أبغى برنامج سياحي في مصر

[بـــتـــول]

السلام عليكم ورحمة الله وبركاته


هذي أول مره أسافر فيها لمصر واتمنى من اخواتي اللي عندهم خبره في مصر يدلوني على برنامج سياحي مرتب

ولكم جزيل الشكر والامتنان



اختكم

[الوردة الفريدة]

السلام عليكم ورحمة الله وبركاته

عارفة صحيح الدنيا سلف ودين انا لسه رادة عليكي حالا في موضوع تبوك وقلت اشوف البنوتة اللي جاية مصر اول مرة دي وعايزة معلومات اقولها شوية حاجات بسيطة كده من معلوماتي

بصي يا ستي مصر طبعا عاصمتها القاهرة معلومة قديمة والقاهرة تطل على النيل جميل جدا يعني لازم تقضي لك حوالي اسبوع كده في القاهرة تروحي الهرم والبرج ودريم لاند ومدينة الانتاج الاعلامي والقلعة والمتحف المصري وحديقة الازهر

هاقولك على حاجة حاجة فيهم الهرم طبعا معروف وفيه معاه ابو الهول والمنطقة كلها اسمها الهرم وممكن يوم ما تروحي تزوري الهرم تقضي فيه ساعتين او 3 وتطلعي على دريم لاند على طول تقضي اليوم هناك
دريم لاند دي مدينة ترفيهية فيها ملاهي ومطاعم وممكن تقضوا اليوم كله هناك وجنب دريم لاند على نفس الطريق (طريق مصر اسكندرية الصحراوي) فيه مدينة الانتاج الاعلامي دي كمان عايزة يوم كامل وفيها عرض الدولفين وعروض تانية جميلة

فيه كمان قرية اسمها القرية الفرعونية بتخليكي تعيشي في جو قدماء المصريين والفراعنة وممكن تلبسوا لبس فرعوني وتتصوروا بيه كمان

بالنسبة للبرج اعتقد انه مشهور جدا جدا المناظر من فوق جميلة جدا هتشوفوا كل القاهرة والتذاكر للعرب غالية ولازم وانتم تحت تقطعوا تذاكر للمطعم لو ناويين تقعدوا في المطعم الدوار اللي في البرج

القلعة موجودة في مصر القديمة بتقفل الساعة 5 بعد الضهر يعني لازم تكونوا هناك 10 الصبح عشان تلحقوا تشوفوها وتلفوا فيها براحتكوا ووهتعيشي فيها في جو محمد على والمماليك وبرضو فيها مناظر حلوة اوي

المتحف المصري في ميدان التحرير اوعي متروحيش تشوفيه وتشوفي كنوز توت عنخ آمون اللي حيرت العالم كله وحضارة مصر عبر العصور المختلفة

حديقة الازهر بقى حاجة تحفة بجد بجد تجنن لانها على تلة كده فبتشوفي من حواليها مناظر للمباني والمآذن تحفة وغير كده كلها خضرة وزرع منسق بشكل حلو اوي وفيه مطعم هناك على بحيرة صناعية القعدة فيه تحفة وكمان فيه مطعم كبير اوي برضو القعدة فيه حلوة اوي انصحك تروحيها بعد العصر وتستني فيها لحد ما الدنيا تضلم لان الاضاءة فيها جميلة جدا جدا ونافورات المية بتعمل مناظر جنان يعني الحقيقة جوها في النهار غير جوها بالليل فروحي بعد العصر والدنيا لسه نهار تكون حدة الشمس انكسرت اتغدوا في المطعم واقعدوا شوية وانزلوا بعد مغيب الشمس اسمتعوا بجو الحديقة بالليل

طبعا اوعي تنسي خان الخليلي والحسين والسيدة عائشة والازهر لازم تزوريهم كلهم وكلهم في منطقة واحدة وممكن تاخدي تذكارات حلوة اوي من خان الخليلي وهدايا هتعجب اصحابك اوهلك اوي

بتول انتي ناوية تقعدي في مصر اد ايه؟؟

لسه هاحكيلك على اسكندرية بلدي وكمان ممكن تروحوا شرم لو معاكم وقت واهلا بيكي مصر هتنور بوجودك يا اختي

