رحلة صيد .. مشاركتي فى { صور من ذكريات السفر }

[أحلى بيرو]

أثناء رحلتنا الشتوية للبحر الأحمر واقامتنا بإحدى المنتجعات
فكرنا فى رحلة الصيد
أخذنا السيارة بتاعتنا (فُلة)



وعلى الساعة 10 صباحاً توكلنا على الله

والمكان اللى رحنا نصطاد فيه اسمه (الأسل) على بعد 40 كيلو من مدينة القُصير

النهاردة هانروح رحلة سريعة
هاناخد المركب والشبكة وننزل البحر الاحمر نصطاد سمك

الفرحة والسعادة اللى بتملا الانسان وهو شايف السمكة جوة الشبكة لا تضاهيها فرحة

طبعا كان معانا صيادين من اهل المنطقة
وانا هاعرض بعض صور للاسماك ويارب تعجبكم

يلا بينا ناخد المركب والشبك ونتوكل على الله

[أحلى بيرو]

بداية

والسمك لسة فى الشبكة



بسم الله ماشاء الله
اول سمكة طلعناها
ودى اسمها سلمانى



زاوية تانية



والسمكة دى ماشاء الله كانت بتلمع تحت اشعة الشمس
اسمها بياح عربى
وهنا والصياد لسة بيجاهد علشان يطلعها من الشبكة



بعد ما طلعت بسلامة الله



لونها زى الفضة تمام



محمد زوجى رافعها عند اشعة الشمس بيزغلل عينى بيها الله يسامحه



وهنا كمان بعد ما اتصورنا بيها وحطيناها فى الصندوق



وهنا شوفوا جمال الالوان
سبحان الخالق





والسمكة الصفرا
نوع من انواع الباغا







بنصورها وش وجنب زى المساجين





والسمكة دى سمكة موسى
يقال والله أعلم
انها السمكة اللى كانت موجودة وقت شق موسى عليه السلام البحر بعصاه
فانقسمت نصفين وعلشان كدة تلاقى سمكة موسى عنيها الاتنين فى جانب واحد
وهى مفلطحة وكأنها نصف سمكة بس

والعهدة على الراوى



ودى كمان شبه السمك البلطى بتاع النيل بتاعنا
اسمها سمكة النقرور



والسمكة دى اسمها سمكة السيجان
الصياد بيقولنا ان الشوك بتاعها زى المسامير
ولازم نمسكها بالشكل اللى هو ماسكه كدة




ودى سمكة الحريد
احلى سمكة بحب طعمها





ودى اسمها الشعرى





والسمكة الحمرا دى اسمها حمرا
جبتى التايهة يا بيرو

وهنا كان الصياد بيعرفنا الفرق بين السمكتين
شايفين عيون سمكة الحمرا واسعة ازاى
علشان السمكة دى بتعيش فى عمق اكبر من السمكة التانية
سبحان الله
علشان كدة عيونها اوسع علشان نسبة الاضاءة أقل فى العمق




والسمكة دى برضوا باغا





وآخر سمكة معانا النهاردة هى ثعبان البحر
بس ثعبان صغنن شوية
محمد بيقولى اسمها شرناق .. مالناش دعوة باللى بيقوله





وبكدة تكون رحلتنا انتهت وطبعا انتهت فى بطننا
شوينا السمك واكلناه بالهنا والشفا

يارب تكونوا استمتعتوا معايا
ودى وقبلة لكل من مرت من هنا

[DAHUBA14]

وعليكم السلام و رحمة الله و بركاته

ما شاء الله تبارك الله ، رحله و لا اروع

اما منظر السمك تحفة سبحان الخالق اشكال و الوان

جبتيه على بالي الله يسامحك

عايزززه سمك يا بيرو مليش دعوه عايزه سمك يعني عايزه سمك

مش كفايه رحتي البحر من غير ما تخدينا معكي

[أحلى بيرو]

وانا اقدر على زعل الجميل

جبت السمك مشوى وجيت اهو




منورة يا سكر

[إيثار الشام]

بسم الله ما شاء الله

رحلة رااائعة غاليتي
و ان شالله على طووول بالهنا الصفا

و حصيلة الأسماك رااائعة

و هوي صحيح جبتي السمك على بالي أنا كمان

و لكن : يلي جبيه على بالي أكتر هوي البحر

أنا من عشاق البحر و أجوائه بشكل لاااا يوصف

و إلي 3 سنوات محرومة من شوفته

الحمد لله على كل حال

نسأل الله الفرج

موضوع أكثر من رائع غاليتي

بالتوفيق بإذن الله

[إيثار الشام]

أسماك البحر الأحمر لذيذة جدآ جدآ
أنا سبق و أكلت منها أكتر من مرة
بالحقيقة : هي ألذ أسماك سبق و تذوقتها

أخي كان يشتري الأسماك طازجة و يجيبها معه مفرزة من السعودية
طبعآ : أيام لما كانوا المسافرين يجوا يقضوا إجازات الصيف بسورية


الحمد لله على كل حال

[اشجان الحياة]

ماشاء الله رحلة رائعة ويارب يدوم عليكم السعادة ويرزقكم بالذرية الصالحة
وصحة وعافية عليكم
ومشكورة على درس العلوم وانواع الاسماك هههههههه
بس وين صورتك وانت بتصطادى كل هالسمك
عجبتنى السمكة اللى فيها اللون الفيروزى سبحان الله

[asmaabhr]

ما شاء الله تبارك الرحمن

تقرير راااائع حبيبتى

تسلمي حبيبتي على هذا الطرح والمشاركة القيمة

[- بنت الأحرار -]

جميل جدا البحر والسمك
بجد روعة
ابني احمد مسك الموضوع وكل صورة قعد يبص عليها نص ساعة هههههه
بمزح بس بجد تأمل بكل صورة

وهو من عشااااق السمك بس ما بدخله بفمه يعني ما بيرضى يأكلها ابدا


بجدموضوع رائع واعجبني جدااااااا
تسلمي يا بيروووووو

[ام سهيل]

سمك سمك سمك

ياحركات يابيرو

تروحي تصطادي ماشاء الله


عوافي ع قلبك

وسبحان من خلق الاسماك

[آزال العريقة]

ما شاء الله ربي يهنيكي يا غاليه ..
جزاكِ الله خيراً للمعلومات الي كتبتيها ..
ودي و احترامي ..

[بحبــكم]

سبحان الله قمة في الجمال!
بوركتن أخياتي

[ღ ريــم ღ]

و عليكم السلام ورحمة الله وبركاته

ما شاء الله رحلة راائعة وصور اروع

اعجبنيي منظر الاسماك ما شاء الله..

جزاك الله خيرا اختي الحبيبة

[DAHUBA14]

وانا اقدر على زعل الجميل

جبت السمك مشوى وجيت اهو




منورة يا سكر

تسلم الأيادي ♥