مهرجان التسوق بدبي

[Pioneer Lady]

يا الله يا بنات دبي همتكم.... ممكن تعطونا فكرة عن احسن الاماكن والمطاعم الراقية اللي بدبي وايش هي برامج المهرجان وين تصير بدبي.. صديقتي عروسة وناوية تروح دبي باجازة العيد.. وهي تحب الاسواق والمطاعم الفخمة.. ممكن يا اهل دبي تدلونا.... واللة يسعدكم دنيا واخرة....

[خوخه 15]

مرحبا أختي

اول شيء أسأل الله العظيم ان يبارك للعروسين وأن يجمع بينهما في خير

وبخصوص سؤالك يسرني ان اجاوبك ببعض المعلومات عن دبي

( شكلي بصير دليل- لك-السياحي امس الكويت واليوم دبي )....

الأسواق المميزه :-

1- مجمع ابن بطوطه ويقع على شارع الشيخ زايد وهو كبير جدا ومن طابق واحد

وبه عدد من المطاعم والمحلات والمقاهي ويوجد به سينما.

2-مول الأمارات وهو اكثر من طابق (سوق فخم وجميل ومريح) وبه صاله للتزلج

ومدينه مصغره للألعاب بالأضافه لعدد من المطاعم الفخمه والمقاهي ودور السينما.

3- ( ميركاتو) مجمع إيطالي فخم على شارع الجميره ويتميز بفخامةالتصميم وروعة

البناء و يقع في طابقين ويحوي ايضا على عدد من المطاعم والمقاهي.

4-مجمع برجمان ويقع في بردبي وهو من المجمعات المتكامله وفيه حركه كبيره وتسوق

أكثر من غيره...ويحتوي على مقاهي ومطاعم كثيره وهو اكثر من طابق .

5- السيتي سنتر مجمع كبير في ديره دبي .................. فيه نفس اللي قبله.

اللي فوق أهم المجمعات وفيه اسواق تستاهل المرور خصوصا اللي يزور دبي أول مره

مثل سوق نايف وسوق الذهب في ديره ووسط ديره ..

وفيه صراحه سوق عجبني رووووووووعه رغم صغره وهو السوق الشعبي التابع

لمدينة الجميره وفنادق السلام والقصر.... شي جميل مررره تحف وهدايا بس تراهم

غالين شوي ! وفيه يمهم مقاهي تراثيه جميله جدا ...

بس لا تنسين انتي وزوجك تركبون ( العبره ) وهي سفينه صغيره توصل سكان الفنادق

عن طريق الممرات المائيه مجانا ,,شي خياااال وأجواء رائعه لا تفوتينها ..بتدعين لي ..

وترى الأمر عادي انصي موقف العبره واذا سألك الموظف قولوا بنروح نتقهوا اونتعشى

في فندق القصريعني عادي...... لأني بصراحه شفت ناس واقفين ومحرجين يركبون

يحسبونه خاااص لسكان الفنادق..


شكلي تعبت بكمل لك بعدين إن شاء الله

[ام فصفص]

ماشاء الله عليكي ياخوخه انا داخله متحمسه ع بالي عندي معلومات والله كفيتي ووفيتي ياحلوه

واذا بتروح بالعيد القريه العالميه مره حلوه وخليها تكثر فلوسها مو غاليه بالعكس بس كل شي

فيها والحدايق عندهم مره حلوه وقوليلها تسلم لي ع الامارات كلها احبها مووووووووت الامارات

واهلها وعلى ام خماس كثييييير السلام.

[Pioneer Lady]

يعطيكي العافية يا قلبي خوخة واللة ما قصرتي... تسلمين على هالمعلومات الحلوووووة......

[Pioneer Lady]

وانتي يا حلوة يا ام فصفص شكرا على معلومتك عن القريه... تسلمين يا عمري ....

[شذى الجنان]

ما شاء الله عليها خوخة خبرة خبرة , ما خلت شيئ حقنا ..
وازيد على كلامها :
ان الحينه بيبدأ المهرجان وبيفتحون القرية العالمية , فيها اشياء روووووووووووووعة ومال كــــــل الاماكن يعني مافي داعي انها اتساافر بلدان ثانية عشان تشتري لها ....

[خوخه 15]

جزاكم الله خير جميعا

وإستكمال للموضوع هناك بعض الأماكن الجميله والرومانسيه ( وفي هالوقت حلوه بدبي)

أهمها :-

1- المرسى (مرسى اليخوت بالجميره) ويقع بجوار المدينه الأعلاميه وهو عباره عن

مطاعم ومقاهي وقعدات داخليه و خارجيه وممرات مشي رووووعه ومكان روماااانتيك وفخم .

2- حديقة الخور ( لهواة المشي والحدائق والأطلاله الجميله على خور دبي)

3- المطاعم العائمه وتجدينها في الجهه المقابله لحديقة الخور... سابقا كان مطعم البوم

جميل ولكن بعد زيارتي الأخيره كان اكلهم رديء وتعاملهم سيء (طلبت انا وزوجي نطلع

على سطح السفينه في الهواء الطلق فرفضوا بحجة القوانين وتفاجأت ان المطاعم

العائمه الثانيه كل العالم قاعدين فوق )

4- الباص العجيب (باص برمائي) ويقع مكان الحجز والأنطلاق من سوق برجمان ورغم

اني اشوفه عادي قياسا الى دعاياته الا انه يظل فكره جميله وميزته انه يلف بكي بعض

المناطق اللي بدبي عن طريق الخور..

5- أخيرا عندي نصيحه لكل بنات السعوديه اللي يروحون دبي خصوصا اللي إمكانياتهم

الماديه جيده ويستطيعون السكن في الفنادق اللي تقع على شاطيء الجميره ..أن يستمتعوا

بالشاطيء الجميل (خصوصا في المساء) وأن لا يتركوا الشواطيء فقط للأجانب ..

أما الذين امكانياتهم الماديه لا تسمح في السكن فلا مانع ان يقوموا بزيارة هذه الفنادق

والتمشي فيها و خصوصا بالنهار وأخذ فنجان قهوه او شاي بأحد مطاعمها او مقاهيها

خصوصا في غير اوقات الوجبات .. وهذه الطريقه تعطي للرحله رونق ومتعه ورومانسيه.

أخيرا اتمنى للجميع الخير وللعروس التوفيق..

أختكم خوخه 15

.

[Pioneer Lady]

يا قلبي واللة يا خوخة واللة انك نشمية مانسيتي !!!! اللة يسعدك دنيا واخرة...

[السلطانة]

( شكلي بصير دليل- لك-السياحي امس الكويت واليوم دبي )....

الله لا يحرمنا منك ياخوخة كفيتي ووفيتي ..
ياهيك المساعدة يا بلا جعله الله في ميزان حسناتك غاليتي

[خوخه 15]

Pioneer Lady

لا شكر على واجب وأنا حاضره

السلطانه

جزاك الله خير ويسعدني ويشرفني أساهم مع باقي البنات في وضع لبنه أخرى

لإرتفاع الركن..حتى يصبح مرجع مهم من مراجع السياحه إن شاء الله.

[سعد1]

مازالت المعلومات مفيده حتى تاريخ اليوم
يسلموووووووووووووووووووووووووووووا