تويت
يابنات افيدونى .. خشب ولا الوميتال :(
السلام عليكم يا بنات
انا فى مشكلة مع زوجى عايزين نعمل دولاب مطبخ جديد .. انا مصمم انى اعمل دولاب الوميتال وهو مصمم انه يعمل دولاب خشب
قلولى ايهما افضل فى المطبخ مع الدهون وكمان يتحمل ويتنضف بسهولة ياريت تقولولى رايكم بسرعة
بحبكم اوى
-
السلام عليكم يا بنات
انا فى مشكلة مع زوجى عايزين نعمل دولاب مطبخ جديد .. انا مصمم انى اعمل دولاب الوميتال وهو مصمم انه يعمل دولاب خشب قلولى ايهما افضل فى المطبخ مع الدهون وكمان يتحمل ويتنضف بسهولة
ياريت تقولولى رايكم بسرعة
بحبكم اوى -
الخشب أفضل ..وسهل تصليحه لو خرب
وسهل تغيير لونه مستقبلا -
اهلا غاليتى
مما لاشك فيه ان الالوميتال سهل التنظيف
الى جانب ان به الان العديد من الاشكال واللوان المميزة
الخشب بالطبع افخم فى الشكل العام
وانتى ممكن تعملى مطبخ خشب
بس بارفف الوميتال لسهوله التنظيف
موفقه ان شاء الله
لا حول ولا قوة إلا بالله
يا رب أنتَ الشافي.. لا شفاء إلا شفاؤك
أسألك اللهم بكل أسمائك الحسنى وصفاتكَ العُلى
أسألكَ اللهم بقدرتك التي لا تعلوها قدرة
أسألكَ اللهم بقوتك التي نراها في كل ما حولنا
أسألكَ اللهم برحمتكَ بعبادك التي فاقت رحمة الأم بوليده
ان تشفى اختنا صوفى
شفاءا لا يغادره سقما
وتحميها وتعينها
وتجعل ماتمر به فى ميزان حسناتها
" واقـفـون هـنا... قـاعـدون هـنا... دائـمـون هـنا ... خـالـدون هـنا ... ولـنا هـدف ... واحـد واحـد واحـد ... أن نـكون ... وسنـكون "
【 الـثـائــر الـحـق هــو الــذي يــثــور لـيـهـدم الـفـسـاد ثــم يــهـدأ لـيـبـنى الأمـجـاد】
مِنْ هَوَانِ الدُّنْيَا عَلَى اللهِ أَنَّهُ لاَ يُعْصَى إِلاَّ فِيهَا، وَلاَ يُنَالُ مَا عِنْدَهُ إِلاَّ بِتَرْكِهَا
الحقيبة الدعوية{ سـماع الاغانـى }
تعليق
-
الخشب ان شاء الله كمان هعمله في مطبخي لما اجوز ان شاء اللهتعليق
-
الخشب ممكن يجمع الصراصير ويتقشر من المسح بالماء انا مطبخي الوميتال وانتي وذوقكتعليق
-
الخشب اظن احسن وافخماللهم بارك لي في ابنائي واجعلهم من الصالحين
تعليق
-
الخشب اقيم وفيه انواع جيده مش بتعمل حشراتتعليق
-
بصى حبيبتى انا عن نفسى لو هعمل الومتيال يبقى مش هختار عندى فى مصر غير قبنورى
وانا شوفته على الحقيقيه اشكال راااائعه والوان جميله وتصاميم مختلفه العيب الوحيد الى فعلا حسته مشكله الحواف بتاعت الدرفه نفسها حادة جدا فى كل التصاميم
يعنى لو شركه الومتيال زى كبنورى كدة الى هتعملك يبقى اعمليه على بركه الله وبتتحسبى عليه بالمتر
بالنسبه للخشب بقه
الخشب طبعا رااااااقى وجميل وتقدرى بردة تعمليه اللون الى انتى عاوزاة والخشب فى النهايه مادة طبيعيه ليس منها اى ضرر
ويمكنك تبطين الخشب بمادة قابله للغسل او على الاقل المسح بالمياة
هى بتبقى صبقه بيضاء بيطبطن بيه دولاب الخشب بالكامل من الداخل الحقيقه معرفش اسمها
لكن ممكن تكون قشرة خشب من النوع الام دى اف المعالج للرطوبه والعازل للماء
ومع النضافه طبعا مافيش حشرات
