حصري للكِ:رحلتي لشمال شرق امريكا صيف 2010م "نيويورك,فلدلفيا,هيرشي,بيتسبيرج,كليفليند

**فراولة لكِ** · 05-09-2010, 11:35 PM

إنـطلقنا يـوم الإربـعاء 7/7/2010م
من مـطار الملك فـهد فـي الدمام إلى نيويورك

عـبر الخطوط الإمراتـيه

كانت الرحله السـاعـه 6 مسـاء ترانزيت دبـي
6 ساعـات إنتظار

التـفتيش في مطار الملك فـهد عادي جـدا
وما اخذ منا ثواني
ولا فيه تفتيش للعفش ولا للأغراض اليدوية

وصلنا دبي الساعة 7 بتوقيت السعودية
والساعة 8 بتوقيت دبي

بصراحـه تفاجأت بمطار دبي
تـغير كثيـرا وتطـور بشكـل ماتصورته

أول شيء أعجبتني الكراسـي المنتشره في المطار للإسترخاء .

بصررررررررررررراحة خقاق وتنسيك تعب الطيارة

فاصل:

ترى الصور دقتها موذاك الزود لأني مصورتها في PSP
والصور الزينه بكمبيوتر بابا انتظره يجي واضيفها لكم تتمقلون في الصور

برب..........لا احد يرد

**فراولة لكِ** · 02-10-2010, 01:29 PM

هذي صورة المسجد في مطار الملك فهد في الدمام صلينا فيها العصر

وهذي صورة طيارتنا من الدمام لدبي

هذي صورة مطار دبي

هذي الحركه رووووووووووووعه ومجانية

منتشرة في مطار دبي

تاخذين عربيه لطفلك وترجعينها في أي مكان

لما وصلنا المطار اكلنا من ماك
بصررررررررررررراحه احلى ماك ذقته في العالم كله
لذيذ وطعمه فرش
خيالي
الي يمر مطار دبي لا يفوت يذوقه وراح يحس بالفرق
وان ماك الي عندنا تكرم نعمة ربي كنها تراب

**فراولة لكِ** · 02-10-2010, 01:41 PM

الشيء العجيب ان الرحلات فجأة توقفت
وكان كل الي في المطار مجتمعين على الشاشات المنتشرة في المطار
يشوفون مبارة المانيا واسبانيا
جلسنا وشفناها
وبعد ما انتهت المبارة دبت الحياة في المطار

مدري هم مستقصدين هالشيء أو وافقت ماعندهم رحلات

نرجع لموضوع الرحلة
نزلونا في صالة صغيرة قبل الرحلة بساعة
وسألوا عن اختي الصغيرة

لأنه طلع في البوردنج حقها انها تحتاج لتفتيش إضافي

ذكروني بحركات الامريكان

شفتوا SSSS
هذا تعني انه راح يفتشونه تفتيش دقيق
عاد لما شافوها طفله مشوها ....

ركبنا الطيارة
وهذي صورتها :

ملاحظاتي على الرحلة :

- الرحلة من دبي لنيويورك 14 ساعة
- الطيارة مليانة ماتتنفس من العالم ومافيها كرسي فاضي

-الاكل وجبتين عشاء وغدا ومستواه 5/10
حتى وجبات الاطفال مو ذاك الزود واعطيها 3/10
- الخدمة ممتازة
- واكثر شيء يضيق الصدر ان مافيها مكان للصلاة
فيها برامج وافلام والعاب متنوعة .

**فراولة لكِ** · 02-10-2010, 01:53 PM

والحمد لله وصلنا نيويورك الساعة 7:45 صباحا
طلبوا ابوي للتسجيل مع انه جاء لامريكا في هالسنة 3 مرات
بس ماطولوا معه تقريبا 30 دقيقة
وبعدها سألونا معكم اكل قلنا ايه
قهوة وتمر
قالوا طازج قلنا لا مكنوز ( اتحدى يفهمون وشوا المكنوز )

فاصل :
ماقدرت اصور مثلكم عارفين احمل الجواز الاخضر

مشونا ورحنا لشركة تأجير السيارات

كنا حاجزين من الانترنت
سياره ميني فان
من شركة https://www.nationalcar.com/

وانصحكم فيها ولما تستاجرون اختاروا انك ساكنين في السعودية وراح ينزل السعر بشكل كبير
لأنهم شيلون بعض الضرائب والتأمين وخلافة

كان سعر الاستأجار 1425دولار لمدة اسبوعين

بس لما جينا نستلمها قالوا انه 1497دولار
لأنه كاتبين عند الحجز انه سعر تقريبي
فلا تستغربوا من الزيادة

هذي مواقف شركة التأجير

وهذي صورة السيارة الي استاجرناها

طبعا حنا ماطلبنا GPS
لأنه عندنا
فانا اقترح ان الواحد يشتري له من بيست باي أو وال مارت ارخص واوفر له .

