استشارة من المصريات المقيمات بمصر

[sunskies]

السلام عليكم ورحمة الله وبركاته
عزيزاتى اريد استشارة من المصريات المقيمات بمصر من لديها فكرة عن المدن الجدبدة كالرحاب والقاهرة الجديدة اريد كل المعلومات التوفرة لديكن او لو فيه له م ويب سايت اكون شاكرة لكن

[behappy]

اهلا بك اختي

بالنسبه للمعلومات عن المدن الجديده تجديها في مواقعهم على الانترنت وانا صثراحه لا اعرف اسم الموقع الخاص بهم

ولكن ممكن تجربي بالاسم وان شاء الله توصلي

ولو لم تستطيعي

تدخلي على موقع جريدة الاهرام للاعلانات المبوبه وان شاء الله تلاقي طلبك

[sunskies]

السلام عليكم ورحمة الله وبركاته
جزاك الله خيرا اختى behappy ولكن ممكن ترسلى الاهرام لانى فى الواقع فقدت ال favorites
ولك جزيل الشكر

[Dandoon]

موقع جريدة الاهرام

[behappy]

تسلمي يا دندون المصريه

sunskies

اذا كنت تبحثي عن شقه او ارض في الرحاب فهي غاليه جدااااا ...انصحك بالقاهره الجديده اقرب وارخص

[sunskies]

جزيتى خيرا يا دندون

واختىbehappy المشكلة انى باسمع ولسه معنديش اى معلومات كافية عن اى شئ

[behappy]

ابعثي رساله خاصه لي ويمكن اقدر افيدك غاليتي

[طيـــف]

حبيباتي خواتي المصريات

ان الله راد ان شاءالله يوم الاحد الموافق14 اغسطس رح اكون بالقاهر اقعد 5 ايام وبعدها اروح شرم الشيخ

ياريت حبيباتي لو تخبرني اي افضل اسواق ! مشان ماضيع وقت في لف الاسواق

بدي اسواق للتحف والهدايا والاقطان المصريه الرائعه
لانه حاسه الوقت ضيق بدي احاول استفيد

بعدين في شرم الشيخ وين في اسواق حلوه وايش ممكن اتسوق منها؟! كهدايا وتحف تذكاريه ؟

انا رحت لمصر كتير بس اخر مره من اربع سنوات واكيد هلاء تغير كل شي
وقت ماكنت اروح كنت اروح لروكسي ومحلات عمر افندي والقى اشيا حلوه
بس هلاء الحديث والاجمل

شكرا لكم سلفاً

[sunskies]

السلام عليكم ورحمة الله وبركاته
اختى الحبيبة طيف ان شاء الله رحلة موفقة
ساخبرك بالنسبة للقاهرة
خان الخليلى بيجنن ملئ بالهداياوالتحف والمشغولات اليدوية الراقية وفيه كمان بازارات الاهرام
وبالنسبة للمولات فيه جراند مول فى المعادى وكذلك مولات مدينة نصر واشهر شوارعها عباس العقاد
وانت تعرفين روكسى وعمر افندى فيها رائع وفى روكسى فى محلات متخصصة لبيع الاقطان والملابس المنزلية اعتقد على شارع الاهرام
وبالنسبة لشرم الشيخ بصراحة لى فترة لم ازورها
وان شاء الله اكون افدتك ولو فيه اى سؤال انا فى الخدمة

[طيـــف]

السلام عليكم ورحمه الله
تسلميلللي ياقلبي ماقصرني

شكرا

[تويتى]

[B]حبيبتى لا انصحك بشراء هدايا من شرم الشيخ فان اسعارها غالية
وعليكى بنصيحة الاختsunskies

[طيـــف]

اوكي ياقلبي شكرا كتير على النصحيه وبارك الله فيكم

الله لايحرمني من الاخوات الحلوين

[azza]

أختي behappy

تقصدي ايه في القاهرة الجديدة وهي فين بالضبط في مصر يعني أبعد وألا أقرب من 6أكتوبر

واسعار الشقق بحدود كام ؟ والدفع كاش والا أقساط ؟ معليش أسئلتي كثيرة

بساعمل ايه الواحد يشتري له شقة في مصر أحسن ماندفع اجار شقة واسعار الشقق المفروشة كل سنة بيزيد

عن غيرها.....................