ازاااى اصلا يكون فى حشرات فى المطبخ انا مش عارفه الحمد لله ياااااارب
والاختيار ليكى فى النهايه
واتمنى اكون افتدك ياااااارب
تعليق
-
شكرا ليكم جدا وانا معتزة برايكم
فى الحقيقة انا احب الالوميتال واعشقه جدا من حيث المظهر الراقى والالوان الامعة الزاهية والاكسيسوريز وكمان فى النظافة مش بيمسك فيه الدهون وسهل التنضيف .. وبصراحة مش بحب الخشب نهائى من ناحية الشكل لانه ستيل قوى وكل الموديلات تحسيها قديمة كانها من ايام جدتى وغير عملى بالمرة وخصوصا انى حقفل تحت الحوض وسهل جدا انه يبقى عليه ماية وده اكتر شئ ممكن يخليه يبوظ وكمان سهل الدهون تمسك فيه ولو حبيت اغسله بسلك او بشى حيتجرح لكن للأسف مضطرة اقبل لان كلكم قلتم خشب ولان زوجى مصمم عليه
اشكركم جدا جدا جدا على تفاعلكم معى وجزاكم الله خيراتعليق
-
انا أفضل الالوميتال لأسباب كتيره أنتى ذكرتيها أهمها عندى النظافه مع إن الخشب أشيك وده برأيى مهندسين ديكور لكن الالوميتال فيه منه حاجات كويسه برضه وزى ما أنتى قولتى اللامعه بتاعته والألوان والأكسيسورز
فكرى تانى وحاولى تقنعى زوجك بالراحه لان أنتى اللى هتستعمليه فلازم يكون مريح لكىتعليق
-
بصوا نصيحه الخشب افضل
انا اشتغلت فترة طويلة في مجال المطابخ واحب اقولكم
ان تصنيع المطابخ الخشب في مصر افضل كتير من الالمنيوم
بالإضافه انا الالمنيوم فيه حواف بتجرح وانا دايما في معارض الشركه كانت بتجرحني لما جيت أوروبا لقيت ان الخشب هو الملك
المهم انك تشوفي حد شاطر يعمل لك المطبخ الخشب
ويحط لك عازل ويكون خشب نظيف
وخلي بالكم من
فيه ناس بتسرق في تمتير المطبخ يعني لفي كتير واسألي وعلي فكره فيه كذا طريقه لحساب التمتير .
ثانيا طبعا هتحتاجي إكسسورات ايشي سله دوراة وايشي ماجيك كورنر
خالي بالك معظم الصنايعيه بيطلع سمسرة من وراكي لو هو اشتري او لو راح معاكي بيكون متفق مع المحل او المعرض او الشركه أيا كان علي نسبه لفي برضه انتي الاول واعرفي الاسعار !!!!
ثالثا لازم تتأكدي ان الشخص سمعته كويسه ممكن تتفأجيء انه قعد يماطل في الوقت و ولما تصدقي تستلمي المطبخ و تلاقي بلاوي اوعي تديله الفلوس كلها .
وحاجه مهمه ذكرتها احدي الاخوات قبنوري مش من الناس القويه في المطابخ
شغلهم شكل بس كله مشاكل وعيوب
الوحيد اللي بيعمل مطابخ محترمه هو عمرو حلمي ديزاين بس دا غالي جدا
وبيستخدم إكسسورات ومفصلات ألماني وإيطاليالتعديل الأخير تم بواسطة crazy life; 06-08-2009, 11:46 PM.تعليق
-
الخشب من وجهة نظري افضل كثيرا
اما الحشرات فهي مسالة نظافة و لو اهملنا في نظافة المطبخ او تركنا فتافيت طعام فسيمتلئ بالحشرات سواء كان خشب او الوميتال
اما موضوع الشكل فلو كان الصنايعي كوبس ممكن يعمل مطبخ تحفة
و الملاحظة الخاصة بي ان من حين لاخر تظهر موضات نحب نقلدها سواء في الملابس او الاثاث او اطقم الشاي و القهوة
لكن يظل الكلاسيك او التقليدي دائما في الصورة او علي راي والدتي "ما بيبطلش"
و ربنا يوفقك انا عارفة ان التجهيزات دي بتبقي ايام صعبةتعليق
تعليق