كمرة ساقطة افيدوني يا خبيرات ؟

[ام مادو]

يا رب رأى يفيدك.لو كانت الكمرة جنب مدخل الشقة اعتقد ماينفعش فيها الدفاية.لكن فكرة المرايا الكلاسيك احلى

[بوارق الفجر]

موفقه

[سلااام]

على فكره دفايه جنب باب الشقه مش فكره كويسه
لان الدفايه بتكون جزء من جلسه
يعنى فى غرفة معيشه
فى غرفة جلوس
مش كدا فى المدخل منظر وخلاص

ممكن تستغلى المكان بمرايه كلاسيك زى ما قالت لك الاخت ام صائب
وفكرة الرفوف كمان مش صح لان المكان مش غائر للداخل لدرجة يشيل رفوف وكمان هيكون معرض للخبط لانه فى طريق ..
ممكن تحطى برواز وتعملي له اضاءه خاصه

ممكن كمان تحطى كونسول والمكان هيكون مناسب جدا جدا لانه جنب باب الشقه هو مكان الكونسول

ولو تصورى صوره ابعد شويه توضح المكان .. اكيد هنقدر نفيدك اكتر ..

ديه فكره براوز وحواليه اضاءه .. طبعا فكره تخيليه

وديه فكره مرايه بروازها مودرن

وديه فكرة المرايه الكلاسيك .. طبعا كل ده على الحائط الى عندك وانا قصيت الصور وحددتها عشان تظهر كانها معلقه عندك وبالتالى توضحلك الفكره

تحت المرايات او اللوحه ممكن تحطى طاوله صغيره تبع نوع المرايه عشان تكونى كونسول او تحطى جزامه ماشيه مع نوع المرايه بما ان المكان جنب باب الشقه
وطبعا بتختارى مرايه ماشيه مع نوع الاثاث عندك ... يعنى لو مودرن المرايه تكون مودرن وهكذا

اتمنى اكون افدتك

[i muslmah]

جزاكم الله خيرا ع المرور

يمكن الصورة ما وضحتش بس المربع ده للارض يعني الخائط كله تقريبا 2ونص
المربع ده واخد من الارض متر ونص والباقي للسقف بره

[i muslmah]

اهلا سلام شكرا حبيبتي لجد ربنا يكرمك

على فكره دفايه جنب باب الشقه مش فكره كويسه
لان الدفايه بتكون جزء من جلسه
يعنى فى غرفة معيشه
فى غرفة جلوس
مش كدا فى المدخل منظر وخلاص

طيب بصي يا قمر المكان ده جنب الباب صح بس على الريسبشن والريسبشن واسع ما اشاء الله
فالدفاية هيبقى في وشها ركنة ماركيز وكرسين بس مش للجلوس
فايه المشكلة لو كانت دفاية وفها مراية كلاسيك وجنبه ابليكين

ممكن تستغلى المكان بمرايه كلاسيك زى ما قالت لك الاخت ام صائب
وفكرة الرفوف كمان مش صح لان المكان مش غائر للداخل لدرجة يشيل رفوف وكمان هيكون معرض للخبط لانه فى طريق ..
ممكن تحطى برواز وتعملي له اضاءه خاصه

ممكن كمان تحطى كونسول والمكان هيكون مناسب جدا جدا لانه جنب باب الشقه هو مكان الكونسول

ولو تصورى صوره ابعد شويه توضح المكان .. اكيد هنقدر نفيدك اكتر ..

فعلا كل المشكلة في التصوير ان شاء الله هانزل صورة اوضح

ديه فكره براوز وحواليه اضاءه .. طبعا فكره تخيليه

وديه فكره مرايه بروازها مودرن

[center]

وديه فكرة المرايه الكلاسيك .. طبعا كل ده على الحائط الى عندك وانا قصيت الصور وحددتها عشان تظهر كانها معلقه عندك وبالتالى توضحلك

تحت المرايات او اللوحه ممكن تحطى طاوله صغيره تبع نوع المرايه عشان تكونى كونسول او تحطى جزامه ماشيه مع نوع المرايه بما ان المكان جنب باب الشقه
وطبعا بتختارى مرايه ماشيه مع نوع الاثاث عندك ... يعنى لو مودرن المرايه تكون مودرن وهكذا

