من يساعدني من القاهرة ادخله الله الجنة وغفر ذنب

[umm nuray1]

بارك الله فيك عالمعلومات
إنت تقصدي 200او 2000 فبكده المعيشة حتبقى نار في مصر يعني اكثر من المانيا

[السلطانة]

إنت تقصدي 200او 2000 فبكده المعيشة حتبقى نار في مصر يعني اكثر من المانيا

لا اختي هي اكيد تقصد 2000 جنيه مصري واللي هي يعني حوالي 250 يورو واتصور انها لو كده تبقى برضه ارخص من المانيا
بس حسب متطلباتك انت وزوجك يمكن تبقى اقل من كده

وبعدين 40 او 50 متر ايه بس يا بنتي بحبحي نفسك انت في القاهرة مش في كارلسروهه امزح معك طبعا

على فكرة انا في هامبورج انت فين ؟؟؟؟

وخليكي على نصائح الاخوات الحي الثامن ارخص واقرب للمركز الذي تنشدينه
وبالتوفيق

[fofo2004]

موفقة

[روزا المصرية]

بارك الله فيك عالمعلومات
إنت تقصدي 200او 2000 فبكده المعيشة حتبقى نار في مصر يعني اكثر من المانيا

السلام عليكم ورحمة الله وبركاته

فعلاً يا أختي مثل ما قالت الأخت السلطانه.. أنا أقصد 2000 جنيه مصري.. وممكن تعيشي بأقل لو ضغطتي نفقاتك جداً.. لكن بما أنك معك طفلة لها احتياجات يبقى من الأفضل أن تعملي حسابك على 2000 جنيه مصري.. وهذا شيء لا يذكر عندما تحوليه إلى اليورو...

وفقك الله..

[noran_87]

والله حيببتي 2000 جنيه ماظنهم يكفوووووو للمعيشه في القاهره
والله اعلم

[umm nuray1]

بارك الله فيكم على الإهتمام والإفادة الرائعة
بالنسبة للاخت السلطانة انا ياحبيبتي في مدينة قريبة من كيل وبالنسبة للمعيشة انا بتكفيني انا و جوزي euro 200قبل ولادة بنتي كانت مرات 250euroوبعد بنتي دلوقتي 300euro او 350euroده للاكل بس وماتخافيش إحنا بناكل يعني مش مقضينها بيتزا هههههههههههه بشتري منaldiو Lidl و مرات من REAL اوplusاما المهم اللحمة و العيش اللبناني والحجات العربي فده من الاساسيات لان جوزي بيحب بس الاكل العربي فبشتريهم من محلات تركي واحد إسمه سلطان ماركت و الثاني إسمه نادي ماركت حجتهم غالية بس مستغناش عنها
بالنسبة يعني إننا عاوزين نقتصد فده لان انا و جوزي صغيرين وهو لسه حيخلصausbildenبتاعه هو ٢٤سنة يعني مش اغنياء والفلوس اللي حنسافر بيها بس محوشنها وكمان عاملين حساب الkindergeld يعني لازم نقتصد ومش عاوزين حد يساعدنا انا إتعرض عليا المساعدة من اهلي وكمان اهله بس إحنا عاوزين نجرب لوحدنا وانا معنديش حد في مصر اهلي كلهم في سويسرا انا امي عرضت تشتري شقة هناك يعني عشان العيلة ولان دي بلد ابويا بس انا وجوزي قلنا لا يعني ممكن تقولي راسنا ناشفة ومغامرين هههههههه
روزا المصرية إنت احرجتيني بزوقك وإهتمامك و مساعدتك ربنا يارب يبارك فيكي ويجعله في ميزان حسناتك يارب
nnnnn_nora إدعيلي يارب يكونوا كفاية
fofo2004آمين ويوفق كمان

بس قولولي 2000جنيه داخل فيها إيه بس اكل وشرب او حاجة تانية

[روزا المصرية]

السلام عليكم أم نوراي..

بالنسبة للـ 2000 جنيه مصري فهم غير شاملين الإيجار.. معيشة فقط.. يعني أكل وشرب... بس لو هتضغطوا مصاريفكم على الأخر.. لكن لو مثلاً خدتو راحتكم في الأكل (زي مثل أكل اللحم كل يوم، لأن اللحم هنا غالي وصل سعره إلى 45 جنيه مصري للكيلو..)

أعملي حسابك على من 3500 جنيه إلى 4000 جنيه مصري...

لأن المعيشة في مصر هنا على حسب ما تتحملي.. فيه ناس بتضغط على نفسها في الأكل مثلاً كتحديد أكل اللحم مرتين في الأسبوع (لضيق ذات اليد.. يعني عدم وجود موارد مالية كافية).. وفيه ناس لأ.. بتاخد راحتها حسب مستواها الإجتماعي

في النهاية.. خير الأمور الوسط.. لنقل مثلاً أنك تعملي حسابك على 1200 جنيه إيجار مفروش... و 3000 جنيه مصري معيشة... وبالتدريب تقدري توفري منهم في مصر... وفقك الله..