اختكم محتاسسسسسسسسسسسه :( اهئ اهئ

[mashimaro16]

السلام عليكم
ازيكم
عاملين ايه

اهئ اهئ
انا مش عارفه الموضوع ده ينزل هنا ولا فين بس قولت هنا حاجات المنزل واثاثه واكسسواراته
لو طلع مش هنا قولولى اروح فين ممكن : (

بصوا
انا بجهز لسه
وبدور على طقم الاركوبال ومش لاقيه حاجات حلوه خالص
ان نفسى فى الفرنساوى بس مش لاقيه غير شكلين ومش حلوين
نزلت حمام التلات مش لاقيت حاجات خالص
ممكن تقولولى اجيب ايه ؟نوع ايه ومنين؟ويكون مثلا عدد القطع كام؟
انا متاسفه مسبقا لو طلع الموضوع مش مكانه هنا
بس بجد ياريت تساعدوووووووووووونىىىىىىىىىىىىىىىى

جزاكم الله الجنه

[behappy]

الاركوبال الفرنساوي رائع ...ليه مش عاجبك؟؟

و عادة بيتكون من 52 قطعه ...انا عندي واحد فرنساوي بيج وفي وردات رقيقه موف

واورنج

بيكون كمان في الازهر ...وممكن تلاقي في عمر افندي او بنزايون اشكال جميله

[شذىالعطور]

بصراحة ليس عندى فكرة عن الاماكن الموجوده فى القاهرة

ولكن شوفى القطاع العام الاول وممكن تسأليهم لو يعرفوا اماكن معينة يباع فيها

بالتوفيق

[السهى]

أهلا أختي mashimaro 16
كنت أتمنى لو أقدر أساعدك
لاكن ما عندي فكري لاني مو من القاهرة
أتمنى لك التوفيق

[lomaaa]

متبكيش اختى ماشيمارو
الموضوع بسيط خالص
زى ماقالت الاخت بي هابى الفرنساوى راائع
واشكاله جميله اكيد ملفيتيش كويس فى حمام التلات
اصله حوارى وازقة وممكن حاجات تفوتك وانتى مش واخدة بالك
كمان معارض 6 اكتوبر فيها حاجات جناااان
ربنا يوفقك وتوصللى للى انتى عاوزاه

[دندون]

بي هابي ماقصرت

يعطيها العافية

[nagi88]

موفقة ان شاء الله

[mashimaro16]

ميرسى ليكم كلكم انكم رديتوا عليا

اه عارفه انه احلى حاجه الفرنساوى بس ملقتش اشكال حلوه خالص
بى هابى مش لاقيه حاجات كده زى اللى بتوصفيها تبقى اموره كلها حاجات ملعبكه ومش حلوه خالص
هوا 59 قطعه

قالولى فعلا على عمرافندى وان شاءالله اروحه بعد شويه

لوما انا فعلا روحت 6 اكتوبر بس ملقتش
لاقيت اللى موجود اللى هوا 19 قطعه بس
ملقتش الى 59 قالى كان فى العرض اللى فات وخلص وميعرفش اذا كان يجيله تانى ولالا

شكرا شذى العطور , السهى , دندون , وناجى

انا فعلا حمام التلات ده مقرف اوى
كله زحمه والناس بتزق فى بعضيها وحاولت الف على قد ما اقدرت دخلت كل المحلات الى شوفتها بس مش لاقيه فى الفرنساوى غير 3 اشكال

اخر حاجه وصلتلها وبنات قالولى على اماكن كتيره منها
محسن الفيومى ده فى صلاح سالم
وقالولى مركاتو ده فى عباس العقاد
وقالولى التوحيد والنور !!! شاكه فيه بصراحه

حشوف وادعولى يارب الاقيه

بجد متشكره ليكم اوى

[نور كوكى 87]

ان شاء الله تلاقى شكل يعجبك
بس التوحيد والنور اسعاره كويسة بس انا انصحك تروحى اللى فى الحى الثامن فى مدينة نصر أو اللى فى عباس العقاد لان الذوق فيهم كويس اوى
وابقى قوليلنا اخر الاخبار يا قمراية