طلعنا من المواقف وهذي صورة نيويورك

**فراولة لكِ** · 02-10-2010, 01:54 PM

أكمل أو لا؟
احس مافيه تفاعل مع موضوعي

**بطاطا مقلية** · 02-10-2010, 07:14 PM

كملي حبيبتي متابعة ومتشوقة لاني احب السفر كتيييييييييييير وباين ان رحلتك حلوة

**أم حور2011~** · 02-10-2010, 08:03 PM

بارك الله فيكِ

**ام امل الاثرية** · 04-10-2010, 02:21 PM

كملي فنحن متابعينك تسلمي صور واضحة وجميلة

**مريم 74** · 04-10-2010, 02:37 PM

شكرا جزيلا

ليش ما يتكملى ، إحنا متابعين رحلتك الجميلة بس مأجلين التعليق لما تنتهى الرحلة ، هيا أكملى ولا تكسلى ...هههه
-

-

**ღ ريــم ღ** · 04-10-2010, 09:14 PM

تسلمي يا غالية على الرحلة الجميلة

**فراولة لكِ** · 05-10-2010, 11:32 PM

المشاركة الأصلية بواسطة بطاطا مقلية

كملي حبيبتي متابعة ومتشوقة لاني احب السفر كتيييييييييييير وباين ان رحلتك حلوة

آخيرا احد عبرني

هي حلوة وفيها اماكن عمري ماقريت عنها لأني كنت ابحث في النت عن اماكن حلوة ومالقيت شيء في المناطق الي زرناها

**فراولة لكِ** · 05-10-2010, 11:33 PM

المشاركة الأصلية بواسطة يَآرآ بنتْ عَبدْ العَزيزْ

بارك الله فيكِ

الله يسلمك

**فراولة لكِ** · 05-10-2010, 11:34 PM

المشاركة الأصلية بواسطة ام امل الاثرية

كملي فنحن متابعينك تسلمي صور واضحة وجميلة

المشاركة الأصلية بواسطة مريم 74

ليش ما يتكملى ، إحنا متابعين رحلتك الجميلة بس مأجلين التعليق لما تنتهى الرحلة ، هيا أكملى ولا تكسلى ...هههه
-

-

الرحلة طويله ولازم احس فيه تفاعل حت اكمل
لأني كني اكلم نفسي

**فراولة لكِ** · 05-10-2010, 11:55 PM

أول شيء كنا حابين مانسكن في نيويورك
لأنها زحمة ومانرتاح فيها فاخترنا فلدلفيا كمحطة اولى
مدينة كبيرة في ولاية بنسلفينيا
وهي عاصمة امريكا سابقا

وطلعنا من المطار وكان الجو يجنن غيوم على رذاذ

ومسكنا خط تقريبا ساعتين

ووقفنا بنص الطريق واكلنا وجبة من برجر كينج

كنا حاجزين في فندق اسمه سمر فيلد
Hyatt Summerfield Suites Philadelphia/Plymouth
الليلية تقريبا 175 دولار

حاجزين عن طريق النت
هذا موقعهم :
http://plymouthmeeting.summerfieldsu...ield/index.jsp

شقة فندقية غرفتين وصالة ودورتين مياه
ومعها فطور مجاني

بصراحه روعه من حيث
النظافه
والموقع
بجنبه ول مارت وسوبر ماركت كبيره
ومول صغير
وفيه غرفة لغسيل الملابس

الفطور بوفيه بس مو ذاك الزود

بس يعيبه كثرة اليهود فيه
بما انها منطقة قريبة من نيويورك فطبيعي يكون فيها يهود كثير

[/CENTER]

هذي صورة غرفة النوم الرئيسية

[CENTER]

صورة الصالة :

بوفيه على جنب فيه ثلاجة وفرن وغسالة مواعين
ومواعين 6 ملاعق ومثلها صحون وثلاث قدور وسكاكين واكواب
وكفي ميكر
وتوستر يعني مطبخ متكامل

وفيه في الصلة مكتب

والنت Free

هذي صورة الغرفة الثاني ومالقينا
شقة الغرفة الثانية فيها سريرين
بس ماهي مشكلة نمت انا واختي فيها واخوي نام في الصالة

دخلنا الفندق وكنا جدا تعبانين نمنا 3 ساعات إلى الساعة 5 وصلينا الظهر والعصر وطلعنا نستكشف المكان....