[الدلوعة2005]

حبيبتي روحي مصر مش حتندمي ابدا

[ام سلمى الامورة]

بتول انا يسعدني جدا اني اقولك على اماكن السياحة في مصر بس فعلا ياريت تردي على نهي في سؤالها عن المدة اللي انتي ناوية تقضيها وكمان انتي عندك كام سنة علشان نقدر نقولك على الاماكن اللي ممكن تستمتعي فيها وهل انتي جاية مع الاهل والا مع زوجك واطفالك يعني فيه اماكن معينة لسن معين انتي فاهمة قصدي كمان انتي نازلة فين علشان البرنامج بتاعك مايضيعشي نصه في انتقالات عموما انا فعلا مستنية ردك عليا وعلى اساسه ممكن اعملك برنامج سياحي لاني انا مسئولة عن النشاط السياحى في الشركة اللي انا فيها وممكن ارتب لك برنامج من اول ماتصحي لحد ماتنامي بس كمان امكانياتك اد ايه يعني مثلا فيه برنامج 3 نجوم وبرنامج 4 نجوم وبرنامج 5
كمان اماكن التسوق بتختلف حسب القدرة المالية والا انا غلطانه

[مرشد _سياحي]

اختي العزيزة اريد انا اقدم لكي برنامج سياحي رائع لكي تزوري كل الاماكن في القاهرة ومصر اولا انا مرافق سياحي مجاني لا اتقاضي اجر اقدم لكم جميع المساعدات من حيث عمل افضل الحجوزات في جميع الفنادق والمطاعم وطبعاهذا سوف يوفر عليكي الكثير لاني اعمل الحجز علي اساس اني مصر وليس اجنبي كمثال فيلا في فندق في شرم الشيخ للجانب ب 1000 جنية في اليوم للمصريين ب 400 جنية في اليوم هذا كمثال وانا اقوم بتعرفيك بكل الاماكن في القاهرة وخارج القاهرة ومن اول يوم في القاهرة اكون في استقباللك في المطار وتقديم العون للك والتفاق معكي علي مواعيد البرنامج السياحي وافضل الاماكن التي تريد زيارتها والاماكن التي تصلح للسهرات الليلة والرحلات الي الصحراء ورحلات الغوص ورحلات السفر الي شرم اليخ او اي مدينة خارج القاهرة وارجو انا اكون مرافقك السياحي داخل القاهرة الايميل vipsea22@hotmail.com او هاتف 0020122766784 والسلام عليكم ورحمة اللة وبركاتة

[بـــتـــول]

الطامعه في مغفرة الله

وعليكم السلام ورحمة الله وبركاته

فعلاً جلست اضحك لما رديت عليكي في موضوعك حق تبوك وقلت قدم السبت تلقى الاحد

ومشكوره على المعلومات المشوقه

وياليت تكتبي لي عن الاسكندريه وعريش ومرسى مطروح بالتفصيل

واكرر شكري لك ياغاليه



سلااااام

[بـــتـــول]

الدلوعه

أكيد اللي يروح مصر ام الدنيا مش حيندم

ومشكووووره على ردك يالغاليه




سلااااااااام

[بـــتـــول]

أم سلمى الأموره


ياهلا فيك يالغاليه


بالنسبه لي راح اجلس اسبوعين تقريباً

وبالنسبه لسؤالك أنا متزوجه وعندي اربع أولاد لكن السفريه لي أنا وزوجي بس يعني بدون الأولاد


وياليت تقولي لي على برنامج متوسط يناسب اثنين رايحين يتمشوا ومعاهم 15000 جنيه فقط

بصراحه زوجي مش مرتبط بوقت معين يقول اذا خلصت الفلوس نرجع

ونسيت اقولك على حاجه زوجي راح يشحن السياره حقته يعني ماراح نكون في حاجه للمواصلات

وللمعلوميه زوجي سافر ثلاث مرات لمصر قبل كذا لكن المثل يقول (( أهل مكه أدرى بشعابها ))