عززززززززززة

[الباش مهندسة]

بسم الله الرحمن الرحيم

بصي يا طيف اوعي تشتري هدايا من شارم الهدايا هناك غالية جدا وبنص ثمنها في القاهرة ، عايزة هدايا تروحي اما خان الخليلي او تروحي المولات وعندك في مدينة نصر مولات رائعه هي طيبة مول + العقاد مول في طريق النصر وانت داخلة علي عباس العقاد وبعدين عندك جنينة مول في شارع البطراوي متفرع من عباس العقاد(انا ساكنه هناك) وبعدين عندك ستى سنتر في اول شارع مكرم عبيد متفرع من طريق النصر والاروع والروع هو ستارزسيتي متفرع ايضا من طريق النصر وهو بعد ستي سنتر علي الشمال وهوملحق بفندق فخم ورائع مكان جميل جدا . دي بالنسبة للتحف و الهدايا .
اما الاقمشه فهي في وسط البلد غالية وهي نفسها موجودة في وكالة البلح وارخص بس لازم تفاصلي لحد ما تطلعي عنهم وياريت تاخدي حد بيعرف يفاصل كويس زي الوالدة مثلا يعني انا لما بروح يأما اخد ماما معايا ياما مرحش اصلا علشان حيغلبوني ومبعرفش افاصل قوي
يعتي لو قالك المتر ده ب45 تعرفي انه ب20-30 بلكتير ويبقي مضحوك عليك كمان وحسب نوع القماش ، يعني الكتان دايما ارخص من الشمواه ، والسواريهات غاليا طبعا بتبقي بالمئات وانتي وشطارتك ، ممكن تسيبي المحل كنوع من التهديد لحد ما البائع يقلك طيب خلاص ماشي امي بتعمل كده وبتنتصر هي في الاخر وببقي مكسوفة منها

وفي الوكالة حتلاقي كل انواع الاقمشة مفروشات وستائر وفرش رائع باضافة الي اقمشة الملابس احنا عندنا العروسة في مصر لازم تنزل الوكالة تجيب منها اروع الاقمشة بس تروحي بدري علشان تعرفي تلفي ومتروحيش يوم حد او جمعة علشان الاجازات وعلي فكرة الوكالة علي الكورنيش تاكسي من ميدان التحرير قوليلو وديني وكالة البلح وتديلو 4-5 ويبقي كتير كمان .
وبالقرب من الوكالة حتلاقي مول رائع اسمه اركديا مول ده كمان خطير نفس محلات الستائر في الوكالة فاتحة فروع هناك بس بيبيعوا الحاجة هناك بضعف تمن الوكالة
كده انا اديتك عصارة فكري واهلا بيك في مصر
لما تروحي شارم ابقي سلميلي عليها وحشتني اوي دي احلي مكان عندي نفسي اعيش فيها علي طول بس لما الاجانب يمشوا منها الاول .

[الباش مهندسة]

نسيت اقولك علي حاجة ياطيف وهي مفاجئة ان الدور الاخير في ستارز ستي هذا المول الضخم الرائع هو عبارة عن خان الخاليلي فقد فتحت كل المحلات في خان الخليلي فروعا لها هناك بنفس الاسماء ونفس المنتجات وفي هذا الدور تقليد لشوارع خان الخليلي بنفس اسماء الشوارع وترتيبها ونفس اسماء المطاعم والمقاهي ونفس الشكل واحلي وطبعا المكان مكيف وبتحسي فيه بالصالة والجمال وبكده تبقي وفرتي علي نفسك مشوار خان الخليلي يعني ضربتي عصفورين بحجر واحد