاغانى وبدا شوية شوية يقولى دى ايه وانا اقوله عى اسمها والحمد لله بدا ينطق بعض الكلمات
واسال الله ان يعافى ابنك من كل سوء
تعليق