تويت
((( محتارة فى أهمية بعض الغرف .. تعالوااااااااا ساعدونى )))
بسم الله الرحمن الرحيم
السلام عليكم ورحمة الله وبركاته
أخواتى العزيزات .. ربنا يبارك فيكم يارب ..
طالبة مساعدتكم فى أول شقة ليه .. وبصراحة محتارة جدا فى تقسيم المساحات
ولازم فى خلال أسبوعين على الأكثر أحدد التقسيم الداخلى ( الحوائط )
ومحتارة لسبب مهم جدا .. لأننا أتعودنا فى بلدنا
أننا غرف الأستقبال تكون مفتوحة مع بعضها .. يعنى مافيش مجلس حريم ومجلس للرجال لوحدهم و أنا نفسى أراعى النقطة دى
فى بيتى .. لأنى حاسة بأهميتها من يوم الحجاب والحمد لله .. علشان أكون براحتى ومش مقيدة
فى وجود ضيوف لزوجى .. أو عند زيارة صديقاتى .. وبصراحة ما أتعودتش علي الشكل ده
ومش عارفة أيه اللى ممكن أراعيه فى مجلس الحريم والرجال ..
يعنى طالبة أفكاركم الحلوة لأنى عارفة أن ده موجود فى معظم بيوتكم ..
يعنى أبسط الأمور قولولى عليها ..
ثانيا : محتارة فى أهمية بعض الغرف .. ومدى عمليتها يعنى مثلا غرفة لغسيل الملابس
مهمة ولا لاء؟ .......... وأفضل مكان لتواجدها ..
أرجوكم .. أنا عايزة رأيكم من خلال أستخدامكم .. يعنى أيه العملى
طولت عليكم .. لكن أملى فيكم كبير بأذن الله .. لأنى محتارة
تعليق