هل مطابخ قبنوري عمليه ارجو الرد السريع

[البارونة2000]

ارجو المساعدة والرد السريع هل مطابخ قبنوري الجاهزة عمليه في الاستخدام اما الافضل اللجوء الي نجار لتفصيل المطبخ وشكرا ارجو الرد عليا سريعا

[behappy]

اهلا بك اختي

من خبرات من حولي ممن نفذ مطابخ قبنوري

انها شكلا جميله و انيقه الا انها لا تتحمل الهلك اليومي و الاستعمال

المعروف عنا كعرب من طبخ ...الخ

بمعنى ان ارففها تسقط مع الوقت والمفصلات ايضا

وانا عن نفسي افضل المطابخ العموله اي التفصيل

والتى ياخذ العامل او النجار مقاس المطبخ تماما و تنسقيه كما تريدين

و الخشب يتحمل بشكل كبير كما ان منظره انيق ومن الممكن لتلافي

منطقة البوتاجاز ( الفرن ) وما فيها من دهون ...الخ

ان تحيطي المنطقه بنفس نوعية الجرانيت المستخدمه على السطح

اتمنى اكون افدتك وفقك الله

[بنت المنصورة]

هلا بك حبيبتي albgoury-nanis
انصحك بعدم استخدامها لانها لاتصلح لبيت ربته تطبخ كل يوم
بل تصلح لتزين المطبخ !!!!
اماتفصيل المطبخ عند النجار هو الاحسن والافضل
انا سبق ان جربت المطابخ المصنعة فكانت خسارة للبيت

اتمنى اكون افدتك

[ام بودى2]

السلام عليكى اختى الغالية
انا مع الاخوات الفاضلات
الخشب ثم الخشب
اضافة بسيطة يمكن تجنب الدهون بوضع الشفاط فوق البوتوجاز مباشرا

[البارونة2000]

الف شكرا لكل

شكرا حبيباتي علي الرد والله افتدوني بدرجه كبيرة اكرر شكري لكل من قام بالرد على سؤالي وانا اتفق معكم في الراي بس حبيت اتاكد يعطيكم العافيه

[شذىالعطور]

كما قلن الاخوات جزاهن الله خيرا

لابديل عن الخشب وفقك الله

[lololala]

هي شيك اوي بس فعلا مش عملية وكان غالية اوييييييييي

[ganageno2]

علي فكره تصميمات قبنوري روعه وكمان فيها مميزات كتير
المهم انك تحافظي علي مطبخك حتي ولو خشب
الفرق بين الخشب والالمونيوم
الخشب لو ولع الالمونيوم لا
والخشب بيلم حشرات والالمونيوم لا .الخشب ممكن يتاكل من الميه وكده والمونيوم لا
دا راي المهم انك تسالي كويس علشان متندميش
والف مبروك ليكي

[m_osama78]

السلام عليكم
اختى العزيزه :
انا جربت الاثنين الخشب و الالوميتال بس مش قبنورى عموله يعنى
منكرش ان الخشب شكله اشيك بس بصراحه لو مش مهتمه بنظافته اول باول بيجيب حشرات و نمل و كدا و تنظيفه مش سهل
اما الالوميتال فهو يمكن يكون محدود فى تصماميه لكن انتى ممكن تلعبى بالالوان زى ما انتى عاوزه و تنظيفه اسهل بكتيير من الخشب يعنى بجلانس بس يبنظف و بيبقى نظيف و بيلمع
فالاختيار يرجع لك فى الاخر بس الخلاصه المطبخ يكون عموله عند نجار لو خشب او المتخصصين فى المطابخ الالوميتال كتيير بس مش قبنورى علشان بصراحه غالى قوى
ارجو اكون افدتك
والسلام عليكم