وانتم أهل مصر وادرى فيها وأي شي راح تنصحوني فيه أنا راح آخذه في عين الاعتبار


ومشكووووووووووره اختي ام سلمى على ردك واهتمامك

وفي انتظار ردك يالغاليه




سلااااااااام

[مرشد _سياحي]

ارجو االاتصال بي اختي لتنسيق برنامج غير مكلف في مصر 0020122766784

[ام سلمى الامورة]

بسم الله الرحمن الرحيم
بتول باذن الله تنوروا مصر كلها وانتظريني في القريب العاجل لاكتب لك البرنامج بتكاليفه المتوقعة واذا كان ممكن على الخاص انا تحت امرك حاولت ارسل لك رسالة فلم استطيع
ولكن البرنامج على السريع ممكن ان يشتمل على
4 ايام في القاهرة بين :
الازهر والحسين والمتحف المصري والاهرامات ومدينة الانتاج الاعلامي والقرية الفرعونية وبرج القاهرة والقلعة ومسجد السيدة زينب وكرداسة ونزهة على النيل وليلة محمدية في مدح الرسول عليه الصلاة والسلام وحديقة الازهر
1 يوم في الفيوم
3 ايام في الاسكندرية بين
قلعة قايتباي ومزارات الاسكندرية وشواطئها والكورنيش الجميل
6 ايام في شرم الشيخ

اذا كان هناك اماكن معينة تريدين الذهاب اليها فادرجيها في رسالة منك وكذلك هل تفضلي الاقامة في فندق بالوجبات او انك تفضلين الاقامة في شقة مثلا في اي مكان تذهبي اليه مع زوجك وفي هذه الحالة لاتشغلي بالك بموضوع الوجبات فهذه اصبحت تصل من اي مطعم او فندق حتى البيت

انا في الخدمة وبجد هاسالك على اسعار بدائل تختاري منها وانا واثقة ان اي حد هيحب انه يدلك علشان تقضي اجازة جميلة في بلدك التاني مصر

[كتكوتة صغيرة]

بتوووووووووووووووووول جيتي على الجرح انا اموت في شي اسمو مصر واحب اررررررروح كل مكان اذا انتي تحبي أماكن تاريخية ممكن تروحي القللعة لا تفوووتك وكمان المتحف المصري يجنن بس الله يعينك على الحر لأنو مو مكيف كمان فيع القرية الفرعونية مرررررررررة حلوة بس فيها مش كثيييييييييييييييييييييير بس مرة حتعجبك وحتدعيلي اما بالنسبة للمطاعم كمان روعة فيه المطعم الإيطالي ومطعم للسمك في سفينة اسمها النيل سيتي وفي مطعم يجننن اسمو تكية حق اكل مصري وفي كمان في وشو محل اسمو العمدة بس مفتوح على الهوا انا عني امووووووووووووووووووووت في السهرات يكون فيه غنا بس فيه ناس كثير ماتحب في سسفينة اسمها سن ست حلوة وفيه محل اسمو البيت بيتك وكمان فيه مطعم ابو شقرة وغيررررررررررررررررررة كثييييييييير اتمنى اكون فدتك

[jihad]

اولا مرحبا بيكى فى مصر ومصر حاتنور بيكى وبزوجك حبيت بس احيكى واقولك تشرفينا واضيف معلومه واده عن مرسى مطروح لانى لسه راجعه منها رووووووووووووعه رووووووووووووووووعه البحر والوانه والرمال النظيفه والشواطى ولا تنسى تاخدى معاكى كاميرا فيديو عشان تصورى احلى مكان فى العالم وهو شاطى اسمه (عجيبه) وانصحك لو رحتى مطروح تروحى بالطياره او بالسوبر جيت عشان مكيف والاسعار فى مطروح حلوه ورحيصه لو قارنتيها بباقى اماكن الساحل الشمالى زى مارينا وغيرها مطروح ارخص بكتير ومتنسيش تروحى شاطى الغرام اللى غنت عليه ليلى مراد

وفى النهايه اتمنى لكى رحله سعيده لمصر وانك تستمتعى فيها ولا تنسى تشترى احلى الاقطان وارقى ملابس للسيدات من وسط القاهره او من اى مول يعجبك