رسالة إلى بنات ينبع

[قلب هيثم]

بسم الله الرحمن الرحيم
يا حلوين انا عروسة جديدة وسكنت ينبع
نفسي احد يساعدني ويرشدني لأهم الاماكن الموجودة في ينبع
اللي ممكن استفيد منها خاصة ينبع البحر
سواء صوالين نسائية _ اسواق _ مطاعم _ مراكز كمبيوتر _ شاليهات .... الخ
ايضا حابة اتعرف على تاجرات المنتدى اللي ساكنين في مدينة ينبع
ولكم مني جزيل الشكر

[~ زاد المعاد ~]

ماشاء الله تبارك


قريباتي في ينبع


فيه وحدة منهم بالمنتدى


يارب تمر وتفيدك

[*بشرى*]

اهلين ياعسل
حياك عندنا في ينبع
انا من سكان ينبع الصناعية واذا تبغي اي شى عن ينبع الصناعية انا حاضرة
ينبع البحر فيها مركز (محمود سعيد) تلاقيه في شارع حنان
المحلات الموجودة فيه*نعومي _نكتار_بودي شوب* وشارع الحنان كلللله محلات بس عادية جدا
موجود كمان (سيتي ماكس _واحة الجلابية) بعيد شوية عن شارع الحنان
وكمان محل اسمه (سمينا بنفسك) انا مادخلته بس شكله من الخارج حلو
اما بالنسبة للمطاعم تقدري تروحي لفندق راديسون ساس عندهم بوفيه مفتوح
وفندق الدانات اعتقد عندهم مطعم والله اعلم
تعالي للهيئة الملكية وانا ادلك على المطاعم اللي عندنا
حياك ونورتي ينبع

[وحيده بدنيتى]

انا بعيده عن ينبع
تحياتى

[ليونة وامها]

اهلا ياقلب هيثم فيكي في ينبع في وسط اهلك ادلك اولا على التمشايات عندك شرم ينبع فيه شاليهات كثيرة ومتنوعة ورائعة ملاهي الحكير اذا تحبي تناقزين في الملاهي زي انا و في كورنيش جديد فتحوه الاسبوع الماضي في كورنيش ينبع مرة حلو الجو حلو اليومين هذه في ينبع للتماشي والهيئة الملكية مرة رائعة فيها حديقة اسمها صبح عائلية مفتوحة على البحر كلها عشب وحلوة لرياضة المشي والعاب للاطفال وكله ببلاش ثانيا المطاعم عندك في ينبع اكثره رز بخاري وبوفيهات وفي بيتزا هت في ينبع ماهي عوائل وفي الهيئة الملكية هي عوائل الاسواق زي ماقلتلك بشرى الصوالين في ينبع ماعرفها كلها اسمع عن لمسات يمدحو فيه طابت اقامتك عندنا في ينبع وعسانى مانسيت شي واذا تريدي اي خدمة انا حاضرة حبيبتي

[noran5]

السلام عليكم ورحمة الله وبركاته


أهلا و مرحبا بك عزيزتي ... قلب هيثم
..اتمنى ان تقضي برفقتنا أمتع الأوقات

سوف أنتقل بك غاليتي الى ركن السياحة و السفر
و ان شاء الله تجدي من الأخوات النصيحة الشافية
و الاجابة على استفساراتك عن هذه المنطقة

زواج مبارك باذن الله

[قلب هيثم]

*~ أم المقداد ~
*بشرى*
ليونة وامها
وحيده بدنيتى
noran5
ربي يسعدكم ويعطيكم العافية
مشكورين على الاهتمام وبالفعل استفدت من معلوماتكم
جزاكم الله خير الجزاء

[السلطانة]

ان شاء الله تفيدك هالروابط ،،، ومبارك الزواج عزيزتي

http://www.lakii.com/vb/showthread.php?t=287969&highlight=%ED%E4%C8%DA

http://www.lakii.com/vb/showthread.php?t=304733&highlight=%ED%E4%C8%DA

http://www.lakii.com/vb/showthread.php?t=173072&highlight=%ED%E4%C8%DA

[قلب هيثم]

