اخواتى المصريات ساعدوا بنت بلدكم...............
السلام عليكمازيكم يا اخواتى نفسى اوى فى الصيف اروح اسكندريه لانى بحبها موت
لو تعرفوا فنادق فى اسكندريه اسعارها معقوله يعنى
انا من مصر بس ياريت الاخوات الى من اسكندريه يفدونى
ياريت تقولولى على اسماء الفنادق واماكنها فنادق 4 نجوم
-
السلام عليكم
ازيكم يا اخواتى نفسى اوى فى الصيف اروح اسكندريه لانى بحبها موت
لو تعرفوا فنادق فى اسكندريه اسعارها معقوله يعنى
انا من مصر بس ياريت الاخوات الى من اسكندريه يفدونى
ياريت تقولولى على اسماء الفنادق واماكنها فنادق 4 نجوم -
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ -
حبيبتى انا من اسكندريه وبالنسبه للفنادق ال 4 نجوم وعلي البحر فيه فندق سيسل وفندق قاعودة وفندق مكه بس بالنسبه للاسعار انا هسالك وانزلك الاسعار اوك حبيبتى مع السلامه مؤقتا بقيتعليق
-
ربنا يخليكى ليه يا ورده المنتدى الحمد لله لقيت حد سأل عنى
ومعلش لو عندك نمر التليفون يعنى يبقا كتر خيركتعليق
-
ويخليكى ياقمر يارب
اللي هكتبهوملك دول فنادق عالبحر و4 نجوم ودى نمارهم
اوك ياقلبي
فندق سيسل
العنوان:26 ميدان سعد زغلول .محطه الرمل
التليفون:4877173
وطبعا انتى عارفه كود اسكندريه 03 وبعدين الرقم
فندق سان جيوفانى
العنوان :205 طريق الجيش استانلي
التليفون:5457394
فندق بلازا
العنوان :394 طريق الجيش زيزينيا
التليفون:5838714
فندق الحرم
العنوان :162 طريق الجيش كليوباترا
التليفون:5464059
فندق ميركيور
العنوان:303 طريق الجيش سابا باشا
التليفون:5840912
فندق قاعود
العنوان:133 طريق الجيش سبورتنج
التليفون:5431008
فندق مكة
العنوان:44 طريق الجيش كامب شيزار
التليفون:5923925
يارب اكون قدرت افيدك واى استفسار لاى فندق انا موجودةتعليق
-
حبيبة قلبى الورد الحمرا
بجد انا موش عارفه اقولك ايه
انا حاطه الموضوع من زمان ومحدش سأل عنى
ربنا يجليكى يارب ويسعدك ويوفقك فى حياتك
وكده كله تمام هتصل بيهم وأسألهم على الاسعارتعليق
-
حبيبتى ربنا يخليكى ليا يارب متعرفيش انتى فرحتينى ازاى بدعوتك ليا والله
وعموما اى حاجه عايز تعرفيها انا موجوده او عايزة اى حاجه والله انا مش هتاخر وجربي
وسلام ياقمرتعليق
-
والله يا ورده المنتدى انتى جدعه اوى ان شاء الله نكون صحاب ونتقابل فى البيت المصرى على طول
تخيلى انا امنيه حياتى انى اشترى شقه فى اسكندريه
انا بموت فيها موووووووووووووووت
وخصوصا وانتى كمان منها ربنا يخليكى
طيب تفتكرى سعر الفنادق دى فى اليوم ايه
ممكن تخمنيلى لو موش عارفه موش مشكله
باىىىىىىىىىىىىىتعليق
-
والله حبيبه قلبي انتى احسن ولو جيتى اسكندريه والله هتنوريها ووالله ده شرف ليا انك تبقي صحبتى
وعلي فكره ياقمر انتى لو اشتريتى شقه في اسكندريه هيبقي اوفرلك من انك تنزلي كل صيف في فنادق ولو عايزة شقه بردو انا ممكن اشوفلك في الوسيط بتاع اسكندريه واكتبلك الاعلانات الموجوده فيه
وبالنسبه لاسعار الفنادق ياقمر ولا يهمك بكره اعرفلك بس انتى قوليلي عايزة الغرفه ايه فردى ولا مزدوجه وعايزاها علي البحر ولا لا علشان اسالك علي اللي انتى عايزاه
اوك ياقمر سلام مؤقتتعليق
-
انا جربت الاتنين دول و همة متازين اوى
فندق الحرم
العنوان :162 طريق الجيش كليوباترا
التليفون:5464059
فندق ميركيور
العنوان:303 طريق الجيش سابا باشا
التليفون:5840912
بس فندق ميركيور احسن بكتير بجد حلو اوى بس للاسف مش عارفة الاسعار لانى كنت باخد تخفيض تبع الشركة اللى بشتغل فيها و فعلا فكرة الشقة اوفر بكتير بس بقى لخمة فى الاكل و التنضيف و دة
و المفروض الواحد رايح يقضى اجازة مش ينضف و يطبخ
اجازة سعيدة حبيبتى فى احسن مكان و احب مكان لقلبى فى الدنيا اسكندرية شط الهوى و التراب الزعفران
امانة تسلميلى عليهاتعليق
-
ايه يا ورده انتى روحتى فينتعليق
-
تعبك راحه يا حبيبه قلبي ومعلش اتاخرت عليكى علشان والله الكمبيوتر صحيت لقيته بايظ لواحده كده ولسه اخداه
حبيبتى انا كلمتلك الفنادق وسالتلك
سيسل:810بالفطار
بلازا:430 بالفطار
سان جيوفانى :451 بالفطار
الحرم :145 بالفطار
ميركيور:418 بالفطار الايام دى
في الصيف :525 بالفطار
مكه:210 بالفطار والعشا في الصيف
180 الايام دى
واى استفسار انا معاكى ياقمرتعليق
تعليق