اخواتي الفلسطينيات: نازله السنه لفلسطين وعندي اسنفسار

[~~داليا~~]

السلام عليكم ورحمة الله وبركاته:
ان شاء الله السنه عالصيف نازلة لفلسطين عن طريق الاردن
وطبعا لازم المرور عن طريق الجسر والمعابر...........الخ
انا عندي اطفال و حابه اوخد معي عرباية للاطفال" التوأم"
والهدف انها تبقى معي وتريحني خاصه لما يناموا.......
سؤالي: هل يسمح بان تبقى معي؟ام تؤخد مع الشنط ولا استفيد منها؟
رجاءا اللي جرب او بعرف حدا جرب يساعدني
لاني ما بدي اوخدها معي وعلى الفاضي ما استفيد منها
الله يخليكم اللي عنده فكره ما يطنشني
ولكم مني اغلى تحيه

[~~داليا~~]

شو يا جماعه ما حدا فلسطيني هون؟
وما حدا عنده اي فكره عن الموضوع؟
شكرا للجميع

[ward_84]

غلاتي ان شاء الله البنات حيساعدوكي وهذا اكيد

أتمنى لكي رحلة موفقة ..

[هنلي]

اتوقع انها راح تبقى معك لانو كل فتره بيعملو تسهيلات يعني اتوقع راح يفتشوها وانتي داخله وخلص مش راح يوخدوها مع الشنط
صراحه انا ما عمري اخدت هيك اشياء -- بس سلفتي بس يجو من السعوديه بكون معهم كوت و عربايه اتوقع انو بيصير
راح اسالك علشان اتاكد منهم

[~~داليا~~]

غلاتي ان شاء الله البنات حيساعدوكي وهذا اكيد

أتمنى لكي رحلة موفقة ..

مشكورة اختي المشرفه على الاهتمام

[~~داليا~~]

اتوقع انها راح تبقى معك لانو كل فتره بيعملو تسهيلات يعني اتوقع راح يفتشوها وانتي داخله وخلص مش راح يوخدوها مع الشنط
صراحه انا ما عمري اخدت هيك اشياء -- بس سلفتي بس يجو من السعوديه بكون معهم كوت و عربايه اتوقع انو بيصير
راح اسالك علشان اتاكد منهم

بارك الله فيك اخت هنلي والله يطمنك انه هناك فيه تسهيلات
ياريت تسأليلي عن الموضوع، اهلي خارج البلاد وهاي اول مره بنزل مع اطفال
مشكورة مرة تانيه على الاهتمام وعلى فكرة احنا جيران

[هنلي]

سالتلك دار سلفي لانهم بالسعوديه وكل سنه بيجو على الصيف
الا حكولي بيوخدوا العربايه والكوت للتفتيش مع الشنط
بس انتي ما تهملي هم
يعني زمان كانو يوخدوا اجرءات كتيره والواحد يطول على جسر اليهود
هسه مسهلين كتير يعني بيخدوا الشنط وبيفتشوها والجوازات وبعدها بينادوا على اساميكم وتلاقي الشنط جاهزه
زمان كانت غلبه -- كانو يوخدوا كل اشي شنط اليد والله يكرمك الاحذيه -- تقولي جواهن صاروخ -- وكنا نضل قاعدين حافيين اتخيلي وبعدها ينادو علينا ونفوت على غرف والمجندات يفتشونا تفتيش داخلي -- بس هسه ارحم -- الله يغضب عليهم
بعدين ما بعرف اذا عندك فكره عن ال vip هاي فتره الصيف بتكون موجوده
يعني بس تكوني على جسر الاردن خاصه فتره الصيف بيعملو هاي الخدمه -- بتكون سيارات مكيفه باصات زغيره او تاكسي كبير يعني -- وبتركبي من جسر الاردن وبتضلي بالسياره والسائق بوخد الجوازات وكل الاوراق وبينزل وهوه بيمشيهن وما بتمري على جسر اريحا -- يعني نفطه تفتيش اريحا -- علمك تفتيش عند الاردن وتفتيش يهود وتفتيش في اريحا -- بس هاي خدمه vip
تدفعي على الشخص الواحد 50 دولار حسب كل سنه بتكون سعر غير يعني سنوات بتكون 70 دينار ومرات 70 دولار واخر مره كانت بين 60 الى 50 دولار -- انتي بس تكوني على جسر الاردن اسالي هناك السيارات لونهن ابيض ومحطوط عليهم vip يعني راح تلاقيهم قدامك
واي اشي نحنا بالخدمه يا اختي واهلا وسهلا فيكي يا قلبي
بس ما حكتيلي من اي منطقه انتي

[~~داليا~~]

مش عارفه كيف بدي اشكرك اخت هنلي على المساعده والله يسعدك وينولك كل اللي في بالك، والله حكاية vipهاي كتير مريحه وعجبت زوجي كتير وبتفيد اللي معه اطفال صغار خاصه في الحر وما كنا سامعين في هذا الموضوع من قبل.............لما ننزل على الاردن راح نسأل عن هذا الموضوع.......
احنا سالنا بيت حماي عن موضوع العربايه بس حكوا ما بنعرف وما كلفوا حالهم يسالولنا حدا بيعرفوه........ههههه
انا من طولكرم و عايشة في السويد......
يعني جيران و لا لا؟
تسلمي يا عسل على كل الاهتمام ويجزيك كل خير عنا.

