تكفون ياأهل الرياض ساعدوني

[الفراولة 2]

السلام عليكم ورحمة الله وبركاته
هذا أول موضوع لي في هذا المنتدى الأكثرمن رائع ويخص أهل الرياض
تكفون ساعدوني أنا مغتربة في الرياض وأبغاكم تدلوني على أسواق ومطاعم وأماكن جلسات تكون حلوة
ولكم جزيل الشكر

[كايين]

منورة الرياض بوجودك
عندك شارع التحليه وشارع الملك عبدالله أغلبه مطاعم وجلسات كوفي للعائلات
كذلك في شارع الثلاثين مطعم وقهوة سعد الدين عندهم جلسات للعائلات
والاسواق عندك المملكه الفيصليه صحاري حياة مول وغرناطه ما شاءالله الرياض كلها اسواق
ممكن تزورون متاحف مثل متحف صقر الجزيرة او قصر الحكم وتروحون لحديقه سلام
كذلك منطقه الثمامه كلها منتزهات والعاب
على الدائري ستار ستي /ملاهي الحكيرلاند /وفيه المرسى جلسات وشاليهات مع المسبح وفيه العاب ومطعم
ارجوا لك اقامه طيبه في الرياض الحبيبه

[الفراولة 2]

مشكور وما قصرت الله يعطيك العافية على الرد
حديقة سلام أنا رحتها وماشاء اللة مرة حلوة وكبيرة وعجبتني كثير
وإنشاء الله أروح الثمامة بس فين موقعها

[سنا الفنار]

مرحبا.. بالنسبه للمطاعم فيه مطعم الدور ال11 في برج الفيصلة وفية القلوب برضوه في الفيصليه..
وفيه مطعم بالفندق نفسه مرة حلوه جلساته مكشوفه في الحديقة مررررررررررة حلو..
و أذا انت من عشاق الأكل الهندي في مطعم بالتحلية على شكل تاج محل مره حلو..
و الأيراني شيراز و أحلى بوفيه مفتوح في الرياض بوفيه أسماك النافوره في طريق الملك عبدالعزيز أكلهم حلو بس ديكوراته عاديه
والاسواق اتوقع أن صحارى شامل لكل المحلات تقريبا..
و أتمنى أنها تعجبك..
.

[سنا الفنار]

مرحبااااااااا

مرحبا.. بالنسبه للمطاعم فيه مطعم الدور ال11 في برج الفيصلة وفية القلوب برضوه في الفيصليه..
وفيه مطعم بالفندق نفسه مرة حلوه جلساته مكشوفه في الحديقة مررررررررررة حلو..
و أذا انت من عشاق الأكل الهندي في مطعم بالتحلية على شكل تاج محل مره حلو..
و الأيراني شيراز و أحلى بوفيه مفتوح في الرياض بوفيه أسماك النافوره في طريق الملك عبدالعزيز أكلهم حلو بس ديكوراته عاديه
والاسواق اتوقع أن صحارى شامل لكل المحلات تقريبا..
و أتمنى أنها تعجبك..
.
.

[عزوتي ابوي]

حيا الله من لفانا..
اي خدمة ثانيه اختي فراولة حنا بالخدمة...
واعتقد البنات ما قصروا بالمطاعم..
وفوا وكفوا....

[الفراولة 2]

مشكورين ماقصرتو بس ودي أستفسر عن سوق صحارى اين يقع

[فهد السليمان]

تحياتي0 سوق صحاري يقع في تقاطع طريق الملك عبدالله مع الملك عبدالعزيز

[CPT]

أولا ما عندك أي مشاكل يبدوا أنك تندرجي تحت شعار (( للعوائل فقط )) .. و هذا يسهل مهمتك في التجول و زيارة الكثير من المحال التجارية في الرياض و مطاعمها ..
بالطبع من سبقوني أشاروا للعديد من الأماكن و التي تقع في شمال الرياض .. و سأدلوا بدلوي ..
يعتبر طريق خريص أحد الشوارع الرئيسية في الرياض يقع عليه العديد من المراكز التجارية و المجمعات ..
طريق الملك فهد .. وهذا يربط الرياض من الشمال إلى الجنوب و العكس .. و إذا أتجهتي جنوبا على هذا الطريق تصلي لمنطقة قصر الحكم و (( الصفاه لكن نصيحتي لا تزوريها يوم الجمعه .. ترى قلت لك )) و تمتاز هذه المنطقه بوجود المناطق الأثرية و المتحف أضف لذلك العديد من المحال التجارية للجملة و بيع الأشياء الأثرية ..
و إذا أتجهتي شمالا على طريق الملك فهد لديك العديد من المراكز التجارية كالفيصلية و المملكة أشهرها ..
لديك في حي الملز حديقة الحيوانات و حديقة الجبل ..
في منطقة الثمامة المتنفس الوحيد لأهل الرياض وقت الأمطار تجدي (( الرمال الذهبية و التي يخيل لك عند مشاهدتها و كأنك تنظري للشاطيء الذهبي في أستراليا .. ** ))
شارع العلياء العام .. طريق العروبة

إذا أحببتي ممارسة رياضة المشي لديك طريق الملك عبدالله و المدينة الطبية و منطقة إستاد الملك فهد (( لا أنصحك بالخروج قبل الساعه 8 مساء %% ))

المطاعم :
بصراحة من كثرها ما أقدر أعددها ما في شارع في الرياض إلا وفيه مطعم .. لكن إذا كنتي من هواة الأكل البحري مثلي .. الله يعينك على مشوار 400 كيلو متر ذهابا إيابا إلى سوق السمك في الدمام .. شيء طازج ..

ــــــــــــــــــــــــــــــــــــــــــــــــــ ــــــــــــــــــ
معاني الكلمات :
** لا تصدقي
%% الجو حار

ـــــــــــــــــــــــــــــــــــــــــــــــ

إعلان :
ياليت من يعرف وين الاقي سرطان البحر في الرياض يفيدنا ..