o°°o بلمسات راقيه وخطوات مدروسه جهزى منزل احلامك o°°o

[yomizo]

السلام عليكم ورحمة الله وبركاته

اهلا بكم غالياتى عضوات المنتدى
من مقبلات على الزواج او من محبى التغير والتجديد
هنا نقدم لكم يد المساعدة
للحصول على المنزل الذى طالما حلمتم به
نتناقش معا و نتبادل الخبرات
ونساعد بعضا البعض
لنخرج فى النهايه
بلوحه ديكوريه راقية
هنا نساعد العروس لتتمكن من تجهيز شقتها
وايضا كل ربه منزل تريد اضفاء تغيرا على منزلها
لتشعر بالتجدد

فارجو ان يكون الموضوع مفيدا ونافعا
ونحن فى انتظار اى استفسار لنرد عليه
وموفقين ان شاء الله

[Dalida]

برافو عليكى يا يوميزو .الله يجازيكى على نيتك الطيبه.ده احنا هنهريكى اسأله عشان نستفاد من خبراتك.يا جماااااااااعه يميم خريجة فنون جميله يعنى هتفيدك فى الموضوع ده جدا.وانا اكتر واحده هتستغلك عشان لسه مجهزتش شقتى

[Dalida]

شوفى يا يميم انا عايزه اعرف ازاى نعرف نختار الوان المنزل.يعنى على اساس ايه بختار الحيطه الى عايزه اغمقها او اعملها بلون معين.بتبقى الى مساحتها صغيره ولا الى مساحتها كبيره ولا العمود."يعنى ازاى نوزع الوان الحوائط"
وهل يا يميم انى اعمل جدار بلون مختلف عن اللون الاساسى موضه بطلت ولا دى موضه هتفضل مستمره
لو مش فاهمه حاجه فى سؤالى اسألينى؟؟؟؟؟؟؟؟

[yomizo]

لا يقمر فاهمه
لو المكان عندك ضيق يبقى لازم تعمليله الوان فاتحه عشان تديكي احساسا انه واسع وكبير
والعكس طبعا

ولو في عندك جدار مش مستوى سطحه مثلا او فيه عيوب مكان المحاره او التكسير ممكن تعمليه عليه اى شغل انت تحبيه ازا كان بقى سبونشات ( تعتيق يعنى )
او انك تلزقي عليه ورق حائط
بس اللى هو بيكون بالقطعه
انا عندى مه بس الصراحه كنت جايبه من برا مصر
يعنى اشكال ورود وفروعها بتتقص وتتوزع على حسب المكان اللى تحبيه وبتكون عباره عن استيكر شفاف عشان مايبانش على حائط ملزوق عليه بس لازم يكون الحائط املس يعنى مافيهوش اى خربشه
وانا احب ان الشقه كلها تبقى لون واحد او ممكن لون بتدرجاته
والابيض والبيج الفاتح او اولاف وايت بيبقوا من احلى الالوان اللى يليق عليها الاثاث كله
مهما كان لونه

لانك فرضا عملتى الوان في بعض الجدران والاخرى بالوان مختلفه
وجيبتي بعد شي سنه ولا اتنين حبيتى تغير في الاثاث او نقل غرفه مكان الاخرى
هتعملى ايه وقتها ؟؟

هتعيدى تلوين الجدران كلها يعنى تكلفه تانيه فوق تكلفتك الاصليه

[loverose233]

موضوع حلو وهحتاجه يا قمر......معلش لو انتي من القاهرة تقوليلي انضف محلات فرش بس يكون مودرن عشان ده اللي بفكر فيه....ويكون سعرها معقول وحاجتها مضمونة...سؤال كمان معلش انا الريسيبشن عندي كبير جدا وهياخد 4 اوض فهعمل 2 انتريه و صالون وسفرة......دلوءت بئى عايزة اعمل مستويات يعني مثلا عايزة اعمل درجتين سلم للصالون.....بس فيه ناس قالو انها للسفرة وبس حكاية المستويات دي..بس مكان السفره هيكون مش مناسب لحاجة زي دي فانتي ايه رايك......وجزاك الله الف خير ...وربنا ينفع بيك يارب..

[Dalida]

شكرا يا يميم .معاكى حق انا اقتنعت برأيك اوى وهعمل بيه.

[nhnh]

اهلا بيكى معنا يميمومه
موضوع جميل غاليتى
ان شاء الله الاخوات يستفادوا منه

[yomizo]

موضوع حلو وهحتاجه يا قمر......معلش لو انتي من القاهرة تقوليلي انضف محلات فرش بس يكون مودرن عشان ده اللي بفكر فيه....ويكون سعرها معقول وحاجتها مضمونة...سؤال كمان معلش انا الريسيبشن عندي كبير جدا وهياخد 4 اوض فهعمل 2 انتريه و صالون وسفرة......دلوءت بئى عايزة اعمل مستويات يعني مثلا عايزة اعمل درجتين سلم للصالون.....بس فيه ناس قالو انها للسفرة وبس حكاية المستويات دي..بس مكان السفره هيكون مش مناسب لحاجة زي دي فانتي ايه رايك......وجزاك الله الف خير ...وربنا ينفع بيك يارب..