[هنلي]

ولو واجبنا اختي واي اشي نحنا بالخدمه ... المهم توصلو بالسلامه يا قلبي
بعدين جيران ونص و اهل كمان في النا قرايبنا متزوجين في طولكرم من زمان وبعرف ناس كتير هناك
على فكره دار سلفي نازلين على الضفه في 19/6
راح اسالهم كيف الطريق لانو علمك الصيف كل الحبايب والقرايب بيجو هون
يلا توصلوا بالسلامه ان شاء الله

[صاحبة البيت]

ربنا يوصلك بالسلامة
وتبقى صيفية كلها خير وسعادة

[~~داليا~~]

ولو واجبنا اختي واي اشي نحنا بالخدمه ... المهم توصلو بالسلامه يا قلبي
بعدين جيران ونص و اهل كمان في النا قرايبنا متزوجين في طولكرم من زمان وبعرف ناس كتير هناك
على فكره دار سلفي نازلين على الضفه في 19/6
راح اسالهم كيف الطريق لانو علمك الصيف كل الحبايب والقرايب بيجو هون
يلا توصلوا بالسلامه ان شاء الله

الله يسلمك ويخليلك الاموره مايا، ما بتعرفي شو مبسوطه عشان بدي انزل على البلاد والله الها وحشه.......وكتييييير مشتاقه ازور كل سنتيمتر منها
الف شكر الك مرة تانيه والله انك اخت وبنت اصل..

[~~داليا~~]

ربنا يوصلك بالسلامة
وتبقى صيفية كلها خير وسعادة

الله يسلمك يارب وتسلمي على هالدعوه الطيبه والله انك ذووق

[norway rose]

انجي انا نزلت قبل هيك من شي سنتين و ما سمحو بالعرباي اصلا تطلع بالباص فرح اجرب المرة ان نزلت ا نزل VIP اذا عندك واحد فيهم بمشي شيلي واحد بالحماله المصممة للضهر او الصدر بعرف انها متعبة كتير بس الله بعينك
لكن العرباي ع الجسر اذا ما اخدوها مع الشنط ممكن انك رح تتغلبي فيها لتسكريها قبل ما تدخلي الباص و يكون حد يساعدك بحملها لتقعدي بمكان تقدري تحطيها جنبك ع عشان لما تسنتني بالدور
جربي ما رح تخسري شي بس بالباص ما رح تطلع هاد اكيد
الله يوفقك و توصلي بالسلامة و يا ريت تسلمينا ع فلسطين

[~~داليا~~]

انجي انا نزلت قبل هيك من شي سنتين و ما سمحو بالعرباي اصلا تطلع بالباص فرح اجرب المرة ان نزلت ا نزل VIP اذا عندك واحد فيهم بمشي شيلي واحد بالحماله المصممة للضهر او الصدر بعرف انها متعبة كتير بس الله بعينك
لكن العرباي ع الجسر اذا ما اخدوها مع الشنط ممكن انك رح تتغلبي فيها لتسكريها قبل ما تدخلي الباص و يكون حد يساعدك بحملها لتقعدي بمكان تقدري تحطيها جنبك ع عشان لما تسنتني بالدور
جربي ما رح تخسري شي بس بالباص ما رح تطلع هاد اكيد
الله يوفقك و توصلي بالسلامة و يا ريت تسلمينا ع فلسطين

فعلا فكرتك حلوة في الحمالة على الضهر او الصدر بس كنت افضل العربايه عشان لما يناموا لانهم اثنين وكمان بحط فيها الاغراض تبعتهم ،بس صعب تطلع في الباصات لانها كبيرة لتوأم......بس شو نعمل هيك قدرنا، كل العالم بتنزل في مطارات الا احنا الله بلانا، راح اشوف ال vipانا كمان و بعين الله على هاليوم المهم الواحد يشوف بلاده و حبايبه.......تسلمي حبيبتي على الاهتمام و اكيد راح اسلملك على فلسطين....

[fefo]

حبيبتي بتنور البلاد
متل ما حكتلك هنلي اليوم صار في تسهيلات كتير
والنزلة على الضفة من الجسر اسهل بكتير من الطلعة منها
بس بالصيف بتكون ازمة كتييييييييييييييييييير كل الحبايب بينزلوا يشوفواالاهل والجسر تعب وحرررررررررررررررررر
ال VIP على علمي الصيف الماضي كانت تكلف 100 دولار امريكي
بس شو راحة غير شكل
من جسر الاردن لعند التكسيات اللي بدها تاخدك على الضفة ولا اسهل من هيك
سيارات مكيفة وانتي ما بتنزلي من السيارة وازا نزلتي بتنزلي بتقعدي في غرفة بيجيبولك قهوة ههههههههههههههه بتدللي
المهم ازا نزلتي مش VIP بدي انبهك من اشي
في جهاز عند اليهود بيكشف بالاشعة ديري بالك ما تدخلي الاطفال عليه كتيير خطير وانت كمان ما حاولي ما تدخلي لانو الاشعاعات خطيرة وكمان مابعرف بس بيخوف
وطمنينا وياريت تيجي تزوري نابلس وتتشري كنافة وحلو وتشوفي البلد القديمة واتاكدي رح تنبسطي كتير بالضفة بس اتزكري انو الصيف شووووووووووووووووووب
وبالسلامة ان شالله