بصي حبيبتي فكرة المراية لوحدها للاسف مش نافعة معايا خالص
اما فكرة الكونسول
فهو اما هيتحط جوة المربع ودي ازاي كونسول متر ونص هيدخل جوه وفوقه متر تقريبا فاضي
والحيطة كلها من فوق لتحت مترين ونص

اما انه المرايا تطلع فوق المربع فانا سالت مهندسة ديكور قالتلي المربع طالع اد ايه قلتلها 40 سم
فقالتلي لا مش هتنفع خالص ومنظرها هيبقى مش ظريف

اتمنى اكون افدتك

اكيد افتدني جزاك الله كل خير

[i muslmah]

[i muslmah]

ها الصورة دي واضحة ولا لأ ؟

يللا مستنياكم
قولولي
ايه الاحسن دفاية ولا كونسول وليه ؟

انا مقتنعة بالدفاية عشان الكونسول بقى حاجة تقليدية خالص وانا مش بحب التقليد خالص

لكن الدفاية فكرة غريبة وحلوة

ده انا مرة شفت دفاية بـ 7000ج استهبال بجد

ايه رايكم بقى ؟

انا احترت تاني بجد

[ام صائب]

عزيزتي ام سلمى
بعد ما رايت الحائط بالكامل لا انصحك لا بالمدفاة ولا بالكونسول

المدفاة أظن مكانها غير جميل ولا مناسب على طرف حائط بهذا الشكل
ان لم تكن بزاوية او بصدر الصالة فشكلها لن يكون فخما أيدا

وحسب ما انتبهت للصورة الحائط جانبي واظن انه بشبه مرر

على كل حال هناك الكثير من الديكورات التي يمكن ان يدخل الجبس فيها لتعطي ديكور وديزاين جميل جدا

اليك بعض الأفكار


لاحظي القوس بأعلى الدرج بالصورة
ممكن اخفاء كل الحائط بالجبس وجعل الوسط على شكل نافذة مستديرة لوضع التحف عليها





لاحظي الارفف الجبسية هنا مع اضاءة ستزداد جمال




هنا ايضا حائط مغطى بالكامل من الجبس وترك منه مساحات صغيرة عميقة لوضع التحف





على أي حال ان كان غير مناسب وضع أي ديكور للارفف الجبسية ممكن اغلاق كل الحائط بجبس ليكون بشكل حائط عادي عزيزتي
فالجبس ممكن ان يصلح عيوب كهذه بكل سهولة


اهلا بك

[شذىالعطور]

اهلا بكِ اختى

مع الاخت ام صائب فى رايها

بعد ما رايت الحائط بالكامل لا انصحك لا بالمدفاة ولا بالكونسول

المدفاة أظن مكانها غير جميل ولا مناسب على طرف حائط بهذا الشكل
ان لم تكن بزاوية او بصدر الصالة فشكلها لن يكون فخما أيد

هى بصراحة صعب تصميم ديكور لها ولكنى وجدت لكِ اكثر من فكرة وهى

رسم الجزء الاعلى من الحائط ثم وضع رف مع تصميم عمودين من الجبس كأرجل للرف مثل هذا التصميم مع ترك مكان المدفأة خالى او تكملة للرسمة المختارة



الفكرة الثانية هى

القيام برسم الحائط كله بمنظر معين بما يناسب المكان الذى يؤدى اليه





الفكرة الثالثة هى

عمل مكتبة حائطية صغيرة فى المنتصف او على جنب وبقية الفراغ يسد بالاحجار الفرعونية




او عمل حائط وتعليق عليه تابلوهات والباقى يسد بالاحجار الفرعونية



وهنا المنظر العام لها



الفكرة الرابعة هى

تصميم حوض سمك كبير مع احاطته بالاحجار الفرعونية






بالتوفيق

[سلااام]

انا بردو مش مقتنعه بالدفايه ولا الرفوف .. فعلا الدفايه مش تقليديه ومش منتشره وغاليه لكن المكان عندك مش مناسب لدفايه ... ومش مقتنعه بالرفوف كان ... لكن فكرة الرسم على الحائط هى الانسب من وجهة نظرى وربنا يوفقك للخير ..








ده مكان يشبه كثير المكان عندك

[i muslmah]

حقيقي مش عاارفة اقول ايه

افكار اكثر من رائعة بجد حيرتوني

ربنا يكرمكم ع الاهتمام

[شذىالعطور]

المهم اختى انكِ تستطيعى تحديد واختيار فكرة واحدة تكونى مقتنعة بها

بالتوفيق ان شاء الله