السلطانة
الف شكر لك يا غالية ولجميع الأخوات
بالفعل استفدت من معلوماتكم
ربي يسعدكم ويحرّم الحزن عليكم
جزاكم الله خير الجزاء

[حب التميز]

منتجع اراك رووعه لاتنسيه

[>m&m<]

اهلا وسهلا بالضيفة الجديدة انا من سكان ينبع البحر ومثلك تماما ماسكنتها الا لما تزوجت بصراحة ينبع احلى مافيها انها جدا هادئة وان شاء الله تتأقلمين معاها بسرعة نجي للمهم عند شارع الحنان (عمر بن عبد العزيز)هذا كلللللللللللو سوق لكن مو حلو الا محل يورايت ومركز باجنيد اللي قالت عنو الاخت من قبلي مركز محمود سعيد فيه كوفي شوب نسائي ونعومي ومكياجي وبودي شوب وزيرو ون .......الخ عندنا سيتي ماكس وسيتي بلازا في الهيئة ومارينا وواحة الجلابية وسمينا بنفسك حلو كمان وفي يوتو واسبري وبالينو في الهيئة وعندنا الدانة مول بس لسه مااكتمل بالنسبة للمطاعم في الهوليداي ان راااااااائع وراديسون ساس كمان صن ست على البحر اكلو يم يم غير مطاعم الوجبات السريعة وكمان مطاعم الهيئة الملكية رهيبة بالاجماااع(الشاهين_المحيط_شنغريللا_كادي) وفيه كمان بالنسبة للمشاغل لمسات _سدرا_المتميزة_قصر الملكة كلها معقولة..طولت في الكلام بس اتمنى اكون افدتك.

[>m&m<]

على فكرة انت وين ساكنة ليكون جارتي الجديدة اللي قدامي هي كمان عروسة...... انا في ج21

[أحب أمي كثير]

السلام عليكم
انا دخلت الموضوع ولا لي دخل فيه
انا مو ساكنه في ينبع ولا اعرف احد هناك ولا قد رحت لها
بس بقول مبروووووووووووووووووك للعروســــــــــــــــــــــــــه الجديده

[قلب هيثم]

حب التميز
تسلمي حبيبتي رحت أرآك بالفعل رائع
&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;

>m&m<
الله يسعدك يا عسل
معلوماتك جدا مفيدة وترى انا اجتماعية جدا وحبيت ينبع وطبيعتها الهادئة
الهوليداي ان راااااااائع وراديسون ساس زرتها كلها وبالفعل جميلة
صن ست على البحر حلوة جلسة وزيارة فقط لكن اكلهم مو قد كذا
مطاعم الهيئة الملكية (الشاهين_المحيط ) جدا رائعة زرتهم واكلهم خطير
أما ( اشنغريللا_كادي) لسة ما زرتهم وياليت تعطيني عنوانهم بالتحديد
أما الصوالين النسائية شفتهم من برا بس ما دخلتها
ياليت لو تعرفي مراكز الكمبيوتر النسائية الموجودة في ينبع البحر تحددي لي مواقعها بالضبط
وعلى فكرة انا في ش المطار الجديد حي العصيري او الصعيري ما ادري
امس حفظت العنوان واليوم نسيت الاسم
بس عموما اظن انك قريبة من حينّا
مشكورة كل الشكر وسامحيني كلفت عليك
ربي يسعدك ويحفظك يارب
&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;&#175;

أحب أمي كثير
تسلمي ياعسل الله يبارك فيك ويسعدك دنيا و آخرة
ويحرّم الشقا على عيونك ياغالية

[>m&m<]

اهلا وسهلا مرة ثانية والف شكر على الدعوة الحلوة بالنسبة لمراكز الكمبيوتر النسائية للاسف مافي في ينبع لكن افضل مركز عندنا هو الشعار الذهبي
اما بالنسبة للمطاععم كادي مطعم صغير في الدورالثااني في سوبر ماركت النجمة وشنغريللا مطعم صيني بجنب قصر الضيافة كلها طبعا في الهيئة
واي طلب تحتاجينه (نحن في الخدمة داااااااااااااااااااائما)