شقق مفروشه بالرياض

[samioy]

وصلني على البريد
الشقق حلوه وواسعه وشرحه وخدماتهم بصراحه متميزه جدا جدا جدا والفرش والمفارش مره نظيفه وجريده يوميا مجانا باختيارك ويغسلون سيارتنا كل يوم بس مشكله ان الحمام الخاص بالرجال ضيق ياليت لو يوسعونه واسعارهم وايد متواضعه وشكر لك اخي

[naddoda]

أنا مصرية و زوجى معروض عليه عمل بالرياض(العليا) و أريد أن أعرف ما هى اختيارات السكن؟؟؟ هل شقق فندقية فقط أم هناك شقق مفروشة و شقق خالية للإيجار؟؟؟ و ما هى الأسعار فى هذه المنطقة؟؟؟

[$$ديم$$]

انا من اهل الرياض واتمنى افيدكم فيه الخليوي رائعه وبها اكثر من فرع وشقق الحمرا وكذلك فيه اجنحة خريص الفندقيه جديده واسعارها330 ريال تقريبا وبها كل اللي تبي وفخمه وبها حتى خط الدي اس ال مجانا اتمنى اكون افدتكم وعموما شقق الرياض كلها او اغلبها حلوه واسعارها بهالحدود

[sim3892]

نصيحه

انا لسا راجعه من الرياض ونصيحه لا تقربو المركن اللي بشارع العليا مقابل هايبر بنده. الشقه كبيره مررره لكن راح اذكر لكم العيوب:
- صراصير والله صراصير بالشقه
- نمل (القراريص) كثيره لما صحينا الصباح
- تخيلو ان الانوار اللي موجوده بالسقف من النوع اللي يحطونه في الاعراس وهي عقود اللمبات. نوع رخيص مرررره. بوريال وانت ماشي
- المروش بدون رشاش
- باب الحمام اكرمكم الله ما يقفل واذا بس سكرتي الباب ماتقدر تفتحيه الا من الخارج
- المكيف وااااه من المكيف اما بااااارد ثلج او حااااار تمووتين من الحر. تلك الليله مانمت سهرانه من المكيف تعبني
- الانترنت دايل اب مو دي اس ال. تخلف واضح
- الاستقبال طلب زوجي بطانيه زياده مرتين ولا جابوها وبعدها بطلنا ماابغى بطانيه
- القبو لموقف السيارات مقرف والمصعد ماينزل للقبو اصلا. تظطرين انك تطلعين الدرج اذا وقفنا السياره بالقبو.
- التلفزيون وقنواته مرره قليله وواضح عدم الاهتمام فيها
- البقاله الموجوده اسعارها مضاعفه. تخيلو اشترى زوجي علبة تايد بريالين ولما قال للاستقبال ان العلبه مكتوب عليها من المصنع انها بريال. تدرون ايش رده علىزوجي: قال له اننا نوفر خدمه لك وسعرها كذا عندنا بريالين.
- بالمجمل: واضح عدم اهتمام المالك بالشقق. وحتى لو قلتو لي ان المالك متواجد دائما. اقول لكم انها مهمله.

حنا دفعنا اجار ليله وفي نيتنا اننا راح نجلس بالرياض ثلاثة ايام بس اول يوم وبعدها طلعنا من المركن ورحنا لبودل طريق خريص وشفنا الفرق. صحيح دفعنا اكثر بس دفعنا لراحتنا