شوفي ياقمر عندك طارق تريد حاجته حلوة اوى
واسعاره كمان حلوة اوى يعنى ممكن تلاقي عنده انتريه كنبه 2 وكنبه 3 وبارجير بحوالى 4000 الف جنيه
وممكن اقل وازيد طبعا
وخشبه كله من جوا زان بجد وبيعيش حلو اوى
وده على الاقل انا مجرباه عندى في البيت الصالون والليفنج من عنده

وعندك كمان تصميمات
دول كمان كويسين اوى وبيروحوا يرفعوا مقاسات ويعملولك بلان لكل اوضه بتوزيع الاثاث فيها

*تصميمات
مدينه نصر 106 ش مصطفى النحاس المنطقه السادسه مدينه نصر
----------------
*طارق تريد
مدينه نصر 36 ش الدكتور البطراوى مدينه نصر

الدقى 9 ش شهاب المهندسين شقه 2 الدور الاول فوق الميزانين والارض
في كمان فرع في مصر الجديده بس كله الترا مودرن
---------
الاسامى كتير بس انا بكتبلك اللى اعرفه وللى الناس كتير شكروا فيه وفي اسعاره وجودته

وفي كمان ديكوريه
هو يمكن اسعاره تعتبر نوعا ما عاليه شويه بالنسبه للنوم والسفره بس حاجات نظيفه جدااا وذوقها حلو جداااا
-----
* ديكوريه
القبه 12 ش ابراهيم اللقانى مصر الجديده
وكمان

Toomodern*

Address :
17 عبد الرازق السنهوري - مدينه نصر - القاهرة
--------------------------
الرسيبشن بقى
يهمنى الاول اعرف انت عندك كام غرفه مقفولين
عشان ممكن ناخد من الرسيبشن جزء وندخله على غرفه منهم كتوسعه او حتى معمله ليفنج مفتوح

المستوى الثانى بقى الاحلى انها تتعمل للسفره اه بس لما نيجى نتكلم على الافيد والاصح بشكل عملى هتلاقي انك تعملى الصالون احسن

لانك لو عملتى السفره على مستوى اعلى وجيتي مثلا شايله طبق سخن او شوربه واتكعبلتى عل السلم
كله هيتكسر

الصالون المستوى التانى فيه بيديله خصوصيه ورقاء اكتر
وبرده على حسب انت عاوزة الاثاث مودرن ولا كلاسيك
لانى برجح المستوى التانى للستايل الكلاسيكي بحسه اوجه مع الكلاسيكي اكتر من المودرن



وبعدين ممكن يكون الرسيبشن عندك كبير وهو فاضي لكن لو مليتيه باربع غرف تمشي فيه بالورب
خلى المساحات مناسبه والابعاد بين كل غرفه والاخرى مناسبه
يعنى ماتكربسيش كله جنب بعضه عشان عندك مكان فاضي

[شذىالعطور]

بارك الله فيكِ عزيزتى

وجعلك عون لكل عضوة هنا فى الركن

بالتوفيق ان شاء الله

[lubnam]

شكرا على الموضوع الحلو
سؤالي ايه رايك لو عملت ارضية المطبخ لونين ولا بقت موضة قديمة

[lubnam]

سؤال تاني
الشقة عندي مستويين واحد للرسيبشن وبعدين تطلعي بثلاث سلالم لغرف النوم السلالم دي بتكون سيراميك ولا بتكون ايه ياريت تقوليلي

[loverose233]

ربنا يكرمك يا يميم يا قمراية والعناوين هسجلها ان شاء الله لحد منشتري الفرش...وان شاء الله بكرة هحاول احطلك رسمة مبسطة للشقة عشان تعيشي معايا الجو وتديني افكارك على رواق يا جميل..........وجزاك الله الف خير

[yomizo]

شكرا على الموضوع الحلو

سؤالي ايه رايك لو عملت ارضية المطبخ لونين ولا بقت موضة قديمة

انت قولتيها بقت موضه قديمه
انا اقولك الاحسن على المستوى العام
ابعدي عن كل ماهو موضه لانها سريعه الانتشار سريعه الانتهاء

ولو حبيتى تضيفي اى لمسه تغيير فيما بعد ستكونى مقيده جداااا بسبب اتباعك للموضه مما سيكلفك الكثير من الاموال لتعديل بسيط

[yomizo]

سؤال تاني
الشقة عندي مستويين واحد للرسيبشن وبعدين تطلعي بثلاث سلالم لغرف النوم السلالم دي بتكون سيراميك ولا بتكون ايه ياريت تقوليلي

على حسب الشكل العام المتناسب مع باقي جو الشقه
هناك من يعمله رخام وهه الافضل نوعا من السيراميك
وهناك من يحبه خشب

ولكن افضل الرخام عن السيراميك
او لو كان سيراميك يكون خشن يعنى سطحه خشن وليس املس حتى لا يتسبب في اى ضرر من الزحلقه

[≈ احـتِـوٍآءْ ≈]

موضوع رااااااااااائع
تسلمى ياقمر